IBRANI 1:14 - ALLAH NIHYET MEM TUNGWATU NYA

¹⁴ Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

IBRANI 1:14 ပူးပေါင်းရင်းမြစ်များ

NITRITI 32:24

Noro Yakub gwam binongkom ei minyei nite hi. Lene tungwagom tau kwei bikat noni ba, idahat kukwei yam kikau binjap kep.

NIBOU NDIG NYA GI NIGOM 22:19

Lene Mikha binut bu bipai “Ma angig atingou mem Allah nihyet! Dingat Allah tirigi Noni gwam Nide banggo mbrei dip ei gwamti lene Nide malaikati nya yahagom igya kui Noni.

AYUB 1:6

Bitto bou dem mem mun di tuhan pai tes nya ei gwamti induk yam kwei bigya ei Noho bei. Lene Bilis cem ningat rima ei ikieti.

MAZMUR 104:4

Asok ahyet ei hou dip noyam kin asok ahyet ei no di tri tut angon kanti dip. Abindei ba, kigyei ninjeng srei dem kep nok Ade awak nya.

MAZMUR 34:7

Yo di isindem bi nya ingat nadi bak tuhan leu api Noni buhup ighyet biteu yok leu mun di buhun tak yok hagom.

DANIEL 3:28

Leu api nibou ndig pai “Dinggei sut Sadrakh kin Mesakh kin Abednego ide Allah di ikuk yok bak! Noni pinak Nide malaikati gom kwei biteu yok leu hum di cig-cai lewo iba ingon com Noni. Yoni ibit dihyet bi lene isindui sut bitug ndei nimai leu gima ikuk yok bak kwar nya lewo ikuk yok bak yonti ide Allah Nongkom he.

DANIEL 6:22

Mbigom lene Daniel buhup “Ma na di Andigpoi ayaijo ninno!

DANIEL 7:10

Hum dwim kwei leu banggo mbrei dima noyam kin minyei di biam kwei leu minyei bousi. Nide awak nya ibou sribu-ribu kin tungwatu nindigsi di imangti ibou juta-juta igya ei nimig him. Tto bou dem mem nikei mbus tungwatu nya ingonti leu api noni mbrek leu srat nya.

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

MATIUS 13:41

Munggwom Tungwatu Nipmot micuk Nide malaikat nya leu binhyepo yuug mbus yo di ibindei dino hiter cut ei sisarti kin yo di isibut bibor nindigsi nya yahagom kwei leu Allah Ninyeng Tak Kepti.

MATIUS 18:10

“Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

MATIUS 2:13

Tirigi yo di ingon ki nya imbut leu lene Allah de malaikati tau kep Yusuf tirigi bong bimumpriem bisok kep noni “Akiju ba, anang tut munggwom dima pip nipmem ug ei minu Mesir leu lene jibong kikau ei minu dima bibou dihig je hanyen kwei ug e. Lewo Herodes nggok ser munggwom dima mem gima kos Noni.”

MATIUS 24:31

Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 4:11

Leu api Bilis kes Yesus hak ei lene malaikati nya ikwei nyohou Noni.

MARKUS 10:17

Tirigi Yesus sindi kiju bimbut nut lene tungwagom dor kwei bikuk no ei nimig him bihig ser Noni “Guru di kei e, dibon mun di notou leu binhyepo ditug ndei niyaijo nijep di jo kikau i?”

LUKAS 1:19

Malaikati buhup “Dinyeng Gabriel. Diya hak ei Allah Noho bei. Noni cuk da kwei leu binhyepo ditri tut nihyet di kei dini bina.

LUKAS 1:23

Tirigi Zakharia de njap di yai midyai sindam pima ngwig leu su lene noni ngkwei hanyen ug ei nide ig.

LUKAS 16:22

Mpe di gom ne no di nuhui mbum nide njap ngwig hon bimai leu api malaikati nya ibuwak noni buug gwam kui Abraham ninda com ei gwamti. No di nyeng bibor cem nide njap ngwi hon bimai ba, itig.

LUKAS 2:13

Leu api malaikati nimpung nindig gom ittau kros bigya kui noni lene ipai doia bibinggei sut Allah bipai,

LUKAS 2:9

Nok rino idrui sut lo, malaikati Allah de gom tau kros biya hak ei ikieti lene Allah nikei-kausi cem piga mpia kei bibindei ba, ingwes mba.

KISAH 11:22

Mun di pek kep mem yo dima nibimbiti tibim ug ei yo di inggre kin mbusyamei ei minu ndig Yerusalem itingou nsi. Gima rino ipinak Barnabas ug ei minu ndig Antiokhia.

KISAH 12:23

Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.

KISAH 12:7

Nok rino Allah de malaikati gom kwei kros biya niyati ei mpia dima ba, ninjeng piga digai nghim nsi. Malaikati tak Petrus ninghat biwin lene pai binoni “Akiju ba, aya haninyai.” Pai nok rino lante nonti pas hak leu Petrus ninda.

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 16:26

Gi nok rino dihyei mun brim nindig bibor kros ba, ig bui nikiou ugwa-kwei ba, dimbou hagom kau hak leu yo di isima nya lene lante nya hagom pas bicut leu yok.

KISAH 27:23

Dikuk da bak Allah di ninyeng tak kep da ba, himmun di aponi lene Noni cuk Nide malaikati gom kwei,

KISAH 5:19

Noro Allah de malaikati gom kau dimbou ig bui leu yok mem mmun bibuwak yok leu ig bui lene pai biyok,

ROMA 11:14

Mpaba dibiyai dide bat mben Yahudi ibou dut tug hon nisinati di bihi igyai niteu leu sisarti kin niyaijo nijep.

ROMA 13:6

Gima cem ma jigo belasten bak nibou nya lewo yoni ne Allah de awak di igyai kep ide midyai nya ri.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 15:27

Ice tut yam hyet bit leu yonti ingon kanti. Noro ningat ne yoni ibon ningwam bak isut bat yo di ingon jo kep di yuhui mbum nya ei minu ndig Yerusalem drek dip Allah de mun di kei di bitut innei di mben Yahudi ikwas tut yok. Gima rino ma ngkiai nya iba ide mun di dihyeisi dini birop mben Yahudi ide ningwam hanyen biyok.

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

KORINTUS GI NIGOM 1:21

Lewo Allah di ningon ki bindei ba, bit bon tungwatu nya ingon jo kep Noni tug hon ide ningon kiti kan bi. Noro Noni kos tut bipia Noni miteu yo di ingon jo kep Noni leu sisar biyai niyaijo nijep biyok tug hon nihyet di nyeni nitri tut biyok lo, tungwatu nya ikan bipia nihyet dima ne nihyet minyei he ri.

KORINTUS GI NICAN 9:12

Lewo jiyai munti di kei bibor dini bimpu Allah de limwa di yuhui mbum nya he bi noro bindei ba, tungwatu nya imang bibor ipai sigyo bak Allah cem.

GALATIA 3:29

Gino jijem jiceu bit Kristus ne jintun Abraham him bijiba je kep mun di Allah preu ei mem noni kin yo di intun noni him.

GALATIA 3:7

Gima rino ma jikan kep bipia yo di intun Abraham him ningat-ngat nya rino yo di iba ingon com Allah.

GALATIA 3:9

Abraham ba ningon com Allah gima rino Allah njei mun di kei bak noni. Apino yo di iba ingon com Allah yahagom migyai mun di kei bit Abraham.

EFESUS 3:6

Nimimun dima mbot kep tut gini. Tug hon Nihyet Di Kei lene ngkiai nya iba yo kep Allah de mun di kei nya di Noni tin ei nipou su mem mben Yahudi he yo pima. Ngkiai nya inggre kin ningut gom ngat bit mben Yahudi bipriet kin mun di Allah preu ei mem nye tug hon Kristus Yesus.

FILIPI 2:17

Mpaba tungwatu nya mibui da bidinggrom siber noyam kin ninggrom di imam nya isiber ei mindhe di ibui ei nimbar hum dokti dip. Mindhe dima tereu nok mun di jiyai bak Allah drek dip jide niba ningon com Kristusti. Gino mun dima micut igkep da ne dipai sigyo bidillei ngwig sut je.

FILIPI 2:25

Tut isut Epafroditus di jicuk kwei di mpu da ne dikos tut bipia suar dicuk noni bihwou ngat je hanyen. Noni ya kui da bibrim ningkek bibahati tut Nihyet Di Kei cem bit da ei mpia dini.

TESALONIKA GI NICAN 1:7

bindei jeni kin nyeni di igyai inghuisi di wei ingon nggan-triot hanyen. Mun dini mipek kep mem nye mpe dino Tuhan Yesus kin Nide malaikati di isindem bibor nya mittau hanyen kwei leu gwamti.

TITUS 3:7

Noni yai ingon di kwes kin Allah tug hon Nide nisingat tut nyeti leu api igyai niyaijo nijep di jo kikau di igyok ingon mem.

IBRANI 10:11

Bikwop imam mben Yahudi yai kep midyai nya bikwop njap-njap ba, bon midut nibikos ser sisarti di noyam nyen-nyen bikwop ug. Noro bit bon midut dima bindei ba, tungwatu nya igyai niteu leu sisarti kan bi.

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

IBRANI 6:12

Nikou sut gima jibong biei nda dip kep ig he a. Ma jibon jenti nok yo di ingon jo kep Noni kin yo di yoom ingon leu binhyepo jiyai mun di Allah preu ei mem je.

IBRANI 6:17

Allah joi sut bipia yo di Noni preu ei mem yok nya ikan tut bipia Noni miluei ningonti tut nipreu eisi dima hanyen bi. Gima rino Noni ba neheng bipreu ei mem yok.

IBRANI 8:6

Noro tini bu ne Yesus yai midyai imam di bon ninyeng dor njiriek imam pima yok ide midyai nya bit leu nok gi preu nijep di Yesus mbus ei mem Allah kin tungwatu nya bon ninyeng dor njiriek gi preu nitimiei lewo com nigau ei nipreu ei mem nyeti di kei bibor di dor njiriek bu.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.

PETRUS GI NIGOM 1:4

Gima rino igyok ingon mem nijam di igyai mun di kei bibor di Allah bet ei mem Nide limwa nya. Noni bet mun dima yok ei gwamti mem je. Bit bon mun dima yok sar cem mpiei cem pimber cem ei gwamti kan bi.

PETRUS GI NIGOM 3:7

Nok gima cem je di pinai nya e, ma jiba jingon bisrip huk bipia jitnem bat nya ne pung di isindem bi nya ri. Ma jibibon yok nok gi igbit lewo jeni kin yoni mijiyai niyaijo nijep di jo kikau tug hon Allah nisingat tut jeti. Ma jibit dicukti dini leu binhyepo tirigi jingat nadi lene mun nyeng hi sigi ser jingonti bi.

YUDAS 1:14

Lewo Henokh di nok pung nimuhwindacan di ntun Adam him tri tut yo dini mimbrek ngan tu bipai “Jingat i! Tuhan mehei sut Nide malaikati di ingon kwes-kwau nya ibou sribu-ribu kwei,

NINGAT-HI-NGAT NYA 5:6

Leu api dingat Domba Pmot di ya niyati ei banggo mbrei ninggimau. Mindhe ningut bitai kin nibou pima yok yahagom igya ttai Noni. Dingat lo, Domba Pmot noyam kin domba di ibui bimai nipou su. Nibou nggai muhwindacan tug nibou nggram him ba, Noni bon niyai njep muhwindacan lo, niyai dini yok ne Allah ninnei muhwindacan di Noni pinak ug ei dihyei nisurti-nipekti ri.