IBRANI 10:25 - ALLAH NIHYET MEM TUNGWATU NYA

²⁵ Suar idem yam ei nok gom lene ma ibon nyenti nok yo di inghen di idem yam ei bi nya au. Noro ma inyohou pingok yam ngonti bikum eisi bu lewo ikan tut bipia njap di Tuhan mbus tungwatu nya ingonti dideu su.

IBRANI 10:25 ပူးပေါင်းရင်းမြစ်များ

MATIUS 10:15

Ma jiyok ngon kep bipia tirigi Njap dem mem Allah ba hukum bibirop hanyen bak tungwatu nya lene miningon nggriu sut timiei Sodom kin Gomora nya dor njiriek gi ningon nggriu sut minu ttou nsi dima.”

MATIUS 18:20

Gino ibou can ibou ningai imbus yam ei drek dip Dani lene Dani cem dingat rin ei ikieti.”

YOHANES 12:48

No di ba ningha bak Dani ba, ningon tunggwei dihyet bon mun di pai kep noni tu. Nihyet di tibim leu duhui him mipai kep noni mem Njap Ningwig Honti.

KISAH 16:16

Mpe di gom bu tirigi nuug ei mpia ttou nsi di ningat nadi eisi pima hanyen lene nuum awak sop gom. Ninnei rom kui noni ba, mbot kep tut mun di mipek kep ei nidipti bu igkei. Tug hon nisinati dima lene noni bipek mitiei nindig bibor bak niceu bat nya.

KISAH 2:1

Ug ei Njap Pentakosta nicunti lene yo di ingon jo kep nya yahagom idem yam ei nittou nsi gom.

KISAH 2:42

Ba, iba ingon gom bipikor tut yo di igya kui Yesus ighyet kikau bigyem njita ba, ingat nadi bit yam cem.

KISAH 20:7

Nahagom nidem yam mem mben Yahudi ide njap nigwam kep ninghuisi mem mmun leu binhyepo niyem njita bit yam. Paulus tri nihyet biyok buhuk nihyet kikau mmun mau lewo noni kos tut bipia kes yok bimbut leu yok ei njap di hyep bu.

ROMA 12:8

Suar no di yai nisindemti mem gima biwin kep yo di hiter ingonti biwin kep ingonti hak ug. Suar no di yai nisindemti mem gima kwas mun di ma nya tut hiter ngondut yok bikwas mun di ma nya tut yok. Suar no di yai nisindemti mem gima bie tut tungwatu nya ta nibou ei nibie tut yokti. Suar no di yai nisindemti mem gima ngondut hiter ba ningon di llei bingondut yok.

KORINTUS GI NIGOM 11:20

Mbro nok gino jikan bipia jidem yam mem jiki roti nibiyok ngon kep Tuhan lo, niki roti dima igbit bi.

KORINTUS GI NIGOM 14:23

Gima rino gino yo di mbusyamei nya yahagom idem yam biba nihyet mindur bimbrap lo, ngkiai nya kin yo di ingon tindur nya icoi bit yok lene yoni mipai bipia ninnei rom kui jahagomti tu bi e?

KORINTUS GI NIGOM 14:3

Noro no di tri tut Allah nihyet tri tut bak tungwatu nya leu binhyepo biyai sindem yok ba, ibrim ingkek lene biwin kep ingonti cem.

KORINTUS GI NIGOM 3:13

Mun di ibingot ig mijo ei nibreisi tirigi Kristus De Njap piga digai ide igya. Lewo hum njeng di sror mem Njap dima mibingon bibikwop ig dima hagom leu binhyepo ndo igbit mun di ibingot ide ig dima nibon ninyengti.

KORINTUS GI NIGOM 5:4

Tirigi jinduk yam ei lene dani cem dingat rin bit je tug hon ide Tuhan Yesus nisindemti di srig jikieti ne suar,

FILIPI 4:5

Handei kon ba, tungwatu yahagom ingat bou igyai him bipia jiba jibou coi mem yam lewo jei bi ne Tuhan mikwei hanyen.

TESALONIKA GI NIGOM 4:18

Gima rino ma jiba ningginausi dini biwin kep yam ngonti.

TESALONIKA GI NIGOM 5:11

Gima rino ma jiwin kep yam ngonti ba, jahati tut yam kikau bit leu nok gi jiyai kep bipek ammani tu.

IBRANI 10:24

Ma inyohou pingok yam ngonti leu binhyepo ingon ngakei yam bimpu yam cem.

IBRANI 10:37

Bit leu nok gi ipas ei Allah nihyetti “Jei bi ne No di kak puig mitau kwei bibinyen bi.

IBRANI 13:22

Disut bat jen, ditigtai je leu binhyepo tirigi jikwop srat bokti tut mun di dipingok jingonti tut dini ne ma joom jingon tut lewo srat dini jei bi.

IBRANI 3:13

Noro ma jipingok yam ngonti bikwop mmun-njap kikau tirigi jiyaijo mem nijam di Allah nihyet pai “Njap di Ammani” leu binhyepo sisar ris je bijingkek ndok au.

YAKOBUS 5:8

Ma jeni cem jibet jingon ba, jingon nddong cem lewo Tuhan nikwei hanyenti dideu su.

PETRUS GI NIGOM 4:7

Son dideu njap ningwig honti tu. Gima rino ma joom kep jingonti ba, jiyai ngkiem cem leu binhyepo bon nituti mem gima jingat nadi.

PETRUS GI NICAN 3:11

Gino mun dima yok hagom misar bitimek bingwig tug hon nisinati dima ne notou mem je di jiyaijo mem nijam dini i? Suar jiyaijo mem Allah kin jingon di kwes ba, jikuk je bijinok awak mem Allah cem,

PETRUS GI NICAN 3:14

Gima rino disut bat di dingon kieti jen, tirigi sisip jibet jingon mem Njap dima nittausi lene ma jimbres jenti leu sisar kin mun di kinei di sigi ser jingonti nya hagom ei Allah niyai him leu binhyepo jingon kwes kin Noni.

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.

YUDAS 1:19

Yo dini ibindei ba, yo di mbusyamei iba nitok biyam. Allah Ninnei sindem tut yok bi noro ingut kanti di ntun dihyeisi dini him om kep yok.