IBRANI 11:4 - ALLAH NIHYET MEM TUNGWATU NYA

⁴ Niba ningon comti bindei ba, Habel kwas mindhe bibui sut ninggrom bak Allah lene niyaisi dima kei bibor dor njiriek mun di Kain kwas bak Noni. Allah joi sut Habel di ningon sren drek dip munkwas di bindei ba, Allah joi sut noni. Mbro nok gino Habel mai su lo, ninghapti tibim kikau kwei bipek ammani kep tug hon nide niba ningon comti.

IBRANI 11:4 ပူးပေါင်းရင်းမြစ်များ

NITRITI 4:10

Lene tuhan hig ser noni bu “Abon mun di kinei bibor dini tut nggon i? Akinjoi ninggrom no hara Da leu dihyeisi mo jug dem kep nok nihyet di hara mem nibirop hanyen bina.

NITRITI 4:15

Lene tuhan buhup “Dwai. Gino hi hwen na ba, amai lene midibindei ba, ibou muhwindacan itug ndei nimai drek dip na.” Gima rino tuhan yok mun di bindo ei Kain ningkek dip ser nhyepo hi hwen noni bimai ei puig sinon bi.

NITRITI 4:25

Lene Adam nitnem yoni igyem njita tut yam bu apino jei bi lene nitnem tta buhun. Jei bi lene noni gwam tut nipinai hi bu bijem ninyeng Set. Gima rino Hawa pai “Allah bindei ba, siyai sipmot hi kin bu biluei Habel nohoti lewo Kain hwen noni bimai su.”

NITRITI 4:8

Mpe hi bu lene Kain pai bak nikinjoi Habel “Akwei ba, suug ei ngoi dumti ri.” Tirigi yuug krau ngoi dumti lene Kain bui nikinjoi bimai hak ug.

NIBOU NDIG NYA GI NIGOM 18:38

Ngat nadi nok rino tuhan kes hum di ninjeng srei kwei leu mpia-bbed him kros leu api hum dima yem sapi ninghui kin biei hum kin tig nya hagom leu api cig-cai ug ei dihyei ninjek dip bibindei ba, minyei di jo got nsi pima hagom pingge.

AYUB 8:10

Noro ma amiap kep ndigpoi di ingon ki nya ighyet di ipai kep nipou nya. Ide ningginausi pai bina,

NIPINGOK NINGONTI 15:8

tuhan joi sut yo di ingon kwes kei nya ide nadi noro ningon mpo tut midut di yo di isibut nya ibon ei nimbar hum dokti nya.

NIPINGOK NINGONTI 21:27

tuhan ningon mpo tut midut di yo di isibut nya ibon bak Noni lo, ningon mpo bibor tut yok gino iba ingon kanti di kinei bibon midut dima.

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

MATIUS 23:35

Gima hagom nok apino mijitug ndei hukum drek dip yo di ingon ngun nya di tungwatu nya ikimukep yok yahagom ei nimbie him tirigi ikimukep Habel di ningon ngun kikau kwei bipek nijam di je di mben Yahudi jikimukep Zakharia di Berekhya nipmot ei Allah De Ninsi Di Kwes kin nimbar hum dok nikieti.

LUKAS 11:51

leu mpe di po ikimukep Habel kikau kwei bipek mpe dino ikimukep Zakharia ei nimbar hum dok kin Allah De Ninsi Di Kwes ikieti. Ma jiyok ngon kep bipia tungwatu nya ei nijam dini mitug ndei hukum drek dip yo dima yahagom imaisi.

TITUS 1:16

Yo dima ipai sut yonti bipia ikan tut Allah noro igyai munti nya srep tut ipaisi. Allah niyai ngkek ttin igyai munti nya lewo ibit nihyet bi. Dem tut gima igyai kep mun nyeng di kei gom cem bi.

IBRANI 11:2

Niba ningon comti bindei ba, Allah joi sut idigup bat-idigai bat nya.

IBRANI 12:1

Tut nyeni lene imang bibor di ikrau kep ide niba ningon comti igwam ttai nye bigyok igyai kep nye. Gima rino jikwei ba, ikes mun di ngot kep nye kin sisar di srou nye ei leu api iba ijoi bibor bidor sindem kak puig di Allah ndo binye tu.

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

IBRANI 5:1

Bikwop Imam Nibou Ndig nya ne mben Yahudi indo leu nide keret ikieti bikon ninyeng leu binhyepo ya hacan mem yok ei Allah Noho bei. Noni ba mindhe di nide limwa nya ikwas tut Allah bibon midut nibikos ser sisarti ei Allah Noho bei.

IBRANI 9:22

Ningat ne bit leu nok Puig Yahudi niggai serti lene suar iba ninggrom bipiap mun nyeng hagom bipwoi. Leu gino ninggrom siber bi lene bit bon Allah kos ser sisar kan bi.

PETRUS GI NICAN 2:8

Lot di ningon sren dima bong bit yok lo, ngat igyai munti di kinei bibor bou niyai him bimiap ighyet di kinei bibor cem bikwop njap-njap apino gima hagom hwen bit ningon srenti biyai ningon buhun bibor.

YUDAS 1:11

Ayo! Notou mem yo dima i? Lewo ico kak puig di Kain mbut kak. Ibindei yonti bicut ei nikineisi drek dip mitiei noyam kin Bileam niyai munti di yai tunggwei. Isrep tut Allah noyam kin Korah di srep tut Musa apino tug ndei nimai.