IBRANI 11:7 - ALLAH NIHYET MEM TUNGWATU NYA

⁷ Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 11:7 ပူးပေါင်းရင်းမြစ်များ

NITRITI 19:14

Gima rino Lot bisau buug ngat pinai cin di igyok wa kep nipmisop bat cin lene bidip huk yok bipai “Suar jibipbur ba, jinang leu sirini lewo tuhan micok tut hagom ug ri.” Noro ikan bigya noni cat eisi he.

NITRITI 6:13

Gima rino Noni pai bak Nuh “Dikos tut bipia midicok tut tungwatu nya yahagom. Lewo ibon munti di kinei nya kieng kep dihyei nisurti-nipekti hagom tu. Gima rino midicok tut yok bitut dihyeisi dini.

NITRITI 6:22

Lene Nuh yai mun nyeng hagom bit leu nok Allah nicuk noti.

NITRITI 6:9

Ayat dini yok pui sut Nuh kin niyai munti nya. Nuh ningon sren ba, nongkom ningon kwes kin Allah mem nijam dima. Allah kin Nuh ingon ce yam bi.

NITRITI 7:23

tuhan cok tut mun di niyaijo ei dihyeisi hagom tu. Nok tungwatu nya kin mindhe-ndhe nya kin ha nya hagom. Noro Nuh kin nide ig bei nsi nya yongkom ingwes ngun ei kibar nsi.

NITRITI 7:5

Lene Nuh yai mun nyeng hagom bit leu nok tuhan nicuk noti.

NITRITI 8:16

“Ma ahei sut atnem kin apmot bat nya bitut itnem bat nya leu kibar nsi.

NIBOU NDIG NYA GI NICAN 4:5

Sop kibom dima ngkwei hanyen lene ya tut nipmot bat cin bicoi ug ei ig bei leu lene nggam mbou cem. Leu api yai ampou mien tut mini zaitun pima buhug ei ampou ngwak di nipmot bat nya isu binoni nyati.

AYUB 35:8

Noro ade sisar di abon nya he ribindin asut bat nya lene ade nibon munti di kei rino bimpu yok cem a.

NIPINGOK NINGONTI 22:3

Gino yo di ipmem bat nya imiep ingon tu nya itau kep mun di nahanok micut igkep yok ne imbres yonti leu noro bon yo di ingon mbum nya yoom yonti leu kan bi apino itug midut.

NIPINGOK NINGONTI 27:12

Gino yo di ipmem bat nya imiep ingon tu nya itau kep mun di nahanok micut igkep yok lene imbres yonti leu noro bon yo di ingon mbum nya yoom yonti leu kan bi apino itug midut.

YEHEZKIEL 14:14

Mbro nok gino Nuh kin Danel kin Ayub nya ibong ei mpia dima lo, ibou ningai dima ide nibon munti di kei teu yonti njem innei he ba, ingwes ngun. Da di tuhan Di Dinyeng Jei Bibor disimbot dat tu.

YEHEZKIEL 14:20

mbro nok gino Nuh kin Danel kin Ayub nya ibong ei sirima lo, deheng bitug hon Da di Allah di niyaijo kin Da di tuhan Di Dinyeng Jei Bibor dinyeng bipia bit bon yoni iteu tungwa hi bitut yonti imunggwom bat nya cem bingwes ngun kan bi. Noro yonti njem he rima ingwes ngun tug hon ide nibon munti di kei nya.”

YEHEZKIEL 33:5

Suar noni buhup hanyen tut nimaisi lewo ningkek ndok tut brem-brem di nimbimbi bong. Ne gino nitingou dile tut brem-brem nibimbi di bitto yok tut mun di buhun dima ne ningwes ngun.

MATIUS 2:12

Leu api Allah sok kep yok tug hon mumpriem gom ser nhyema ingkwei hanyen bingat Herodes bu au noro ma imbut kak puig hiter di bie ug ei itimieisi hanyen leu.

MATIUS 24:15

“Mijingat lo, ‘Nisibutti Di Bindei Di Map Kui Tuhan De Igti’ tirigi ya ei ninsi di kwes-kwau dem igbit srat di nabi Daniel pas kep tut. (Ma no di kwop srat bokti dini yok ngon kep ningginausi!)

MATIUS 24:25

Ma jiyok ngon kep! Dimbot kep tut gini hagom brei bije nipou tirigi nidemti dem bigyo.

MATIUS 24:38

Nipou pima tirigi minyei ut kep yok bigyo lene tungwatu nya igyem njita ba, idut ndia ngei lene iwak yam cem kikau ug bipek njap dino Nuh coi ug ei kibar nsi kep.

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

LUKAS 17:26

Lewo Munggwom Tungwatu Nipmot nittau hanyenti midem kep nok nijam di Nuh gwam ei dihyeisi dini.

ROMA 1:17

Lewo Nihyet Di Kei mbot kep tut nisinati tut Allah niyai tungwatu nya ingon kwes kin Noniti. Nisinati dima tug hon ide niba ningon com Noniti ei nimbie him kikau ug bipek ningwigsi kep. Bit leu nok Allah Nihyet pai “Tungwa tou rino yai ningon kwes kin Allah tug hon niba ningon com Noniti miyai niyaijo nijep!”

ROMA 10:6

Noro tut nisinati mem tungwatu nya igyai ningon kwes kin Allah hanyenti tug hon ide niba ningon com Noti ne Allah pai ‘Ma jihig jingon tut no di mikui ug ei gwamti (leu binhyepo buwak Kristus juk hanyen kwei) au.’

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

ROMA 4:11

Leu api noni yai midut sunat ei niabiati bu. Midut sunat ne mun di bindo bipia Allah joi sut Abraham nok no di pwoi Allah ningon drek dip niba ningon com Allahti nipou bibie tirigi noni yai midut sunat bigyo ri. Gima rino Abraham ne ide pung di bitut innei mem yo di iba ingon com Allah yahagom intun him ri. Mbro nok gino igyai midut sunat bi lo, iba ingon com Allah lene Noni joi sut yok nok yo di ipwoi ningona.

ROMA 4:13

Allah preu ei mem Abraham kin yo di intun noni him bipia imbun dihyeisi dini. Noni preu ei nok gima lewo Abraham bit Puig Yahudi nicuk noti nya bi noro lewo noni ba ningon com Allah apino Allah joi sut noni nok no di pwoi ningona.

ROMA 9:30

Nirop ninda ndigsi pai mindei binye i? Ngkiai nya inggok puig mem gima igyai ingon di kwes kin Allah hanyen bi. Noro Allah yai ingon di kwes kin Noni hanyen tug hon ide niba ningon com Noti.

GALATIA 5:5

Noro tut nye dini ne niyok ningon mem nyende ningon kwes kin Allahti di niyai tug hon nisindemti leu Allah Ninnei kin niba ningon com Kristusti cem.

FILIPI 3:9

bidinok gom kin Noni. Dinggok tut ningon kwes kin Allahti tug hon gi dibindei mbut Puig Yahudi niggai serti nya bu bi. Nogindini dingon kwes kin Allah hanyen tug hon ditde niba ningon com Kristusti. Lewo Allah yai ningon di kwes kin Noni hanyen bak tungwatu nya tug hon ide niba ningon com Yesus Kristus Nongkom he.

IBRANI 11:1

Niba ningon comti bindei ba, ingon ngkiem tut mun di igyok ingon mem. Mbro nok gino ingat mun dima yok bou igyai him bigyo lo, ingon huk niti tu.

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

IBRANI 8:5

Imam Yahudi igyai munti nya ndo bindo tut mun di jo ei gwamti. Allah sok kep Musa tirigi noni tin ei mem hok Allah De Prak Meng bipai binoni “Amiap e, suar abibon hagom bit leu nok bindo di dindo bina ei mbigdip dini.”

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

PETRUS GI NICAN 2:5

Allah sindui sut tungwatu nya ei dihyei timieiti bingwes ngun cem bi. Noro bindei ba, minyei su nindig bibor bikot yo di isibut nya yahagom. Nuh nongkom kin ibou muhwindacan hi kin bu ingwes ngun. Noni tri nihyet bak tungwatu nya leu binhyepo igyai munti bindei ba Allah joi sut yok.

PETRUS GI NICAN 3:6

Leu api Noni ba minyei di su bibor bihwen dihyeisi di Noni pai tes tug hon minyei dima ba, sar bingwig.