IBRANI 11:31 - ALLAH NIHYET MEM TUNGWATU NYA

³¹ Niba ningon comti bindei ba, niba no dahat pinai pmem di ninyeng Rahab yai nimai bit timiei minu ndig Yerikho di isrep tut Allah bi. Lewo noni cigit mben Israel di ikwei yok itta kep ide siceu nya.

IBRANI 11:31 ပူးပေါင်းရင်းမြစ်များ

MATIUS 1:1

Daptar dini ndo igbit tut pung dino kwei bipek Yesus Kristus di Nide pung ntun Daud him ba, Daud de pung ntun Abraham him.

MATIUS 1:5

Salmon yai nipmot Boas di nipmem ninyeng Rahab lene Boas yai nipmot Obed di nipmem ninyeng Rut lene Obed yai nipmot Isai.

KISAH 15:33

Niabiati yo cin dima ibong ei minu ndig Antiokhia mem ari poi bu lene yo di inggre kin mbusyamei nya ipinak yok bingkwei hanyen ba, isok gi ipigo yok ei yoni dip bak yo di ipinak yok kwei. [

IBRANI 3:18

Tirigi Allah sigion yok bipai “Yo dima micoi ug ei mpia dima bibong kep inghuisi bit Da bi sren” lene pai gima tut tou nya i? Noni pai sut yo di yaham imbuk kep Noni.

YAKOBUS 2:25

Nok gima cem tut Rahab di nibou sibui. Noni yai ningon kwes kin Allah tug hon niyai munti tirigi noni cigit mben Israel ibou can di ikwei ba iba itta sien ser ide siceu nya leu api Rahab ku yok nyahan bimpu yok leu binhyepo ingkwei hanyen kak puig hiter bingwes ngun.

YOSUA 1:1

Niabiati tuhan de awak di Musa mai leu su lene tuhan pai bak Yosua di ya kui Musa di nicig ninyeng Nun,

PETRUS GI NIGOM 2:8

Lene Allah nihyet hi bu pai “Tig mma dima mibindei bitungwatu nya indrat bicut.” Indrat lewo ingon jo kep nihyet bi. Lo, gima bit leu Allah ningon kanti mem yok.

PETRUS GI NIGOM 3:20

Ninnei di isima dima yok ne tungwatu di ibit Allah nihyet bi ei nijam di Nuh bibon kibar ri. Allah om ningon tut yok mem nijam di Nuh bibon kibar dima. Lo, ibou poi di ingat rin ei kibar nsi nok ibou muhwindaningai he ingwes ngun tug hon minyei di su dima.