IBRANI 10:34 - ALLAH NIHYET MEM TUNGWATU NYA

³⁴ Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.

IBRANI 10:34 ပူးပေါင်းရင်းမြစ်များ

NIBA NINGON SRIP HUKTI 3:6

nituti mem inggok mun di cut kin nituti mem ikes hon binggok bu bi cem ba, nituti mem ibet mun ei kin nituti mem icom mun ug cem ba,

MATIUS 19:21

Yesus pai binoni “Gino ajoi sut abindei ba, akei-kau lene ma aug tri ade ndigban hagom ba, abipek mitiei leu api akwas hagom tut yo di yuhui mbum nya. Ayai nok gima lene abikum ei mun di keiti mem nanti ei gwamti. Ayai gima bingwig leu api akwei bit Da.”

LUKAS 10:42

noro mun nyeng gom ngat bon ninyenga. Maria dimig mun di kei bibor mem nonti. Hi mipos mun di kei bibor dima leu noni bi.”

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 9:25

Buhun bibor mem no di nyeng tut ndigban hagom ei dihyeisi dini noro cut bak nide siceu ba, bimangkrei nide niyaijoti! Gini kei mem noni e?

KISAH 21:33

Nibou tentara ttau ndam Paulus bikat noni lene cuk nide limwa nya biba lante can biteu noni. Leu api noni hig pus tungwatu pima yok “Tou rin i? Noni nggon ndei je i?”

KISAH 28:20

Gima rino disok dihyet bije leu binhyepo jikwei mbrap bit da. Lewo ningat ne yo dima iba lante dini biteu da drek dip No Di Teu Tungwatu Nya Biyai Niyaijo Nijep Biyok di nye di mben Israel yahagom itum ingon mem ninno tu.”

KISAH 5:41

Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

KORINTUS GI NICAN 5:1

Lewo ikan tut bipia mpe dino ingut di nok ig di ibong ser ei dihyeisi dini nggek lene Allah tin ei ig mem nye ei gwamti. Noni ngot ig dima bou ninda him ba, jo ninno bijo kikau.

EFESUS 3:1

Tut gima rino da di Paulus disima ei ig bui nsi drek dip gi dinok awak mem Kristus Yesus kin gi diyai midyai ei je di ngkiai nya jikieti.

EFESUS 4:1

Gima rino ditigtai je bipia ma jiyaijo bit leu Allah ningon kanti mem Nide limwa di Noni dimig ei su nya. Ditigtai je nok lewo disima ei ig bui nsi drek dip gi dinok awak mem Tuhan.

EFESUS 6:20

Diya hacan tereu nok no di mbrap gau Allah Ninyeng Tak Kepti drek dip Nihyet Di kei lo, disima ei ig bui nsi. Ma jingat nadi tindei da leu binhyepo dibrim dingkek tut Nihyet Di Kei kep tungwatu nya bit leu nok Allah ba ningon com da tutti.

FILIPI 1:7

Dem tut gima diba dingon srip huk tut je lewo jeni ne dingon kieti ri. Jipriet kin midyai di Allah ba ningon com da tut mem nijam di disima ei ig bui nsi dini kin nijam di diyati kwes ba, dimbrap gau Nihyet Di Kei bidita bingkiem kei.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.

TIMOTIUS GI NIGOM 6:19

Tug hon nisinati dima lene yoni minju mun di kei di pror yon kan bi keyam binok nitriti mem nijam di nidipti bu. Leu api idem mem gima igyai niyaijo nijep di jo kikau ba, niyaijo dima ne niyaijo di nijit-jau ri.

2 TIMOTIUS GI NICAN 1:16

Noro Onesiforus nya igwam ser dingon ninyen. Handei kon ba, Tuhan ngondut yok. Mbro nok gino disima ei ig bui nsi lo, Onesiforus mmai sut da bi.

2 TIMOTIUS GI NICAN 2:9

Diyai ninghuisi wei drek dip gi ditri tut Nihyet Di Kei tug hon nibou pemerinta nya di iba lante biteu dimig kin dinda dem kep nok no di sibut. Noro bit bon iba lante biteu Allah nihyet kan bi.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 13:14

Lewo nyeni iwin minu ndig di jo kikau ei dihyeisi dini bi. Noro igyok ingon mem minu ndig di mittau kwei ei nidipti bu.

IBRANI 13:3

Ma jiyok ngon kep yo di isima ei ig bui nsi tereu nok jisima bit yok. Ma jiyok ngon kep yo di igyai ninghuisi wei tereu nok jiyai ninghuisi wei bit yok.

IBRANI 9:15

Gima rino Kristus bon Nonti nok No di ya hacan mem gi preu nijep leu binhyepo yo di Allah dimig yok ei nya igyai Nide munkwas di jo kikau di Noni preu ei mem nye tu. Mun dini yok hagom tug hon tungwagom nimaisi. No dima ne Kristus ri. Nimai ei biei salibti kwek tungwatu nya leu sisar di ibon nya tirigi gi preu nitimiei ninyeng tak kep yok.

YAKOBUS 1:2

Disut bat jen, gino mun di buhun di ter leu yam hi gom hi gom cut igkep je lene ma jingon llei sut,

PETRUS GI NIGOM 1:4

Gima rino igyok ingon mem nijam di igyai mun di kei bibor di Allah bet ei mem Nide limwa nya. Noni bet mun dima yok ei gwamti mem je. Bit bon mun dima yok sar cem mpiei cem pimber cem ei gwamti kan bi.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.