IBRANI 10:8 - ALLAH NIHYET MEM TUNGWATU NYA

⁸ Nipou ne Kristus pai “Ajoi sut mun di tungwatu nya ibui sut ninggrom kin mun di ikwas tut Nani kin mindhe di ibui bibam ei nimbar hum dokti kin midut nibikos ser sisarti bi.” Mbro nok gino midut dima hagom bit leu nok Puig Yahudi niggai serti lo, Kristus pai nihyet dima bak Allah.

IBRANI 10:8 ပူးပေါင်းရင်းမြစ်များ

MAZMUR 40:6

tuhan e, abon mindur nya mang bibor mem nye tu. Nyende tuhan Allah e, hiter inyeng jei sur anyeng kan bi! Atin ei angon kanti di mindur mang bibor mem nye tu. Bit bon dikwop mun di mindur dima yok nimangti kan bi.

MARKUS 12:33

Suar tungwatu nya iba ingonti titut yam kin ingon kanti titut yam kin ide nisindemti titut yam ba, ibingon ngakei Allah. Suar ingon ngakei hiter bit leu nok ingon ngakei yonti. Ba, nicukti ninyeng can dima bon ninyeng dor njiriek midut nibui mindhe-ndhe nya bindig ei nimbar hum dokti kin mun nindigsi di ikwas tut Allah cem.”

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

IBRANI 10:5

Gima rino tirigi Kristus tin ei mem gima srek kwei ei dihyeisi dini ne Noni pai bak Allah “Ajoi sut mun di tungwatu nya ibui sut ninggrom kin mun di ikwas tut Na bi noro atin ei ningut gom mem Da.