IBRANI 11:39 - ALLAH NIHYET MEM TUNGWATU NYA

³⁹ Niba ningon comti bindei ba, Allah joi sut yok lo, igyai mun di Noni preu ei mem yok bi.

IBRANI 11:39 ပူးပေါင်းရင်းမြစ်များ

IBRANI 10:36

Suar jibet jingon kikau leu binhyepo jiyai Allah ningon kanti mem je apino mijiyai mun di Noni preu ei mem je.

IBRANI 11:13

Yo dini yahagom iba ingon com Allah kikau ba, ibimai kep. Igyai mun di Allah preu ei mem yoni bi noro ingat mun dima yok hagom ei minu ting bipigo he. Ipai sut yonti bipia inok ngkiai nya kin yo di ibong-bong wai bidem minu ei dihyeisi dini.

IBRANI 11:2

Niba ningon comti bindei ba, Allah joi sut idigup bat-idigai bat nya.

IBRANI 9:15

Gima rino Kristus bon Nonti nok No di ya hacan mem gi preu nijep leu binhyepo yo di Allah dimig yok ei nya igyai Nide munkwas di jo kikau di Noni preu ei mem nye tu. Mun dini yok hagom tug hon tungwagom nimaisi. No dima ne Kristus ri. Nimai ei biei salibti kwek tungwatu nya leu sisar di ibon nya tirigi gi preu nitimiei ninyeng tak kep yok.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.