HOSEA 9:7 - ALLAH NIHYET MEM TUNGWATU NYA

⁷ Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

HOSEA 9:7 ပူးပေါင်းရင်းမြစ်များ

NIBOU NDIG NYA GI NICAN 9:11

Tirigi Yehu ngkwei hanyen ndam nisut bat nya leu api ihig ser noni “Mirei bon dima kwei pai mindei ngan bina ba, bon mindei bit na cem i?” Lene Yehu buhup “Mei, jikan tut tu.”

YESAYA 10:3

Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 34:8

Gima mipek kep mem yok ei njap di tuhan kon pran gau Sion bibuhup Nide siceu ide nibon munti nya hanyen biyok.

YESAYA 44:25

Dibindei ba, yo di iko mun bibinggok tut ndiyok ingon mbum ba, diba yo di nung kui yok bikek. Dibigen ser yo di ingon ki nya ighyet bidikiek ingon di kimbo bidibindei ba, ingon mbum hanyen.

YEREMIA 10:15

Kwar di ikuk yok bak nya bon ninyeng bi ba, dem mem tungwatu nya iba ighyet bicig bipai kinei cem. Mpe dino tto bou dem lene kwar nya misar bingwig.

YEREMIA 11:23

Dikos tut nituti mem gima dibindei ba, mun di buhun bibor micut igkep mben Anatot tu. Tirigi hukum dima tau kep yok lene hi dima ningwes ngun leu bi.”

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEREMIA 23:13

Dingat lo, nabi nya ei minu Samaria ibon sisar. Yoni iba Baal ninyeng bimbrap bibindei ba, Ditde limwa nya israwir.

YEREMIA 25:14

Midibirop bak mben Babel drek dip ide nibon munti nya hagom. Apino nibou ndig di inyeng jei nya kin ngkiai hiter nya imang bibor yuubon yok nok awak.’ ”

YEREMIA 29:26

“tuhan kon nani ba, aya luei Yoyada nohoti nok imam tu. Ba, nogindini nani rino akrau ninyeng di jei ei tuhan De Ig. Gima rino ayai nisindemti mem gima abindei ba, yo di igya kui nani iba lante ngkimom nitu biteu bikwop tungwagom-gom di mirei bon di bon nonti nok no di nabi nikimam a.

YEREMIA 46:21

Tentara di Mesir ngot kep yok leu di ikwei kon pran mem no nya isindem bi lewo idem kep sapi pmot di ndig ngat bibor. Ba, yahau mem siceu kan bi. Noro yahagom itti kep inghim dip binang leu binhyepo ingwes ngun. Njap di hukum cut igkep yok tau su. Tto bou dem mem gima mun di buhun cut igkep yok.

YEREMIA 6:14

Yoni ingat Ditde limwa nya ibokti dima nok mun di buhun bi bipai biyok ‘Dwai. Hagom kei ba, jo nyahan.’ Noro ningat ne nok gima bi bibor.

YEREMIA 8:11

Yoni ingat Ditde limwa nya ibokti dima nok ibokti di mien he ba, ipai biyok ‘Dwai. Hagom kei ba, jo nyahan.’ Noro ningat ne nok gima bi sren.

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

YEHEZKIEL 13:10

Nabi nitrowai jen! Jibindei srawir Ditde limwa nya tug hon gi jipai bipia mun nyeng hagom mbut kin gi kei ba, mpia mbum-bra. Noro nok gima bi sren! Ditde limwa nya iba tig mma biwin ngug tig di ngkiem bi di mitti-tti nyen leu api je di nabi nitrowai jikwei ba, jiba cet kapur he bihwen kep.

YEHEZKIEL 13:3

tuhan Di Ninyeng Jei Bibor pai “Buhun bibor mem nabi ngot di ingon mbum dima yok! Ide ningon kanti di imbot kep tut nya igyai leu yonti intin ba, ningat-hi-ngat di ingat cem nitrowai nitu he.

YEHEZKIEL 25:17

Midikes hukum di buhun bibor ei yok dip. Dibuhup biyok tut ide nisibutti bipek nipekti ug e. Gino itug ndei Ditde niggati lene ikan tut bipia Dani ne tuhan ri.”

YEHEZKIEL 38:23

Tug hon nisinati dima lene midindo brei bak ngkiai nya yahagom bipia dinyeng jei bidingon kwes-kwau cem. Apino yoni mikan tut bipia Dani ne tuhan ri.”

YEHEZKIEL 9:10

Gima rino dingondut yok bi. Midikiek mun di ibon bak yo di hiter ndam yonti hanyen.”

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 5:9

Jei bi ne mben Israel mitimek bingwig lewo tto bou dem mem itug ndei hukum tu. Je di mben Israel e, ma jiyok ngon kep bipia mun di buhun dini micut igkep je.

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

HOSEA 9:8

Allah pinak da kwei nok nabi mem gima disok kep Nide limwa di jeni. Noro jibingon mem gima jisrou da bidem dimbutti nya nok tungwatu nya isrou ha nya. Limwa nya iba nitok bak nye di nabi nya ei minu di Allah ninyeng tak kep dini.

AMOS 8:2

tuhan hig ser da “Amos e, angat mindei i?” Dibuhup “Dingat bansi gom di biei ngat di nggwop kei joti.” Noni pai bida “Tto bou dem mem Ditde limwa mben Israel tu. Diluei dingonti tut hukum di dikes ei yok dip bu bi.

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

MIKHA 7:4

Yo di ikei bibor kin yo di ingon sren kei di isrig ikieti cem inoyam kin nitigot-tigausi di bon ninyeng bi. Tto bou dem mem Allah kes hukum ei yo dima dip bit leu nok nihyet di Noni sok ei ide nabi nya dip bak yoni. Nogindia nisinsiou jo ei ikieti.

ZEFANYA 3:4

Nabi nya igita ibou ei ide midyai nyati bi ba, tungwatu nya iba ingon com yok cem bi. Imam nya ibindei ba, map kui mun di ikwas pijum ei mem tuhan bikiek-kiek nyen Allah niggai serti nya mem gima bimpu yok tut mun di bon ninyeng mem yonti he.

MARKUS 3:21

Tungwatu nya ipai Yesus ninghapti bipia mirei ya ningonti. Tirigi Nide bat nya imiap tut gima lene ibisau kwei mem gima ibuwak Noni hanyen leu yo dima.

LUKAS 21:22

Lewo nijam dima ne Nijam Di Allah Kes Hukum Ei Tungwatu Nya Dip rin leu binhyepo mun di ipas ei Allah nihyetti micut igkep tungwatu nya tug hon nisinati dima.

KORINTUS GI NICAN 5:13

Gino hi pai kep da bipia dintin kiek ne diba dintin kiekti dima bahati tut Allah. Gino hi simbot dat bipia dingon tungwatu ne diba dingon tungwatu dima bahati tut je.

NINGAT-HI-NGAT NYA 16:19

Minu nindig bibor dima kki ningaisi ba, minu ndig nindigsi nya bidem dihyei nisurti-nipekti hagom lus bingwig. Allah kan kep minu ndig Babel lene bindei ba, dut ba anggur ngei leu Nide mok ba, ningei dima ne Allah nigga biborti ri.