IBRANI 1:10 - ALLAH NIHYET MEM TUNGWATU NYA

¹⁰ Allah pai bu “Tuhan e, Nani apai tes dihyeisi dini ei nimbie him ba, abon mpia-bbed him bou anda him.

IBRANI 1:10 ပူးပေါင်းရင်းမြစ်များ

NITRITI 1:1

Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

MAZMUR 19:1

Doia Daud mem no di bie tut doia nimpung.

NIPINGOK NINGONTI 8:29

tirigi Noni cuon ser gima muk ngwa dip biam bipias hagau ei dihyei ninjek dip cem. Dingat rin bit tuhan tirigi Noni pai tes dihyei nikiou bijo ei cou nipmem dip.

YESAYA 40:12

Tou risindem mem gima tau muk ngei ei ninda bia bei ba, nai nibuhunti i? Tou risindem mem gima ba ninda ninyanti bibinai mpia-bbed him nijeisi i? Tou risindem mem gima ba mok bitau dihyei ndung titut yam i? Tou risindem mem gima kon nungug him kin nungug tou nya ei kiloti bibinai nibuhunti i?

YESAYA 42:5

tuhan Allah pai tes mpia-bbed him biprion ei anai. Noni pai tes dihyeisi dini kin mun di hei bidem ninjek dip hagom. Noni yai niyaijo kin ninnei bak tungwatu nya yahagom. Nogindini tuhan pai bak Nide awak,

YESAYA 48:13

Dibon dihyeisi dini nikiou bou dinda him bidikes bijo nijoti ba, diba niban bijun mpia-bbed him cem. Gino dihig dihyeisi kin mpia-bbed him kwei lene ikwei didiyam.

YESAYA 51:13

Mei, jibbwe ser jide tuhan di pai tes je di ba niban bijun mpia ei mpia-bbed him kin gi prion dihyeisi dini nikiou cem tu e? Nggon rino jidigit tut yo di ico kep tungwatu ide nigga biborti di itin ei mem gima icok tut tungwatu mem njap jei i? Ningat ne ide nigga biborti dima mingget je bi.

YESAYA 51:6

Ma jicap mpia-bbed him bijitou kep dihyeisi. Mpia-bbed him mipror bidem hum mmup di brou lene dihyeisi dini mikinei bidem sinsun timiei. Timiei dihyeisi dini yahagom midem kep amihip di mai. Noro niteu ningwes ngunti di kwei leu Dani jo ninno bijo kikau. Ditde nibindei timek siceusi nya muug hon nohonti bi sren.

YESAYA 64:8

Noro tuhan e, Nani ne nyeni nicig ri. Ninok igtuyap di aop bou anda him ba, apai tes nye.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

ZAKHARIA 12:1

Gini ne tuhan nihyet di sok tut Israel ri. tuhan di prion mpia-bbed him bipai tes dihyeisi biyai niyaijo bak tungwatu pai,

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

IBRANI 12:27

Srat bokti di pai “mbigom kin bu” ndo binye bipia Allah nipai testi nya mugwa-kwei leu api son leu nijoti leu binhyepo mun di bit bon ugwa-kwei kan bi nya jo nijoti.

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.