IBRANI 11:29 - ALLAH NIHYET MEM TUNGWATU NYA

²⁹ Niba ningon comti bindei ba, mben Israel isigon Muk Ngwoi tereu nok imbut ei ninggati. Noro tirigi mben Mesir ibingon ba, isigon lene minyei kot yahagom bingwig.

IBRANI 11:29 ပူးပေါင်းရင်းမြစ်များ

NEHEMIA 9:11

Atin puig mem Ade limwa nya ei muk ngeisi ba, abie tut yok bimbut kak ninggati. Noro minyei dima kot yo di yuhuk bram yok bisar bingwig ei minyei jou dem kep nok tig di cut ug ei muk mpoti.

MAZMUR 66:6

Noni luei muk ndigsi binok dihyei nggati bu. Nyeni nidigup bat-nidigai bat nya imbut ba, isigon biyuug dihip ei nite hi. Nyeni ningon nggei-hi-nggei sut nibon munti ei mpia pima.

MAZMUR 78:13

Noni tin puig ei muk nahacanti leu api ya tut yok bisigon ug ei nite hi. Minyei kui sur yam kui nok gi Noni jung ser minyei ei inda com kin inda prak.

NEHEI LEUSI 14:13

Lene Musa buhup “Jidigit tut au! Ma jingon nddong hak ug! Mbigom mijingat notou tuhan miteu je bijingwes ngun bou jiyai him ug ri. Nogindini jingat mben Mesir dima noro jei bi ne mijingat yok bu bi sren.

NEHEI LEUSI 14:22

Lene minyei kwas hacan. Tirigi mben Israel isigon lene imbut imig ei minyei jou di pingge leu su ba, minyei di tti kui nai tti butnap kui biwer tring sir yok.

NEHEI LEUSI 14:27

Gima rino Musa su ninda bijo nai minyei ngwa dip leu api minyei hagom sur yam hanyen mem njap tekti. Mben Mesir ibingon mem gima ingwes ngun leu minyei di kot yok noro yahagom isar ei minyei jou.

YOSUA 2:10

Nimiap tut gi po tuhan bindei ba, Muk Lipig bon ninggati ei joho bei tirigi po jingwes ngun leu minu Mesir pima. Nimiap tut gi po jiyai nimai bak nibou ndig cin di mben Amori di inyeng Sihon kin Og pima ei Minyei Yordan nite dima ug bei mpia nipriti cem tu.