HOSEA 9:8 - ALLAH NIHYET MEM TUNGWATU NYA

⁸ Allah pinak da kwei nok nabi mem gima disok kep Nide limwa di jeni. Noro jibingon mem gima jisrou da bidem dimbutti nya nok tungwatu nya isrou ha nya. Limwa nya iba nitok bak nye di nabi nya ei minu di Allah ninyeng tak kep dini.

HOSEA 9:8 ပူးပေါင်းရင်းမြစ်များ

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NIBOU NDIG NYA GI NIGOM 18:1

Tirigi mpia ngei ndung kikau mem ari bingwam ningai tu lene tuhan cuk Elia “Ma aug ndo nanti bak Nibou Ndig Ahab leu api midibindei ba, mpia but hanyen.”

NIBOU NDIG NYA GI NIGOM 18:19

Nogindini ma anduk mben Israel yahagom ba, ikwei um da ei Nungug Karmel. Ma abuwak nabi Baal nya ibou sratus bitai ningot muhwi kin nabi Asyera ibou sratus bitai di nibou ndig sop Izebel hati tut yok nya cem yahagom kwei.”

NIBOU NDIG NYA GI NIGOM 22:11

Nabi Zedekia di nicig ninyeng Kenaana ya srig nindigsi ikieti. Noni sindi ba ngkimom nitu bibon mindhe nibou nggai bou ninda him pai bak Ahab “Andigpoi e, Allah tri tut bipia tirigi ahwen mben Siria lene aba ngkimom nitu di nok mindhe nibou nggai dini bibui yok bibindei ba, icut bak na di Andigpoi.”

NIBOU NDIG NYA GI NIGOM 22:22

Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

NIBOU NDIG NYA GI NIGOM 22:28

Lene Mikha pai bak “Gino akwei hanyen ba, angwes ngun lene jo nibreisi bipia tuhan tri tut nihyet tug hon da bi! Je di jingat rin e, jahagom jintu kep duhui tut ba, jimiap dihyet ei jitingou nsi tu.”

NIBOU NDIG NYA GI NIGOM 22:6

Gima rino Ahab hig nabi nya ibou sratus bitai kwei bihig ser yok “Duug ya kep bidihwen minu ndig Ramot e, he bi e?” Lene yahagom ibuhup “Aug hak ug lewo Allah mihwen minu ndig dima mem na di Andigpoi.”

NIBOU NDIG NYA GI NICAN 13:21

Mpe di gom tungwatu nya di itin ei mem itig nimai gom ingat yo di bigbehei nimpung gom leu minu Moab di itau kep yok kros. Lene ibipbur ba, icom nimai dima ei hak mihyeti di itig Elisa ningut eisi nipou su leu api inang leu. Tirigi nimai dima cut bindei Elisa ninjum rino nimai dima kiju biya pijum lene niyaijo hanyen.

NIBOU NDIG NYA GI NICAN 2:14

Lene noni ba Elia de ban bibui minyei ngwa dip bipai “Elia de tuhan Allah No ritou i?” Lene ba ban dima bibui minyei ngwa dip mbigom kin bu bibindei ba, minyei bitun hacan leu yam leu api noni mbut ei minyei nipingge leusi buug ei nite dima ug.

NIBOU NDIG NYA GI NICAN 2:21

Noni ug ei minyei bousi pima bicom nsim ug ei minyeiti bisimbot dat “tuhan pai sut minyei dini ‘Dani dibindei minyei dini kwes-kwau hanyen apino mibindei ba, tungwatu imai bi lene inggrom ndak cem ki bu bi.’ ”

NIBOU NDIG NYA GI NICAN 4:41

Gima rino Elisa cuk biyai tepun poi mien ba, bahap njita di jo yengti dima. Leu api pai bak nabi “Akwas njita dima hanyen tut yok.” Tirigi igyem njita dima lene jo nibreisi bipia mipu yok bimai sut bi.

NIBOU NDIG NYA GI NICAN 4:43

Noro awak dima buhup “Bit bon roti nindak poi he dima dem ibou sratus gom kan bi.” Noro Elisa buhup “Akwas hak tut yok leu binhyepo igyem. Lewo tuhan preu ei bipia yoni migyem roti dima bindei yok leu lene niken jo.”

NIBOU NDIG NYA GI NICAN 5:14

Gima rino noni ug ei Yordan nyai bitur nonti eisi mbimuhwindacan bit leu nok Elisa nicuk noti apino yai ningkek ngun eisi hanyen ba, ningkek dia kei dem kep nok munggwom pilei ngkek.

NIBOU NDIG NYA GI NICAN 5:27

Nogindini bras di yem Naaman ningkek dip pima miyem nani kin yo di intun nani him jahagom jingkek dip bijo ninno bijo kikau ug ri!” Hammi tirigi Gehazi hei leu ig bei rino bras dima yem ningkek dip bibindei ba, ningkek tiei kei.

NIBOU NDIG NYA GI NICAN 7:19

Noro nibou ndig nitom pai bak Elisa “Mbro nok gino tuhan pinak gandum kwei leu gwamti mem nye lo, bit bon mun di apai dima mipek kep mem nye kan bi!” Lene Elisa buhup “Mbigom lene ma angat mun dima yok hagom bou ayai him noro ayem njita dima bi sren.”

NIBOU NDIG NYA GI NICAN 7:2

Noro nibou ndig nitom pai bak Elisa “Mbro nok gino tuhan pinak gandum kwei leu gwamti mem nye lo, bit bon mun di apai dima mipek kep mem nye kan bi!” Lene Elisa buhup “Mbigom lene ma angat mun dima yok bou ayai him noro ayem njita dima bi sren.”

MAZMUR 124:7

Nyeni ingwes ngun dem kep nok ha di dimba leu bansi. tuhan bindei ba, bansi tun tu leu api nyeni ingwes ngun!

NIBA NINGON SRIP HUKTI 9:12

Tungwatu nya ikan tut ide tto bou mem innei kimbasti bi. Dem kep nok ha nya di iteu ei binggrai di bikingkrai yok kin wau nya di ibiam jala. Nok gima cem tut tungwatu nya ba, mun di buhun cut igkep yok mem njap di ikan tut bi.

DIUN MIMUN 3:3

Leu api niya ser minu ndig mem mmun cig nya itau kep sa bisihig ser yok “Apo jingat no di dingon kieti e?”

YESAYA 62:6

Dikes yo di igya ser minu ndig Yerusalem ei ngug tig nidip. Ba, bikwop mmun-njap dimo igigwam nyahan bi. Noro suar iwin kep Allah ningonti tut Nide nipreu ei mem yoti.

YEREMIA 11:19

Didem kep domba di ijem nyahan ug ei mpia di ikos kep domba nya eisi. Ikos tut ingon kanti di kinei dima mem dani lo, digikan tut bi. Yuhum yam nsi “Jikwei ba, iwim biei di ngat ningat kei dini. Icok tut noni hak ug leu binhyepo tungwatu ingon prion ser ninyeng hak ug.”

YEREMIA 14:13

Lene dipai “tuhan Di Ninyeng Jei Bibor e, akan tut bipia nabi nya ipai bak ide limwa nya bipia pran kin ninggum mihwen yok bi sren lewo apreu ei mem yok bipia ibong kei igwam kei kikau.”

YEREMIA 23:13

Dingat lo, nabi nya ei minu Samaria ibon sisar. Yoni iba Baal ninyeng bimbrap bibindei ba, Ditde limwa nya israwir.

YEREMIA 31:6

Igbit ri! Ei nidipti bu lene yo di igya ser jide minu ei nungug tou Efraim nya ipai cuk yam ‘Jikwei ba, yahagom ikui ug ei Sion ba, idideu tuhan di nok ide Allah.’ ”

YEREMIA 6:14

Yoni ingat Ditde limwa nya ibokti dima nok mun di buhun bi bipai biyok ‘Dwai. Hagom kei ba, jo nyahan.’ Noro ningat ne nok gima bi bibor.

YEREMIA 6:17

Lene tuhan ta yo di igya ser nya mbirimang mem gima iwin kep Nide limwa nya ingonti leu binhyepo imiap pun mbrei di tibim di bitto yok. Noro Nide limwa nya ibuhup “Ningig nitingou mem bi.”

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

NIBWOS-BWOS NYENTI 4:13

Noro mun dima cut igkep yok drek dip imam nya kin nabi nya ide sisar o! Lewo yoni isiber yo di ingon ngun nya inggrom tu o!

YEHEZKIEL 3:17

bipai “Na di tungwatu di ayaijo kikau bi e, midita nani nok no di ya ser mben Israel. Ma atri tut mun di disok ei na dip bak yoni.

YEHEZKIEL 33:7

Na di tungwatu di ayaijo kikau bi e, dita nani ba, anok no di ya ser mben Israel ide siceu nya ikweisi. Ma atri tut mun di disok ei na dip dini biyok.

HOSEA 5:1

tuhan pai “Je di imam nya e, ma jingig jitingou mem dihyet! Je di mben Israel e, ma jiyok ngon kep dihyet! Je dino jintun nibou ndig him e, ma jimiap kep dihyet! Dikes hukum ei je dip lewo ningat ne suar jigwam nok nikei di nikos tutti nya kwes kei noro jiyai nok gima bi! Jinoyam kin bon di indin ei minu ndig Mizpa lene jinoyam kin kau di icom ei Nungug Tabor,

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

HOSEA 9:9

Jibon munti nya kinei bibor bidem gi jibon ei minu ndig Gibea. Allah miyok ngon kep jitunggweisi bikes hukum ei je dip drek dip jide sisar.

MIKHA 7:4

Yo di ikei bibor kin yo di ingon sren kei di isrig ikieti cem inoyam kin nitigot-tigausi di bon ninyeng bi. Tto bou dem mem Allah kes hukum ei yo dima dip bit leu nok nihyet di Noni sok ei ide nabi nya dip bak yoni. Nogindia nisinsiou jo ei ikieti.

YOHANES 15:24

Gino diyai midyai di bit bon yo di hiter igyai kan bi ei ikieti bi lene ingon mui ba, sisar ntun him bi. Noro tini bu ne ingat Ditde midyai nya hagom bou igyai him ba, ingon mpo tut Dani kin Dicig tu.

ROMA 3:7

Noro gino ditde niyai mun tunggweisi dima bindei Allah niyai mun sren-srausi kum ei Nide Nikei-kau-keisi leu api tungwatu nya ibinggei sut Noni ne nggon rino Noni pai kep yok bipia ibon sisar i?

IBRANI 13:17

Ma jibit jide nibou nya ide nicuk jeti nya ba, jibou cut biyok. Yoni inyohou jingonti bikwop mmun-njap lewo suar ibuhup hanyen bak Allah drek dip igyai munti nya. Gino jibit ighyet lene yoni miba ingon di llei biyai midyai nya. Gi bi lene iba ingon di buhun binyohou jingonti apino gima bindei bijiyai mun di kei nya hi bi.