IBRANI 11:32 - ALLAH NIHYET MEM TUNGWATU NYA

³² Duhuk dihyet kikau e? E bi. Lewo jam ngwig leu da bidibon nituti mem dipui sut Gideon kin Barak kin Simson kin Yefta kin Daud kin Samuel kin nabi nya cem bi.

IBRANI 11:32 ပူးပေါင်းရင်းမြစ်များ

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

MATIUS 5:12

Lewo tungwatu nya ihwen bit nabi gi nipou nya cem tu. Gima rino ma jingon llei bibor ba, jingon kei bibor cem lewo Allah mitin ei mun di kei bibor ei gwamti mem je yo.”

LUKAS 13:28

Tirigi jingat Abraham kin Ishak kin Yakub kin nabi nitimiei nya yahagom di ingon llei bibor ei Allah De Dihyei Di Nijepti lene jipim bijiyai jinghuisi di wei cem drek dip Allah nijji je ug ei nisaisi!

LUKAS 16:31

Noro Abraham buhup ‘Gino ibit Musa kin nabi nya ide nicukti nya bi lene mice tut bibit no di kiju hanyen leu nimai eisi nihyet cem bi.’ ”

YOHANES 21:25

Ningat ne Yesus yai midyai hiter nya mang bibor bu. Gino hi pas kep tut Nide midyai di yai nya gom-gom sindam lene dikan bipia bit bon dihyei njek dip titut yam bon mpia ttou nsi nok gi dem mem inju srat nya hagom eisi kan bi.

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 13:20

Mun di pek kep dima yem ari bingwam sratus bitai ningot muhwi. Gima ngwig leu lene Noni ta nikei nya di inyeng tak kep yok kikau ug bipek nijam dino Nabi Samuel kiju mem yok kep.

KISAH 3:24

Nabi nya di itri tut mun di tibim ei Allah nuhui him bitut Nabi Samuel kin nabi nindigsi nya di igya abia kep noni cem yahagom itri tut mun di pek kep mem nijam dini.

ROMA 3:5

Noro gino ide niyai mun tunggweisi bindei ba, Allah niyai munti di sren-srau nya jo nibreisi lene ipai mindei i? Notou nyeni ibuhup yo dima ighyet i? Allah yai mun tunggwei tirigi kes hukum ei nyeni dip e? (Dibuhup tereu nok tungwatu dihyeisi dini igyai kepti.)

ROMA 4:1

Gi nok lene dipai notou sut ide pung Abraham di mben Yahudi intun him pima i? Mindei rino pek kep mem noni i?

ROMA 6:1

Gi nok lene mipai mindei i? He ma ibon sisar kikau leu binhyepo ibindei Allah nisingat tut nyeti mikum eisi bu e?

ROMA 7:7

Gi nok ne ipai mindei i? Ipai Puig Yahudi niggai serti kinei e? E bi! Noro Puig Yahudi niggai serti dima ribindei dino dikan tut sisar. Gino Puig Yahudi niggai serti dima cuon ser sisar ningon pri kep mun di hiter mbunti bi ne dingon hukti tut sisar dima bi.

YAKOBUS 5:10

Disut bat jen, ma jiyok ngon kep nabi nya di itri tut Allah nihyet di ingon jo nyahan tut yo di ihwen bit yok nya. Ba, yoni indo bindo di kei bibor binye tug hon nisinati dima.

PETRUS GI NICAN 1:21

Lewo nihyet di nabi nya itri tut tibim kwei tug hon tungwatu nya ingon kanti bi sren. Noro Allah Ninnei bie tut yok tirigi itri tut nihyet di kwei leu Allah Nonti.

PETRUS GI NICAN 3:2

Ditigtai je leu binhyepo jiyok ngon kep nihyet di tibim ei Allah de nabi nya yuhui him mimbrek ngan tu. Ma jiyok ngon kep Tuhan di teu nye leu sisar biyai niyaijo nijep binye nicuk jeti di tibim ei yo di igya kui Noni yuhui him.

NIJAM NIKEI NYA 13:24

Lene sop dima srek tut nipmot bijem ninyeng Simson. Tirigi munggwom dima ndig su lene Allah njei mun di kei bak.

NIJAM NIKEI NYA 15:20

Simson bie tut mben Israel mem ari bingwam ningot can ei nijam di mben Filistin inyeng tak kep yok.

NIJAM NIKEI NYA 4:1

Niabiati Ehud niyaijo ngwig hon tu lene mben Israel ingkwei hanyen bibon sisar tut tuhan hanyen bu.

NIJAM NIKEI NYA 6:1

Ei niabiati bu lene mben Israel ibon sisar nindig bibor tut tuhan hanyen bu. Gima rino Noni sindui sut mben Midian ico kep yok mem ari bingwam muhwindacan.

NIJAM NIKEI NYA 6:11

Lo bi lene mpe dima tuhan de malaikati gom tau kwei ei Ofra bigwam nyahan ei biei ndig gom nitriti. Biei dima ne niceu ninyeng Yoas ba, nide mbier kim Abiezer. Noni yai nipmot Gideon lo, Gideon sindi ku no nyahan leu mben Midian igyai him ei bak nindig di ipot ba anggur ningat eisi biyai gandum nicap leu.

NIJAM NIKEI NYA 6:14

Lene tuhan cuk noni bipai “Ma aug ba, aba ade nisindemti titut yam biteu mben Israel bingwes ngun leu mben Midian inda nsi a. Dani ne No di cuk na ri.”

SAMUEL GI NIGOM 1:20

Noni nghop ba, srek tut nipmot lene jem ninyeng Samuel bisimbot dat “Dahara tuhan leu api Noni bindei ba, diyai dipmot gom.”

SAMUEL GI NIGOM 12:11

Lene Noni pinak Gideon bibie kin Barak ei niabiati kin Yefta ya abia kep noni bu yahagom leu api pinak dani cem kwei ei ningwigsi. Bikwop nyeni nahagom niteu je bijingwes ngun leu jide siceu nya indati leu api jibong kei jigwam kei.

SAMUEL GI NIGOM 16:1

Bed poi ser lene tuhan hig ser Samuel “Apig api akes hon ba, angon ngguk tut Saul bu bi i? Dikou sut noni nok nibou ndig mem mben Israel. Gima rino ma apwoi ampou tut mini zaitun leu api ambut tut ug ei Betlehem ba, anggok ser Isai lewo didimig nipmot hi ei nok nibou ndig bu.”

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.

SAMUEL GI NIGOM 17:45

Noro Daud buhup “Nani aba ade simeda kin micim kin tigtug bihwen bitda noro midihwou hwen bit na tug hon tuhan di nok tentara Israel ide Allah Di Sindem Bibor po asrep huk pima ninyenga.

SAMUEL GI NIGOM 2:11

Lene Elkana nya ingkwei hanyen ug ei minu ndig Rama. Noro Samuel di Hana nipmot no bong ei Silo ba, ya kui imam Eli biyai midyai mem tuhan.

SAMUEL GI NIGOM 2:18

Mpe dima lene Samuel mahan bigyo lo, yai kep midyai nok awak mem tuhan. Noni juk sinsun nibon midut di nijei di iba minyahas linen binap.

SAMUEL GI NIGOM 2:4

Tentara di mimbri kui ingkek nya ide hampiap dahat tu noro yo di inghuisi jet nya ikum ei ide nisindemti bu.