IBRANI 10:22 - ALLAH NIHYET MEM TUNGWATU NYA

²² Gima rino jikwei ba, iba ingon di gom kin ingon di nddong kin ingon di kwes-kwau di mui bu bi kin nikek minyei di pimbai keiti bison dideu Allah.

IBRANI 10:22 ပူးပေါင်းရင်းမြစ်များ

NIBOU NDIG NYA GI NIGOM 15:3

Abiam bon kep sisar di nicig bon kep di nipou nya. Noni ba ningon di gom bibit nide tuhan Allah hak noyam kin nidigup di Daud bi.

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

MAZMUR 111:1

Ma jinggei sut tuhan! Midiba dingon titut bipai sigyo bak tuhan ei Nide limwa di idem yam ei ig mbusyamei gom nya ikieti.

MAZMUR 119:10

Diba dingon gom biyai hamem gi dikuk da biNati. Asindui sut ba, dikriek leu Ade nicukti au.

MAZMUR 119:145

tuhan e, diba dingon titut bahara bak Nani. Abuhup dihyet leu api midibit Ade nicukti nya.

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

MAZMUR 119:34

Abindei ba, dingon hukti tut Ade nicukti nya leu binhyepo dibit leu api midiba dingon titut yam biyai hagom.

MAZMUR 119:58

Diba dingon titut bahara Na leu binhyepo angon nggriu sut da ba, angondut da bit leu Ade nipreu ei mem dati.

MAZMUR 119:69

Yo di ingon jei nya ingwes om kep da bibor lo, diba dingon titut bibit Ade nikos tutti nya.

MAZMUR 119:7

Mpe dino dipikor tut Ade niggai serti di sren kei ne midiba dingon di kwes bikon anyenga.

MAZMUR 119:80

Abindei ba, dingonti kriek leu Ade nimbrap tutti nya bi leu binhyepo diyai nimmai bi.

MAZMUR 32:11

Je di jingon sren e, ma jingon kei bibor bijiyai nillei drek dip tuhan niyai munti nya. Je di jibit tuhan nihyet e, ma jiba jingon di llei bimbos-hi-mbos binggei sut Noni!

MAZMUR 51:10

Asindui sut ba, nihyet di bindei di dingon llei bibor hanyen tibim kwei ei ditingou nsi. Lene mbro nok gino aco kep da tu lo, dingon minggan-triot kei hanyen bu.

MAZMUR 73:28

Noro tut dani ne gino diya kui Na di tuhan biditri tut Ade midyai nya ne dingon llei bibor lewo Nani ne mpia di diya coi ri.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

MAZMUR 9:1

Doia Daud mem no di bie tut nimpung doia di ibrim leu doia Mut-Laben.

MAZMUR 94:15

Nikrau kep nikos tutti misindem tut nikei tirigi noni mbus tungwatu nya ingonti leu api yo di ingon sren nya yahagom miyahati tut noni.

NEHEI LEUSI 29:4

Lene abuwak Harun kin nipmot bat nya kwei bigya kui dimbou hui ei Ditde Prak Meng nuhui. Lene ibon midut nikek minyeiti ei sirima.

NIPINGOK NINGONTI 23:26

Dimunggwom na e, atou kep diyai munti nya leu binhyepo hagom nok bindo di kei bibor mem na!

YESAYA 29:13

tuhan pai “Yo dima ikuk yok biDani ei yuhui him he noro ingonti ne jo minu ting leu Da. Ide mun di ikuk yok bak ne tungwatu ide nikos tutti di ipwoi ei ibou ngwakti he ri.

YESAYA 52:15

Noro tini bu ne ngkiai nya imang bibor minggap leu tut noni ba, nibou ndig nya minga leu tut noni bikimut yuhuigya. Yoni mingig igyai kep noni leu api ingon dor niti tut mun di nipou ikan tut bi sren a.”

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 3:10

Tirigi ibon mun dima yok hagom leu su lene timiei Yehuda nya di ingon gom tut Da bi pima iba ingon can bingkwei hanyen ndam Da. Lewo ingon sren hak bi. Da di tuhan disimbot dat tu.”

YEREMIA 30:21

Nibou ndig di ninyeng tak kep je nimbier mikim je di mben Israel hanyen ba, nibou ndig di ninyeng jei mem je mikiju leu jenti jikieti. Gino dihig noni kwei lene mun nyeng hi mibigen ser noni tut gima son dideu Da bi. Lewo tou rino brim ningkek bikwei ngat Da gino dihig noni kwei bi i? Mpe dima lene jinok Ditde limwa nya bidinok jide Allah. Da di tuhan disimbot dat tu.”

YEHEZKIEL 16:9

Duug tau minyei ba, dibipiap anggrom leu angkek dip bidiba mini zaitun bidip.

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

IMAM NYA IDE MIDYAI 14:7

Lene ma noni ba ninggrom dima biprok no di miyai nibon midut ninghuisi kwes hanyenti leu bras mbrei di yem noni mbimuhwindacan leu api simbot dat bipia no dima kei su. Lene ma noni kes ha di niyaisi jo bimba ug ei ngoi dumti.

IMAM NYA IDE MIDYAI 16:4

Leu api suar Harun so kep yok tut nidimigsi dini. Nipou tirigi Harun coi ug ei Ninsi Di Kwes-Kwau bigyo lene ma noni kek minyeiti nipou ug e leu api juk nide sinsun ndok di jei kin sinsun nimig cun kin mun di noni bikri kep nintig bou kin topi di inap leu minyahas linen pima hagom.

IMAM NYA IDE MIDYAI 8:6

Lene noni cuk Harun kin nipmot bat nya bipia igya bibie nindigsi nya yohobei ba, ikek minyeiti.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

MBEN ISRAEL IMBUT-MBUT NYEN 8:7

tug hon nisinati dini. Ma aba minyei bigimahap yoni mem nibon midut nibindei ningon kwes. Lene acuk yok ba, ikak ingkek dip titut yam bitot ide sinsun nya cem. Tug hon nisinati dima lene yoni mipwoi-pwau.

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

LUKAS 1:1

Srat dini mem Andigpoi Teofilus di ninyeng jei. Nipou pini jug ne tungwatu nya imang bibor ita ibou ei nipas kep sindam tut mun di pek kep ei nyeni nikieti tu.

YOHANES 3:5

Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

YOHANES 8:9

Tirigi nibou dima yok imiap Yesus nipaisi nok rino yahagom intek gimahap sindam ba, andig-ndau nya intek bibie. Lene Yesus gwam nigwamti lo, misop dima ya niyati.

KISAH 22:16

Nogindini amem kep ser mindei i? Akiju ba, ayai nitur na ei minyeiti ba, ahara Tuhan leu binhyepo Noni kwek na leu ade sisar cem.’ ”

KISAH 8:21

Adem mem ayai midyai dini bit nye bi lewo angon sren ei Allah niyai him bi.

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

EFESUS 3:12

Nogindini iba ingon di nddong bibrim ingkek kep Allah ug ei Nonti Noho bei drek dip gi inok gom kin Kristus lene iba ingon com Noni.

EFESUS 5:26

Noni kes niyaisi ei leu binhyepo ba Nihyet Di Kei kin ningginausi bibindei pwoi mbusyamei tug hon nitur yok ei minyeiti leu binhyepo bikes mbusyamei dima bak Allah,

EFESUS 6:5

Awak jen! Ma jibit jiceu bat dihyeisi dini nya ide nicukti nya. Ma jikon inyeng bijingon gom tut yok tereu nok gi jingon gom tut Kristus.

TIMOTIUS GI NIGOM 4:2

Ningginausi dini tibim kwei leu niris kep mun cig yuhui him ba, yo dini ingon mien ndok ser tu.

TITUS 3:5

Noni teu nye leu sisar biyai niyaijo nijep binye drek dip igyai munti di kei bibor nya bi. Noro drek dip Nide ningondut nyeti. Allah ba Nonti Ninnei de nisindemti bipiap nye ba, srek tut nye nok nijep bu cem apino igyai niteu leu sisarti kin niyaijo nijep.

IBRANI 10:1

Puig Yahudi niggai serti rinok ningwes di pimber di ndo tut mun di mungkun kei di mikwei yo. Noro nok ningwes di sieng-siau kei tut mun di kei di mikwei dima bi. Mbro nok gino ibui mindhe nya tut ninggrom bikwop ari bingwam kikau nok lo, bit bon niggai serti dima bindei ba, yo di ikuk yok bak Allah tug hon nisinati dima ingon kwes kan bi.

IBRANI 10:19

Disut bat jen, Yesus nimaisi bindei ba, dimbou kau leu nye leu binhyepo iba ingon di nddong bicoi ug ei Ninsi Di Kwes-Kwau.

IBRANI 11:28

Nide niba ningon comti bindei ba, noni dimig Njap Ndig Paskah lene cuk nide limwa nya bipia iba domba ninggrom bihwen dimbou hui ser leu binhyepo Malaikati di sindem mem gima hwen tungwatu nya yai nimai bak ipmot bat mighumbou nya bi.

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

IBRANI 4:16

Gima rino ma ibrim ingkek kep Allah ei Nide banggo mbrei lewo Noni singat tut nye. Noni ngondut nye bisingat tut nye cem leu binhyepo itug ndei nimpu nye dem igbit nikwesti.

IBRANI 6:11

Nijoi sut bipia bikwop jeni jahagom jibrim jingkek kikau ug bipek njap ningwig honti leu binhyepo mun di jiyok jingon mem nya hagom mipek kep mem je.

IBRANI 7:19

Lewo Puig Yahudi niggai serti sindem mem gima bindei mun nyeng hi bikei-kau-kei bi. Noro tini bu ne Allah bindei ba, igyok ingon mem puig di kei bibor di bon nikwesti mem gima ikuk nye ei Noho bei.

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.

IBRANI 9:19

Nimbigom ne Musa tri tut niggai serti nya hagom bak mben Israel. Leu api noni yai sapi nehen pap kin kambir nikre inggrom di srig minyeiti lene ba bika hisop kin domba ninta ngwoi bigimahap srat di niggai serti joti ningat kin mben Israel yahagom.

YAKOBUS 1:6

Noro gino jahara Allah lene ma jiba jingon com Noni tut lene ma jingon can tut au. Lewo no di ba ningon can bahara dima dem kep nok muk ngwa dip di roi ug roi kwei tug hon hou di bong ningwa dip.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,