IBRANI 11:23 - ALLAH NIHYET MEM TUNGWATU NYA

²³ Niba ningon comti bindei ba, niabiati Musa srek tu lene nicig-nipmem nya iku ningwoi-ngwoi nyahan mem bed ningai. Ingat lo, noni ne munggwom di kei bibor ri. Noro ittin tut nibou ndig nicuk yokti bi.

IBRANI 11:23 ပူးပေါင်းရင်းမြစ်များ

MAZMUR 118:6

Dinghuisi mpig sut mun nyeng hi bi. Lewo tuhan Ningat rin bit da. Bit bon tungwatu nya ibibon da kinei kan bi.

MAZMUR 56:4

Mpe dino dittin bibor ne diba dingon com Nani.

NEHEI LEUSI 1:16

Noni pai biyok “Gino jimpu sop mben Ibrani ba, tirigi igwam tut munggwom pinai lene suar jikos hak ug. Ne gino igwam tut munggwom sop lene jisindui sut yok ba, igyaijo.”

NEHEI LEUSI 1:22

Nok gima kikau bibou Firaun kes nihyet bak nide limwa nya yahagom bipai biyok “Suar jicom mben Ibrani imunggwom bat nya ningwoi-ngwoi nipinai nya tut igyaijo ug ei Minyei Nil bimai ug. Noro ma jisindui sut munggwom ngwoi-ngwoi nisop nya ba, igyaijo.”

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 51:12

tuhan pai “Dani rino digwam ser jingona. Nggon rino jittin tungwatu di mipror yon ug rin i? Nggon rino jittin tut tungwatu di inoyam kin minta di ijip bicom ei i?

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

DANIEL 6:10

Gima rino Nibou Ndig Darius ba buk bitak srat nicukti dima.

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

KISAH 7:20

Musa nipmem srek tut noni ei nijam dima bingat lo, ninghuisi llei bibor. Gima rino nipmem om no nyen tut ei ig bei mem bed ningai.

IBRANI 13:6

Gima rino ma jikwei bibrim ingkek bipai “Tuhan ne No di mpu sa rin ba, sittin tut mun-mun hi bi. Tungwatu nya mibon ndei sa i?”