IBRANI 11:27 - ALLAH NIHYET MEM TUNGWATU NYA

²⁷ Nide niba ningon comti bindei ba, Musa kes minu Mesir bimbut leu. Noni digit tut nibou ndig di ningon sibui sut noni bi. Gima tereu nok noni ngat Allah di bit bon tungwatu nya ingat bou igyai him kan bi. Gini bindei ba, noni kou sut gima ngkwei hanyen.

IBRANI 11:27 ပူးပေါင်းရင်းမြစ်များ

MAZMUR 16:8

Dingon huk niti tut tuhan ba, Noni ya bibie doho bei kikau. Noni ya kui dinda com apino mun nyeng hi bindin da bi.

NEHEI LEUSI 11:8

Lene Musa mbrap gi ningwigsi bipai “Mpe dima lene yo di igya kui na di Andigpoi yahagom mikwei kuk yok ei dimig him ba, ibidip huk da leu binhyepo dibuwak ditde limwa nya yahagom ba, nimbut bihigom leu je. Gima leu lene dimbut ug.” Leu api Musa ningon sibui sut Firaun nindig bibor bimbut leu noho bei.

NEHEI LEUSI 12:11

Tirigi jiyem mikwau dima lene jijuk sinsun bijo jingkek kin jijuk srop ei jimig kin jikrau jide tom ei jindati ba, jiyem mikwau dima haninyai. Lewo nibon midut dini ne Njap Ndig Paskah nitriti rin ba, jiba gima binggei sut Da di tuhan.

NEHEI LEUSI 12:50

Lene mben Israel yahagom ibit nicukti di tuhan tri tut bak Musa kin Harun.

NEHEI LEUSI 4:19

Nipou tirigi noni mbut bigyo lene tuhan pai binoni “Ma angkwei hanyen ug ei minu Mesir lewo yo po ibungwam mem gima igyai nimai bina pima yahagom imai leu su.”

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

MATIUS 24:13

Noro Allah miteu no di ya ngkiem kikau ug bipek ningwig honti.

MARKUS 13:13

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti biningwes ngun.”

MARKUS 4:17

Noro nihyet com nigau ei ingonti kan bi apino ingon nddong bi. Hammi tirigi mun di kinei cut igkep yok ba, hiter hwen bit yok drek dip nihyet rino ingkwei hanyen.

KISAH 2:25

Daud pui sut Noni bipai ‘Diyok ngon kep Tuhan ba, Noni ya bibie doho bei kikau. Noni ya kui dinda com leu binhyepo mun nyeng hi mibindin da bu bi.

KORINTUS GI NIGOM 13:7

No di ningon ngakei hiter ningon dahat bi noro ba ningon com nisingatti di ntun tungwatu nya him. Nide niba ningon comti ug hon nohonti bi sren ba, ningon jo nyahan mem mun di pek kep mem noni hagom.

KORINTUS GI NICAN 4:18

Lewo ibisau sut mun di ingat bou igyai him bi. Noro ibisau sut mun di bit bon ingat bou igyai him kan bi. Mun di ingat bou igyai him mipror yon. Noro mun di bit bon ingat bou igyai him kan bi jo kikau.

KOLOSE 1:15

Allah ningat jo nding leu tungwatu nya igyai him noro Noni ndo Nonti ningwes brei biyok tug hon Kristus. Kristus ne Nipmot mighumbou di ninyeng jei bidor njiriek Allah nipai testi nya hagom ri.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

TIMOTIUS GI NIGOM 6:16

Nongkom niyaijo kikau. Noni ningat rin ei nipigati di sieng-siau kei di bit bon tungwatu nya icem kep kan bi. Hi ngat Noni bou niyai him bi sren lene bit bon hi ngat Noni kikau bi sren. Tungwatu nya yahagom mikon ninyeng ba, Nide nisindemti ug hon nohonti bi sren! Igbit ri.

IBRANI 10:32

Ma jiyok ngon kep bipia tirigi Allah ninjeng piga digai jingonti leu api tungwatu nya igyai ninghuisi wei bije noro jibrim jingkek kikau ba, jicut bi ug e.

IBRANI 11:1

Niba ningon comti bindei ba, ingon ngkiem tut mun di igyok ingon mem. Mbro nok gino ingat mun dima yok bou igyai him bigyo lo, ingon huk niti tu.

IBRANI 11:13

Yo dini yahagom iba ingon com Allah kikau ba, ibimai kep. Igyai mun di Allah preu ei mem yoni bi noro ingat mun dima yok hagom ei minu ting bipigo he. Ipai sut yonti bipia inok ngkiai nya kin yo di ibong-bong wai bidem minu ei dihyeisi dini.

IBRANI 6:15

Abraham ba nibou coi bibet ningon. Gima rino noni yai mun di Allah preu ei mem noni.

YAKOBUS 5:11

Ipai sut yok bipia ingon nggei-hi-nggei lewo ingon jo nyahan tut yo di ihwen bit yok. Jikan tut Ayub di ningon jo nyahan leu api Allah njei mun di kei bak noni drek dip ug e. Lewo Allah ngondut nye nindig bibor bisingat tut nye di tungwatu.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.