IBRANI 11:26 - ALLAH NIHYET MEM TUNGWATU NYA

²⁶ Musa kos tut bipia mbro nok gino tungwatu nya ikucang noni drek dip Nibou Ndig di teu tungwatu nya biyai niyaijo nijep biyok di Allah preu ei mem yok lo, gini kei bibor dor njiriek gi noni nyeng tut ndigban hagom ei minu Mesir lewo yok ningon mem munkwas di kei di noni miyai ei nidipti bu.

IBRANI 11:26 ပူးပေါင်းရင်းမြစ်များ

MAZMUR 37:16

Ndigban gom-gom di no di ningon sren nyeng tut nibok kak bibor dor njiriek ndigban mang bibor di yo di inyeng nya inyeng tut.

MAZMUR 69:20

Akan tut bipia ditde siceu nya ighyet tigut da ba, inim kep da bico kep dinyeng cem. Angat ditde siceu dima yok tu.

MAZMUR 69:7

tuhan Di Sindem Bibor e, ma asindui sut ba, nimmai kui yo di iba ingon com Nani au. Na di mben Israel ide Allah e, ma asindui sut ba, dihyet tigut yo di ikuk yok biNani au!

NIPINGOK NINGONTI 11:18

No di sibut mitug ndei nimuhup nitrowai. Gino abon mun di igbit ne amuhup di kei-kau mitau bina.

NIPINGOK NINGONTI 23:18

leu binhyepo nijam di abong kei agwam kei di ayok angon mem mipror hanyen leu na kan bi.

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

MATIUS 10:41

Bikwop no di ya um nabi gom drek dip ninyeng nabi ne Allah miba munkwas di no yam kin nabi pima nimuhup bibirop hanyen binoni. Bikwop no di ya um no di ningon sren drek dip no dima ningon srenti ne Allah ba munkwas di no yam kin no di ningon sren pima nimuhup bibirop hanyen binoni.

MATIUS 5:12

Lewo tungwatu nya ihwen bit nabi gi nipou nya cem tu. Gima rino ma jingon llei bibor ba, jingon kei bibor cem lewo Allah mitin ei mun di kei bibor ei gwamti mem je yo.”

MATIUS 6:1

“Jimiap e, harin dima jiyai Allah nicuk nyeti nya bou tungwatu nya igyai him a. Leu gino jiyai gima bou tungwatu nya igyai him ne Jicig ei gwamti mibindei ba, jimuhup tau bije bi.

LUKAS 14:14

Leu api Allah minjei mun di kei bina drek dip. Lewo bit bon yo dima ibirop hanyen bina kan bi. Noro Allah mibirop hanyen bina mpe dino Noni win yo di ingon sren nya bikiju hanyen leu imai eisi.”

LUKAS 14:33

Lene Yesus pai ningwigsi biyok “Nok gima tut jeni cem. Gino jikes mun di jinyeng tut hagom ei bi ne bit bon jiya kui Da kan bi.”

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

KORINTUS GI NICAN 12:10

Gima rino dingon cut hon ninghuisi wei di cut igkep da drek dip Kristus. Dinghuisi weisi kin tungwatu nya ighyet tigut dati kin mun di buhun di cut igkep dati kin tungwatu nya di ihwen bit dati hagom buhun mem da bi. Lewo mpe dino ditde nisindemti ngwig leu da lene Kristus sindem tut da.

KORINTUS GI NICAN 6:10

Mbro nok gino mun-mun hi bindei ba, ningon buhun lo, ningon llei sutti ntun nye him kikau. Nuhui mbum tut mun di mipror yon noro nibindei ba, yo di hiter inyeng tut mun di jo gingga. Mbro nok gino tungwatu nya ikan bipia nimbun mun nyeng hi bi lo, ningat ne nimbun mun nyeng hagom.

EFESUS 1:18

Handei kon ba, Allah bindei ba, jintin kimbou ba, Nide nipigati piga digai jingonti leu binhyepo jingon dorti tut mun di jiba jingon com Noni tut tirigi Noni dimig je bijiyok jingon mem mun di kei bibor nya di Allah preu ei mem Nide limwa nya ba,

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

FILIPI 3:7

Noro Kristus bindei ba, diyai kepti nya di bon ninyeng mem da nipou su hagom bon ninyeng mem da bu bi lewo hagom noyam kin mumpiang.

IBRANI 10:33

Mpe hi ne tungwatu nya ikucang je bou tungwatu nya igyai him bihwen bit je cem. Mpe hi bu ne jitti kin yo di igyai inghuisi wei leu yo dima.

IBRANI 10:35

Gima rino ma jingon cut leu au. Leu gino jiba jingon com kikau ne jimuhup nindig bibor mittau bije.

IBRANI 11:6

Gino niba ningon comti jo binye bi ne bit bon Allah joi sut nye kan bi. Suar tungwa tou rino kuk no ei Allah Noho bei ba ningon com bipia Allah norinaha cem buhup yo di inggok tut Noni cem.

IBRANI 13:13

Ma jikwei ba, yuug ya kin Noni ei minu ndig nisai ma kwei bitug ndei nipai nye kineisi bit Noni.

IBRANI 2:2

Jo nibreisi bipia nicukti nya di malaikati nya isok ei idigup bat-idigai bat nya dip ne nihyet di nijit-jau ri. Yo di ibit bi nya yahagom itug ndei hukum bibiang ide sisar nibuhunti.

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.

PETRUS GI NIGOM 4:14

Gino hi pai je kinei drek dip gi jibit Kristus lene ma jingon nggei-hi-nggei lewo jikan tut bipia Allah Ninnei di kei-kau-kei ningat rin ei jingonti drek dip.

NINGAT-HI-NGAT NYA 2:9

Dikan tut mun di buhun tak je ba, juhui mbum cem noro jo nibreisi bipia jinyeng bibor! Dikan tut bipia yo di ipai sut yonti bipia yoni ne mben Yahudi rin noro bi dima irom ighyet kui je. Yo dima ne Bilis de limwa nya ri.

NINGAT-HI-NGAT NYA 3:18

Gima rino dipingok jingonti leu binhyema jipek mas di pimbai kei di bindei bijinyeng leu Da. Ma jipek sinsun di tiei kei mem jijuk ser jingat nguti di bindei mmai je. Ma jipek obat mem jibidip jiyai njep leu binhyepo piga hanyen bu.

SRAT RUT 2:12

Handei kon ba, tuhan di nye di mben Israel nikuk nye bak miba mun di kei bibor bibirop hanyen bina tut ayai munti nya hagom lewo akwei gwam coi Noni tu!”