IBRANI 1:9 - ALLAH NIHYET MEM TUNGWATU NYA

⁹ Angat angwes ei yo di ingon sren nyati noro angon mpo tut yo di isibut nya. Gima rino Tuhan di nok Ade Allah dimig Na leu binhyepo bindei ba, ayai ningon llei biborti tug hon anyeng di jei dor njiriek asut bat nya.”

IBRANI 1:9 ပူးပေါင်းရင်းမြစ်များ

MAZMUR 11:5

tuhan gwam nok nikei mem yo di isingat kin yo di isibut yahagom lene ningon mpo tut yo di iba yoho rok nitin ei nimbukti.

MAZMUR 119:104

Ade niggai serti nya bindei bidingon ki. Gima rino dingon mpo tut nibon mun hacicanti.

MAZMUR 119:128

Gima rino dibit Ade nipingokti nya bidingon mpo tut niyai mun tunggweisi nya hagom.

MAZMUR 2:2

Nibou ndig dihyeisi dini ikiek imig jou tut Tuhan bigyok ingon gom mem Noni kin nibou ndig di Noni ndo ei su.

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

MAZMUR 23:5

Angei njita ba, abon pesta mem da bou ditde siceu nya yahagom igyai him. Aya um da ba, abibon da nok no di ninyeng jei ba, ahug ba anggur ningei di ui-gwang kei ug ei ditde mokti bipias hagau cem.

MAZMUR 33:5

tuhan ningon ngakei ningon di kwes-kwau kin ningon di sren-srau. Ningon ngakei nyeti ug hon nohonti bi bikieng kep dihyeisi dini hagom.

MAZMUR 37:28

Lewo tuhan ningon llei ndam niyai munti di sren kei nya. Noni mikes Nide limwa di ingon gom nya bihigom ei bi sren. Noni nyohou yok bijo ninno bijo kikau. Noro Noni mibindei timek yo di isibut ide nintun him yamti di bram yam bingwig.

MAZMUR 40:8

Lene dibuhup “tuhan e, da rini. Srat bokti di ipas ei srat kijumti pai,

MAZMUR 45:6

Tibor ade di nggwen tibim ade siceu nya ingonti bikus nite hi leu ba, ngkiai nya icut ug ei amig him.

MAZMUR 45:7

Allah yai nisindemti bina mem gima anyeng tak kep limwa nya. Ade nisindemti jo ngkiem bijo ninno bijo kikau. Aba angon srenti binyeng tak kep ade limwa nya.

MAZMUR 89:20

Ambot kep bak ade awak di ingon gom nya tug hon ningat-hi-ngat mimbrek ngan tu “Dimpu tentara di ninyeng jei gom. Dita no di didimig leu ditde limwa nya ikieti ei banggo mbrei tu.

MAZMUR 89:26

Midibindei ba, nide ninyeng tak kep limwati nibresti jo leu Muk Hacan kikau ug bipek Minyei Efrat.

NIPINGOK NINGONTI 8:13

Nikon tuhan ninyengti noyam kin ningon mpo tut mun di kinei. Dingon mpo tut yo di ingon jei nya kin yo di illei-lau sut yonti kin yo di igyai kep mun di sibut kin yo di iris mun igkei yahagom.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YESAYA 61:8

tuhan pai “Dingat dingwes ei yo di ingon sren-srauti lo, dingon mpo tut yo di isibut nya kin yo di ico kep hiter nya. Midiba dingon di gom biyai amuhup bina bidiba nipreu di jo ninno bijo kikau bipreu ei mem na.

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

ZAKHARIA 8:17

Ma juhum yam nsi mem gima jibon mun di kinei bibor biyam au. Ma jiris mun bijibeheng tut tug hon tuhan ninyeng au. Dingon mpo tut nisuglai-suglai waisi kin nikei nikos tutti di sren bi kin nimbuk tut yamti.”

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

YOHANES 1:41

Noni ug nggok ser nikindig Simon haninyai bipai bak “Nyeni nuum Nibou Ndig di teu tungwatu nya biyai niyaijo nijep biyok di tungwatu nya ijem ninyeng Kristus tu.”

YOHANES 10:17

Dicig ningon ngakei Da lewo dikes Dinnei ei leu binhyepo diyai Dinnei hanyen.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 4:26

Nibou ndig dihyeisi dini injei siceu ba, yo di inyeng jei nya igyok ingon gom cem leu binhyepo itte tut Tuhan kin Nide Nibou Ndig di teu tungwatu biyai niyaijo nijep biyok.’

KISAH 4:27

Ba, gima igbit lewo Herodes kin Pontius Pilatus induk yo di ninghim Tuhan kin mben Israel ei gom ei minu ndig dini leu binhyepo itte tut Yesus di Ade Awak di kwes-kwau di Nani adimig ei nok Nibou Ndig di teu tungwatu biyai niyaijo nijep biyok.

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

KORINTUS GI NIGOM 1:9

Dem mem gima jiba jingon com Allah di ningon gom. Noni hig jeni bijinok gom kin Nipmot Yesus Kristus di nok ide Tuhan.

KORINTUS GI NICAN 11:31

Allah dino Tuhan Yesus Nicig kan tut bipia dibicum tut gima bi. Ma tungwatu nya ikon Allah ninyeng bijo ninno bijo kikau!

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

FILIPI 2:9

Gima rino Allah win Yesus hanyen bikon ninyeng jei bibor dor njiriek ninyeng nindigsi nya biyai nisindemti di nindig bibor dor njiriek nisindemti nindigsi nya biNoni.

IBRANI 2:11

Yesus piap tungwatu nya leu ide sisar leu binhyepo ingon kwes kin Noni. No di piap yok kin yo di igyai ingon di kwes nya yahagom ibon Icig gom ngat. Gima rino Yesus mmai sut gi jem yok nikinjoi bat nya bi.

IBRANI 2:9

Noro ikan tut Yesus kin Nide nisindemti tu! Allah om Yesus wer ei bijehei leu malaikati nya mem nijam di jei bi leu binhyepo Noni mai mem tungwatu dihyeisi dini hagom tug hon Allah de nisingat tut nyeti. Nogindini ikan tut bipia Noni yai Nide nikei-kau-keisi kin ninyeng di jei lewo tug ndei ninghuisi wei kin nimai tu.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

YOHANES GI NIGOM 1:3

Nitri tut mun di ningat bou niyai him di nimiap ei nitingou nsi bak jeni leu binhyepo jibicom yam bit nyeni ba, igyaijo nok gom kin Icig Allah kin Nipmot Yesus Kristus.

NINGAT-HI-NGAT NYA 2:15

Nok gima cem ibou poi di isrig jikieti itti kin nimpung Nikolaus ide ningginausi.