IBRANI 1:2 - ALLAH NIHYET MEM TUNGWATU NYA

² Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

IBRANI 1:2 ပူးပေါင်းရင်းမြစ်များ

NITRITI 49:1

Lene Yakub nduk nipmot bat nya yahagom kwei bipai biyok “Jikwei ya kui da bidimbot kep tut mun di mipek kep mem je ei nidipti bu.

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YESAYA 44:24

Jide tuhan di teu je leu jide sisar bipai tes je ei jipmem bat nya inghopti pai “Dani ne Nipai Tes Mun Cig ri. Dangkom diprion mpia-bbed him ei anai. Tirigi dipai tes dihyeisi lene hi mpu Da bi.

YESAYA 45:12

Dani ne tuhan rin ba, dipai tes dihyeisi dini leu api dipai tes tungwatu nya leu binhyepo ibong kei igwam kei eisi. Diba Ditde nisindemti biprion mpia-bbed him ei anai ba, dinyeng tak kep mpia njap kin bed mmun kin ham mpia-bbed him nya hagom nimbutti nya.

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YEREMIA 48:47

Noro ei nijam gi nidipti bu lene midibindei minu Moab bibong kei bigwam kei nok gi nipou hanyen. Da di tuhan disimbot dat tu!” tuhan mibindei ba, mun di buhun bibor dima hagom micut igkep minu Moab.

YEHEZKIEL 38:16

Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.

DANIEL 10:14

Dikwei mem gima diba ningat-hi-ngat gom kin bu biyai angon di huk niti tut mun di pek kep mem ade mben nya ei nidipti bu.”

DANIEL 2:28

Noro Allah ei gwamti sindem mem gima mbot kep mimun hagom. Noni mbot kep tut mun di micut igkep na di Andigpoi ei nidipti bu bina tu. Nogindini dimbot kep tut ade mumpriem kin ningat-hi-ngat di angat mpe di abong mai pima bina.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

MIKHA 4:1

Ei nijam di nidipti bu ne nungug tou di tuhan De Ig joti minok mbigdip di anai bibor dor njiriek mbigdip nindigsi nya hagom. Mpe dima lene mben dihyeisi dini hagom mittei yam bingwig kep mbigdip dima,

MBEN ISRAEL IMBUT-MBUT NYEN 24:14

Lene Bileam pai bak Balak “Nogindini dingkwei hanyen ug ei ditimieisi ug ri. Noro tirigi dimbut bigyo lene midipai nisinati bina tut notou mben Israel mibibon nani kin ade limwa nya ei nidipti bu ug e.”

MATIUS 13:39

Siceu di hap gandum sisron ne Bilis ri. Njap di ikos gandum nitu kwei ne Njap Ningwig Honti ri. Yo di igyai midyai ne malaikat nya ri.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 21:38

Noro tirigi yo dima ingat igbit nipmot di kwei dima rino yuhum yam nsi bipai ‘No dima ne nipmot ri. Noni miba nokep mun di jo bak nicig hagom. Jikwei ba, ihwen noni leu binhyepo iba nyekep ba anggur nghousi dini.’

MATIUS 26:63

Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MARKUS 1:1

Gini ne Nihyet Di Kei tut Yesus Kristus di Allah Nipmot ri.

MARKUS 12:6

Ba anggur niceu mipinak tou kwei i? Jo tungwagom ngat he ba, tungwa gom ngat dima ne ba anggur niceu nipmot di ningon ngakei nindig bibor ri. Gima rino noni cuk nipmot ei niabiati buug ngat yok lewo kan bipia yo dima mikuk yok binoni.

MARKUS 12:7

Noro awak dima yok yuhum yam nsi bipai ‘No dima miba nokep mun nyeng hagom di jo bak nicig. Jikwei ba, ihwen noni leu binhyepo iba nyekep ba anggur nghousi dini.’

YOHANES 1:10

Nihyet No rinaha ei dihyeisi dini. Allah pai tes mun di hagom tug hon Noni noro tungwatu nya ingat igbit Noni bi.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:3

Allah pai tes mun di hagom tug hon Noni ba, pai tes mun nyeng gom njiriek Noni bi.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 13:32

Gino Allah yai nikei-kau-keisi tug hon Nipmot lene Allah Nonti ndo Nipmot nikei-kausi bak tungwatu nya. Ningat ne Allah ndo Nipmot nikei-kau-keisi biyok haninyai.

YOHANES 15:15

Dijem je awak bu bi lewo awak nya ikan tut iceu niyai munti nya bi. Noro dijem je disut bat di dingon kieti nya lewo ditri tut mun di dimiap leu Dicig hagom bije tu.

YOHANES 16:15

Mun nyeng hagom di jo bak Dicig jo biDa cem. Gima ripo dipai bije bipia Ninnei Gi Kwes mbot kep tut mun di Noni miap di tibim leu duhui him bije.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

YOHANES 3:25

Yo di igya kui Yohanes ibou poi kin mben Yahudi gom isrep yam tut midut nipiap yonti bipwoisi.

YOHANES 5:26

Nicig ne niyaijo nijep nibousi ri. Nicig bindei ba, Nipmot cem nok niyaijo nijep nibousi.

YOHANES 5:27

Nicig yai nisindemti bak Nipmot leu binhyepo mbus tungwatu nya ingonti lewo Nipmot ne Munggwom Tungwatu Nipmot ri.

YOHANES 9:29

Lewo nikan tut bipia Allah mbrap bit Musa. Noro nikan tut No dima nitimieisi bi.”

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

KISAH 2:17

Allah pai, ‘Son dideu nijam ningwig honti ne miduhug Dinnei bikwop ei tungwagom-gom ningonti. Jipmot bat-jipmisop bat nya mitri tut dihyet bak tungwatu nya, jide pinai pilei nya mingat-hi-ngat lene jide andigpoi nya mimumpriem.

ROMA 1:4

noro tut ninnei di kwes-kwau kei ne jo nibreisi Noni Allah Nipmot ri. Allah ba nisindemti di mindur bindo tut gini tirigi Noni kon Yesus leu nimai eisi.

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

KORINTUS GI NIGOM 2:7

Noro ningon di ki di nijit-jau di dingginau je tut dima ne ningon di ki di kwei leu Allah ri. Ningon di ki di nijit-jau dima jo nding leu tungwatu nya igyai him. Nipou tirigi Allah pai tes dihyeisi dini bigyo ne Noni kos tut bipia ba ningon di ki di nijit-jau dima bipriet kin Nide nikei-kau-keisi.

KORINTUS GI NIGOM 8:6

Noro mem nyeni ne Allah gom ngat he ba, Noni ne Icig ri. Noni pai tes mun nyeng hagom ba, igyaijo tug hon Noni. Tuhan cem gom ngat ba, Noni ne Yesus Kristus ri. Allah pai tes mun di hagom tug hon Noni. Ba, igyai niyaijo nijep tug hon Noni cem.

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.

EFESUS 1:10

Ningon kanti di Noni bindei ba, mipek kep mem tungwatu nya ndo binye bipia nipai testi ei gwamti kin dihyeisi dini hagom mibicim tindei yam nok gom ei Kristusti ba, Noni ttei nibou tut hagom. Allah ningon kanti dini mipek kep dem igbit tto bou.

EFESUS 3:9

Ditde midyai nya hi bu rinok gini. Dibindei ba, tungwatu nya ingon dorti tut notou nimimun di Allah tin ei nipou su mipek kep mem nye. Allah di pai tes mun nyeng hagom ku nimimun dima nyahan habiei ei nimbie him kikau kwei bipek ammani kep,

NINDAT KEP TUHAN NICUKTI NYA 18:15

Noni mipinak nabi gom leu jide mben di noyam kin da ndam je. Lene ma jibit nipingok jeti nya.

NINDAT KEP TUHAN NICUKTI NYA 31:29

Dikan tut bipia niabiati dimai leu yok tu lene mben Israel mikum ei ide mun di mbukti ba, ikou sut dipingok yokti nya cem. Gima rino mun di buhun mang bibor micut igkep yok ei nidipti bu lewo ibindei ba, tuhan ningon sibui sut yok drek dip gi ipigau hanjop bigyai kep igyai munti nya di Noni cuon ser tu.”

NINDAT KEP TUHAN NICUKTI NYA 4:30

Tirigino mun dima yok hagom pek kep mem je apino mun di buhun bibor cut igkep je lene mijingkwei hanyen ndam tuhan di nok jide Allah lene mijibit nihyet.

IBRANI 1:5

Allah pai sut Nide malaikati nya “Dipmot riNani ba, njap di ammani di nok Acigya”. Nok e? Noni pai nok gima bi sren. Nok gima cem Noni pai sut malaikati hi bipai “Midinok Nicig lene Noni minok Dipmot rin” bi sren

IBRANI 1:8

Noro Noni pai sut Nipmot “Nani ne Allah rin ba, Ade ninyeng tak kepti mijo kikau buug hon nohonti bi ba, aba angon di sren binyeng tak kep Ade limwa nya.

IBRANI 11:3

Niba ningon comti bindei ba, ikan tut bipia Allah pai tes mpia-bbed him titut yam tug hon nihyet di tibim ei nuhui him. Noni ba mun di bit bon ingat bou igyai him kan bi bipai tes mun di ingat bou igyai him hagom.

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.

IBRANI 4:14

Gima rino ma nyeni ikrau kep ide niba ningon comti di itri tut ei yuhui him. Lewo ide Imam Nibou Ndig di ninyeng jei coi ug ei Allah Noho bei biya hacan mem nye tu. No dima ne Yesus di Allah Nipmot ri.

IBRANI 5:8

Mbro nok gino Yesus ne Allah Nipmot rin lo, Noni om ningon bibit Allah ningon kanti tug hon ninghuisi wei di cut igkep Noni.

IBRANI 7:28

Puig Yahudi niggai serti kon tungwatu nya ba, inok imam nibou ndig. Noro niabiati Allah yai niggai serti bak Musa lene Noni ba neheng bipreu ei lene nipreu eisi dima kon Nipmot nok Imam Nibou Ndig di kei-kau-kei kikau buug hon nohonti bi.

IBRANI 7:3

Hi kan tut no dini nicig kin nipmem kin nide pung di ntun him nya bi ba, nikwei leusi kin nimaisi jo daptarti di ipas kep tu nya cem bi. Noni yai ninyeng nok imam kikau noyam kin Allah Nipmot.

IBRANI 9:26

Leu gi nok lene Noni yai ninghuisi wei nyen-nyen habiei tirigi Allah pai tes dihyeisi dini kikau kwei bipek ammani kep. Noro tini bu ei nijam ningwig honti dini lene Noni kwei mbigom ngat he bijo ninno bijo kikau leu api dip tut sisar hagom tug hon nikes Nonti ei nok mindhe di ibui sut ninggromti.

PETRUS GI NIGOM 1:20

Allah dimig Kristus ei nipou tirigi Noni pai tes dihyeisi dini bigyo leu api kes Noni brei ei tungwatu nya igyai him mem nijam ningwig honti dini leu binhyepo biteu je leu sisar biyai niyaijo nijep bije.

PETRUS GI NICAN 3:3

Mun dima jiyok ngon kep nimbie ngat hak rino son dideu njap ningwig honti lene tungwatu nya di ingut kanti kinei om kep yok nya ibou poi mittau kwei. Yo dini miba ighyet bicig je,

YUDAS 1:18

Ipai bije bipia tirigi njap ningwig honti son dideu lene tungwatu nya di igyai igbit ingut kanti di kinei di srou yok nya mittau kwei leu api iba ighyet bicig je.