IBRANI 11:12 - ALLAH NIHYET MEM TUNGWATU NYA

¹² Mbro nok gino Abraham dideu niyaijo ningwig honti lo, tungwatu nya imang bibor intun noni him ba, idem kep ham di jo ei mpia-bbed him kin iggum di jo ei muk nipimat di bit bon tungwatu nya ikwop nimangti kan bi.

IBRANI 11:12 ပူးပေါင်းရင်းမြစ်များ

NITRITI 15:5

Lene tuhan buwak Abram ug ei nisai leu api pai binoni “Ma acap ser mpia-bbed him bibou akwop bidem ham mpia-bbed him nya nimangti hagom ug e. Lewo ade nintun him yamti di bram yam nya imangti midem kep ham dima yok hagom nimangti.”

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 32:12

Ma ayok ngon kep gi po apreu ei mem da pima bipia mporo ma anyohou dimig hagom nok gi kei mem dani lene ditde nintun him yamti di bram yam nya midigek kep mpia ba, imangti dem iggum di jo muk nipimat di bit bon tungwatu nya ikwop nimangti kan bi.”

SAMUEL GI NICAN 17:11

Andigpoi e, ditde nipingok angonti rinok gini. Anduk ade limwa di mben Israel yahagom kwei leu dihyei nisurti-nipekti. Imangti midem kep iggum di jo muk nipimat nimangti. Lene ma na di Andigpoi abie tut yo di ikon pran.

NIBOU NDIG NYA GI NIGOM 4:20

Mben Israel kin Yehuda nya imangti dem kep iggum ei muk nipimat nimangti. Ide njita di igyem kin mun ningei di idut dem mem yok ba, yahagom ibong kei igwam kei.

NIBOHON MBEN ISRAEL GI NIGOM 27:23

Nibou Ndig Daud kwop yo di ide njap ug ei ari bingwam nyatungwagom nibehei inyeng bi. Lewo tuhan preu ei mem noni bipia mibindei mben Israel ba, imangti dem ham mpia-bbed him.

NEHEMIA 9:23

Abindei bidigek kep mpia ba, igyai imunggwom bat nya imangti noyam kin ham mpia-bbed him nimangti. Apek dihyei hanjop nsi nok gi dem mem idis yam eisi bibong kei igwam kei eisi bit leu nok apreu ei mem idigup bat-idigai bat nyati nipou su.

NEHEI LEUSI 32:13

Ayok ngon kep Ade awak di Abraham kin Ishak kin Yakub nya. Ayok ngon kep bipia apreu ei mem yok tug hon neheng bipia ide nintun him yamti di bram yam nya imangti midem ham mpia-bbed him. Lene apreu ei mem yok tut ide dihyei hanjop nsi bipia apek dihyei dima biyok leu binhyepo inyeng mitak kep hagom bijo ninno bijo kikau.”

YESAYA 10:22

Mbro nok gino nogindini mben Israel idem kep iggum ndung ei muk nipimat lo, ibou poi he rima ingkwei hanyen a. tuhan de hukum dideu kwei su ba, nibindei sar mben dimati ne suar dem igbit.

YESAYA 48:19

Ba, jide nintun him yamti di bram yam nya midem kep iggum ndung nimangti ba, dicuon ser igyaisi leu binhyepo hi bindei sar yok bi sren.”

YEREMIA 33:22

Midibikum ei yo di intun Ditde awak di Daud him kin imam di intun Lewi him nya imangti apino imangti midem kep iggum ndung di jo muk nintig dip kin ham mpia-bbed him di bit bon hi kwop nimangti kan bi.”

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

HABAKUK 1:9

Tentara dima yok igya bidem ide siceu nya itimieisi lene iba ingon di mbuk bibon yok lene ibindei ba, tungwatu nya yahagom idigit tut ikweisi. Tungwatu di bit bon hi kwop imangti kan bi nya icut bak yoni lene siceu nya ikat yok biyuug sut.

ROMA 9:27

Lene Nabi Yesaya simbot dat tut mben Israel bipai “Mbro nok gino mben Israel imangti dem kep iggum ei muk nipimat lo, ibou poi he migyai niteu leu sisarti kin niyaijo nijep.

NINDAT KEP TUHAN NICUKTI NYA 1:10

jide tuhan Allah bindei ba, jimangti kum eisi bidem kep ham mpia-bbed him nimangti.

NINDAT KEP TUHAN NICUKTI NYA 28:62

Mbro nok gino jimangti midem kep ham mpia-bbed him lo, jibou poi he rima ingwes ngun. Lewo jigibit jide tuhan Allah bi.

YOSUA 11:4

Leu api nibou ndig dima yok injei sut ide tentara nya di imang bibor ba, imangti noyam kin iggum ndung ei muk nipimat kwei. Ide kuda kin kroba pran cem mang bibor.

NINGAT-HI-NGAT NYA 20:8

Leu api Bilis mimbut ug ei dihyei nisurti-nipekti hagom leu binhyepo ris bak tungwatu nya yahagom. Yo dini ne timiei minu ndig Gog kin Magog nya rin ba, imangti dem kep igum di jo ei muk pimat nimangti. Bilis nduk yo dini yahagom kwei mem gima ikon pran.

NIJAM NIKEI NYA 7:12

Lo bi lene mben Midian kin Amalek kin ngkiai nya di ibong bidem iggum ndigsi yahagom ikieng kep mbang briep dima dem kep nok hai ceng nya di igyem mpia ei dihyei ninjek dip. Ide unta nya cem imangti noyam kin iggum ei muk nipimat nimangti.

SAMUEL GI NIGOM 12:5

Gima rino Samuel pai biyok “Njap di ammani ne tuhan kin nibou ndig di Noni ndo ei su yahacem imiap jibuhupti ba, jo nibreisi bipia dingon ngun.” Lene yo dima ibuhup “I, tuhan miap nyeni nihyet tu.”