IBRANI 11:16 - ALLAH NIHYET MEM TUNGWATU NYA

¹⁶ Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 11:16 ပူးပေါင်းရင်းမြစ်များ

NITRITI 26:24

Himmun gom lene tuhan tau kep noni bipai bak “Dani ne acig Abraham de Allah rin ba, attin tut Dani au. Midinyohou nani bidinjei mun di kei bak nani cem leu binhyepo ade nintun him yamti di bram yam nya idigek kep mpia bit leu nok gi dipreu ei mem Ditde awak di Abraham nipou su.”

NITRITI 28:13

Leu api tuhan ningat rin simiak noni bipai “Dani ne tuhan ba, Abraham kin Ishak ide Allah pima ri. Mporo midipek minu di abong eisi dini hagom binani kin ade nintun him yamti di bram yam nya.

NEHEI LEUSI 3:15

Ma apai bak mben Israel bipia Dani ne tuhan di idigup bat-idigai bat di Abraham kin Ishak kin Yakub yoni ide Allah pima rin ba, dipinak na ug ndam yok tu. Dani ne tuhan ba, gima ne dinyeng di bijo ninno bijo kikau ri. Suar mben Israel ide nintun him yamti di bram yam nya igyok ngon kep dinyeng dima kikau buug hon nohonti bi.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

NEHEI LEUSI 4:5

Lene tuhan cuk noni bu bipai “Ma ando mindur dima bak mben Israel nok mun di bindo bipia tuhan di nok idigup-idigai bat Abraham kin Ishak kin Yakub yoni ide Allah ndo Nonti bina tu.”

YEREMIA 31:1

tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MARKUS 12:26

Tut yo di imai su nya di ikiju hanyen leu imai eisi ne jikwop Musa nipas kepti tut biei mon di ninjeng di sror di cig-cai noro hum giyem bi dima bi e? Nipas kep ayatti dima tut Allah di pai binoni ‘Dani ne Abraham kin Ishak kin Yakub ide Allah ri.’

MARKUS 8:38

No di mmai sut Da bitut Ditde ningginausi nya mem nijam di mpung tut tungwatu nya di ingon rom bingkek ndok cem dini lene Munggwom Tungwatu Nipmot mimmai sut no dima tirigi Noni kwei sut Nicig Nide nikei-kau-keisi kin malaikati di dia-diau nya.”

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

LUKAS 20:37

Musa ndo brei binye bipia yo di imai nya mikiju hanyen leu imai eisi. Ei nipas kepti tut biei mon di njeng pima ne Musa pai sut Allah ‘Noni ne Abraham kin Ishak kin Yakub ide Allah ri.’

YOHANES 14:2

Dicig de ig bon ninsi mang bibor. Da duug ei mpia ttou nsi dima leu binhyepo ditin ei nghim nsi mem je. Gino dipaisi dini igbit bi lene midipai nok bije bi.

KISAH 7:32

‘Dani ne ade pung di antun him nya kin Abraham kin Ishak kin Yakub ide Allah ri.’ Musa ninghuisi mpig sut nindig bibor bindun bou leu lene bimian huk biei mon dima bu bi.

FILIPI 3:20

Noro nyeni ne timiei gwamti nya rin ba, ide Nibou Ndig di teu nye leu sisar biyai niyaijo nijep binye mikwei hanyen leu ginyo kug. Noni ne Tuhan Yesus Kristus ri. Iba ingon llei nindig bibor biyok ingon mem nikwei hanyenti.

2 TIMOTIUS GI NICAN 4:18

Jo nibreisi bipia Tuhan Yesus Kristus miteu da bidingwes ngun leu yo di itin ei mem ikos da yahagom inda nsi. Noni minyohou buwak da ba, dicoi bit Ninyeng Tak Kepti ei gwamti. Gima rino suar yahagom inggei sut Noni bijo ninno bijo kikau! Igbit ri.

IBRANI 10:34

Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.

IBRANI 11:10

Lewo Abraham yok ningon mem minu di Allah tin ei biwin tu. Ba, minu dima bon nikiou di sindem bibor di jo kikau.

IBRANI 11:14

Yo di ipai nok gima indo brei bipia inggok ser minu jep di nok ide minu ninda rom.

IBRANI 11:40

Lewo Allah nikos tutti di mem nyeni kei bibor njiriek mun di Noni kos tut mem yoni. Noni kos tut bipia bindei ba, yoni ikei-kau tirigi Noni bindei nyeni ikei-kau.

IBRANI 12:22

Noro tut jeni ne jikwei ya hon nungug Sion kin Allah Di Niyaijo De minu ndig di Yerusalem nijep ei gwamti bitut malaikati nya ibou sribu-ribu tu.

IBRANI 13:14

Lewo nyeni iwin minu ndig di jo kikau ei dihyeisi dini bi. Noro igyok ingon mem minu ndig di mittau kwei ei nidipti bu.

IBRANI 2:11

Yesus piap tungwatu nya leu ide sisar leu binhyepo ingon kwes kin Noni. No di piap yok kin yo di igyai ingon di kwes nya yahagom ibon Icig gom ngat. Gima rino Yesus mmai sut gi jem yok nikinjoi bat nya bi.

NINGAT-HI-NGAT NYA 21:2

Lene dingat lo, minu di kwes-kwau di minu ndig Yerusalem nijep srek kwei leu Allah ei gwamti. Allah tin ei minu ndig dima dem kep sop di juk sinsun di tiei kei bitin ei mem gima wak nijep.