IBRANI 10:4 - ALLAH NIHYET MEM TUNGWATU NYA

⁴ Lewo bit bon sapi kin kambir ninggrom piap sisar kan bi sren.

IBRANI 10:4 ပူးပေါင်းရင်းမြစ်များ

MAZMUR 51:16

Allah di teu da leu sisar e, suar ditug ndei hukum nimai noro asindui sut ba, diyaijo bu leu binhyepo bon nituti mem gima diba dingon llei bibor bitri tut angon srenti hanyen bu.

YESAYA 66:3

Noro mben dima ibon mun bit leu yonti ingon kanti. Ingat Njap Nigwam Kep Ninghuisi tug hon nisinati di bindei ba, diyai ttin. Mem yoni ne midut di ibon nya hagom noyam. Ibon midut nindig sapi nikre noyam kin midut nindig tungwatu ba, ibon midut nindig domba pmot noyam kin ibon midut nidahat nsien nikimam ba, ibon midut nindig gandum ngan noyam kin midut nindig na ninggrom ba, ibon midut nindig biei nggrai di ui-gwang kei noyam kin ibon midut nikuk no bak kwar nya. Midut dima yok ter leu yam bou igyai him bi.

YEREMIA 6:20

Ide biei nggrai di igyai kwei leu minu Syeba kin biei ngat di ui-gwang kei di igyai kwei leu minu nindigsi nya cem bon ninyeng mem Da bi. Dijoi sut ide midut nya kin ide mindhe di indig ei nimbar hum dokti bi.

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

HOSEA 6:6

Diyok dingon mem gima jingon jo kep Da kin gi jingon ngakei Da ba, mun nyeng can dini bon ninyeng nindig bibor dor njiriek nindig mindhe-ndhe ei nimbar hum dokti bak Dati.

MARKUS 12:33

Suar tungwatu nya iba ingonti titut yam kin ingon kanti titut yam kin ide nisindemti titut yam ba, ibingon ngakei Allah. Suar ingon ngakei hiter bit leu nok ingon ngakei yonti. Ba, nicukti ninyeng can dima bon ninyeng dor njiriek midut nibui mindhe-ndhe nya bindig ei nimbar hum dokti kin mun nindigsi di ikwas tut Allah cem.”

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

ROMA 11:27

Dani kin yo dini minipreu ei mem yam mpe dino diciu ser ide sisar.”

IBRANI 10:1

Puig Yahudi niggai serti rinok ningwes di pimber di ndo tut mun di mungkun kei di mikwei yo. Noro nok ningwes di sieng-siau kei tut mun di kei di mikwei dima bi. Mbro nok gino ibui mindhe nya tut ninggrom bikwop ari bingwam kikau nok lo, bit bon niggai serti dima bindei ba, yo di ikuk yok bak Allah tug hon nisinati dima ingon kwes kan bi.

IBRANI 10:11

Bikwop imam mben Yahudi yai kep midyai nya bikwop njap-njap ba, bon midut nibikos ser sisarti di noyam nyen-nyen bikwop ug. Noro bit bon midut dima bindei ba, tungwatu nya igyai niteu leu sisarti kan bi.

IBRANI 10:8

Nipou ne Kristus pai “Ajoi sut mun di tungwatu nya ibui sut ninggrom kin mun di ikwas tut Nani kin mindhe di ibui bibam ei nimbar hum dokti kin midut nibikos ser sisarti bi.” Mbro nok gino midut dima hagom bit leu nok Puig Yahudi niggai serti lo, Kristus pai nihyet dima bak Allah.

IBRANI 9:9

Mun dini yok hagom bindo tut nijam dini. Nibimbiti dini bindo bipia bit bon mun di ikwas tut Allah kin midut nibikos ser sisarti ninggrom piap yo di ikuk yok bak Allah ingon mien bikei-kau kan bi.

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.