IBRANI 11:37 - ALLAH NIHYET MEM TUNGWATU NYA

³⁷ Igyai nimai tug hon yo di iba tig bihwen yok kin yo di iba segigi bisra yok hacan kin yo di iba singau simeda bitot yok cem. Bihi ijuk domba kin kambir ninta bibong-bong wai ba, inok yo di indwau nya drek dip yo di isibut nya di igyai ninghuisi wei biyok bihwen bit yok cem.

IBRANI 11:37 ပူးပေါင်းရင်းမြစ်များ

SAMUEL GI NICAN 12:31

Ter leu gima lene Daud ubon timiei minu ndig dima leu binhyepo ittei ide sigigi kin pacul di iba ngkimom nitu bibon mem ibikkin dihyei kin oi di iba ngkimom nitu bibon cem. Lene ba yok biyai midyai ei mpia di iwir igtuyap eisi cem. Daud yai nok gima tut yo di ibong ser minu ndig di jo bidem hanjop Amon nisurti-nipekti hagom. Gima leu su lene Daud ya tut tentara nide nya yahagom ba, ingkwei hanyen ug ei minu ndig Yerusalem.

NIBOU NDIG NYA GI NIGOM 18:13

Akan tut bipia tirigi Izebel kinyon ei niyai nimai bak tuhan de nabi nyati lene dijem ibou sratus gom kwei bidikwas yok ei nimpung can bidiku ibou ningot muhwi ei dihyei nyem gom lene diku ibou ningot muhwi bu ei dihyei nyem gom bu. Lene diba njita kin minyei binyohou yok bi e?

NIBOU NDIG NYA GI NIGOM 18:4

Tirigi Izebel kinyon ei niyai nimai bak tuhan de nabi nyati lene Obaja jem nabi nya ibou sratus gom kwei bikwas yok ei nimpung can biku ibou ningot muhwi ei dihyei nyem gom lene ku ibou ningot muhwi bu ei dihyei nyem gom bu. Lene noni ba njita kin minyei binyohou yok cem.)

NIBOU NDIG NYA GI NIGOM 19:1

Nibou Ndig Ahab pui sut mun di Elia bibon nya bitut nabi Baal nya di Elia yai nimai biyok tu hagom bak nitnem Izebel.

NIBOU NDIG NYA GI NIGOM 19:10

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 19:13

Tirigi Elia miap nihyet dima lene ba nide ban binggai kep niimaisi. Lene noni hei ug ei nisai biya hammi dihyei nyem dima nuhui. Lene nihyet gom hig ser noni “Akwei nggon ei sirini i?”

NIBOU NDIG NYA GI NIGOM 19:14

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOU NDIG NYA GI NIGOM 19:19

Lene Elia mbut ba, ug tau kep Elisa tirigi noni ba sapi ningut nyatungwagom ba, bitai bikkin dihyei. Noni prion biei ei sapi ningut can inggibi dip bibikwop nok leu api ya abia kep hagom bikrau mun di bipingok imbutti. Lene Elia juk nide sinsun di ninda jei leu no bibijuk Elisa.

NIBOU NDIG NYA GI NIGOM 21:10

Lene ma jikes jihyet bak yo di imbuk nya ibou poi leu binhyepo ipai kep noni drek dip gi nihyet wer mpiahi tut Allah kin nibou ndig. Lene ma jikri noni ug ei minu ndig nisai bijiba tig biyai nimai bak drek dip nihyet di wer mpiahi dima.”

NIBOU NDIG NYA GI NICAN 1:8

Lene ibuhup “Noni juk mindhe ngkek nok sinsun ndok di jei lene ba mindhe ngkek bikri kep nintig bou a.” Nibou ndig pai biyok “Ayo! No dima ne Nabi Elia ri.”

NIBOU NDIG NYA GI NICAN 2:13

Noni ug yai Elia de sinsun ninda jei di cut ei dihyeisi leu api ngkwei hanyen tut ug ei Minyei Yordan biya minyei nintig dip.

NIBOU NDIG NYA GI NICAN 2:8

Lene Elia juk nide ban binjui kok yam leu api ba ban dima bibui minyei ningwa dip bibindei ba, minyei bitun hacan leu yam leu api noni kin Elisa imbut ei minyei nipingge leusi biyuug ei nite dima ug.

NIBOHON MBEN ISRAEL GI NIGOM 20:3

Leu api noni kat timiei minu ndig Raba yahagom bibindei ba, yahagom iba sigigi kin pacul kin oi nya ba, ibiyai kep midyai. Daud yai nok gima tut yo di ibong ser minu ndig Amon nindigsi nya cem. Gima leu lene Daud ya tut nide tentara nya yahagom ba, ingkwei hanyen kwei ei minu ndig Yerusalem.

NIBOHON MBEN ISRAEL GI NICAN 24:21

Noro limwa nya igyok ingon gom ba, itte tut Zakharia nihyet drek dip Allah ningon kanti dima. Nibou ndig Yoas cem tte tut noni noyam kin nide limwa nya. Noni yok ngon kep Yoyada di Zakharia nicig di ningon gom tut tuhan kikau bimai kep cem bi. Gima rino cuk tungwatu nya ba, iba tig bihwen Zakharia ei mpia di jo bas hak di iba ngug tig bikrop ttai ei tuhan De Ig nuhui bimai hak. Dideu Zakharia ninnei nikimbasti lene hara “Handei kon ba, tuhan ngat ayaisi dini bibindei ba, abiang ayai munti dini nibuhunti!”

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 26:23

Ibuwak noni hanyen kwei leu api Nibou Ndig Yoyakim bindei ba, tungwatu nya igyai nimai binoni leu api icom ningut ug ei yo di indwau nya ijui dip.

ZAKHARIA 13:4

Njap dima dem ne nabi nya mimmai sut yonti drek dip ide niyai nibou tut nibon mun noyam kin nabiti. Ba, ijuk sinsun nabi leu binhyepo ibiris mun bibinggei sut ide ningat-hi-ngat di ingat cem bu bi.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

MATIUS 21:35

Noro yo dima ikat awak dima yok bibui bihi ba, ihwen bihi lene iba tig hwen bihi.

MATIUS 3:4

Yohanes juk unta nta di ibien nok sinsun lene tti mindhe ngkek nok bang. Gima cem noni yem kep hai ceng kin ahwei lon ngei nok nide njita.

MATIUS 8:20

Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

LUKAS 13:34

Ayo! Je di mben Yerusalem e, jikimukep nabi nya! Jiba tig bihwen yo di Allah cuk yok kwei ndam je! Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

KISAH 14:19

Lo bi lene mben Yahudi leu minu ndig Antiokhia ei hanjop Pisidia kin minu ndig Ikonium ikwei krau minu ndig Listra bikes ingon bak tungwatu ningot ndig pima yok. Yoni ibindei ba, tungwatu ningot ndig dima itti kin yok leu api yahagom iba tig bihwen Paulus bikri ningut ug ei minu ndig dima nisai bikan bigya noni mai su.

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.

KORINTUS GI NICAN 12:10

Gima rino dingon cut hon ninghuisi wei di cut igkep da drek dip Kristus. Dinghuisi weisi kin tungwatu nya ighyet tigut dati kin mun di buhun di cut igkep dati kin tungwatu nya di ihwen bit dati hagom buhun mem da bi. Lewo mpe dino ditde nisindemti ngwig leu da lene Kristus sindem tut da.

IBRANI 11:25

Noni kos tut bipia gi yai ninghuisi wei bit Allah de limwa nya bon ninyeng bidor njiriek gi ngat ningwes ei sisarti mem nijam di jei bi.

IBRANI 13:3

Ma jiyok ngon kep yo di isima ei ig bui nsi tereu nok jisima bit yok. Ma jiyok ngon kep yo di igyai ninghuisi wei tereu nok jiyai ninghuisi wei bit yok.

NINGAT-HI-NGAT NYA 11:3

Midicuk nabi nya ibou can di ijuk sinsun kron leu binhyepo itri tut Allah ningon kanti kikau mem njap sribu gom sratus can ningot muhwindagom.”