HOSEA 9:4 - ALLAH NIHYET MEM TUNGWATU NYA

⁴ Bit bon jittei jide ba anggur ngei kin mindhe di jindig ei nimbar hum dokti mem jibipwoi tuhan ningon ei jingkiaisi dima kan bi. Jide njita di jiyem ei mpia dima mibindei ba, map kui jahagomti noyam kin njita di igyem ei midut nitig nimai ngutti. Njita dima kei mem gima ndei jinggumti he. Jigittei njita dima poi mien ug ei tuhan De Ig mem gima jibikuk je biDa bi.

HOSEA 9:4 ပူးပေါင်းရင်းမြစ်များ

NEHEI LEUSI 29:40

Tirigi indig domba ningut kep hum mem njap bigyokti lene ikwas ide tepun di kei-kau kilo gom kin mini zaitun di kei-kau cem liter gom srigsi. Lene ikwas ba anggur ngei liter gom tut Da.

NEHEI LEUSI 40:23

Lene ikon roti di ipigig sut ei mem tuhan bikes ei meja dip bit leu nok tuhan nicukti.

YESAYA 57:6

Jimbus kru kwai ei mpia dima keyam bijikuk je bak ba, jiba ba anggur ngei biprok kru kwai dima leu api jiba nibon midut gandum bikuk je bak cem. Jikan bipia dingon kei sut jiyai munti dima yok hagom e?

YESAYA 66:3

Noro mben dima ibon mun bit leu yonti ingon kanti. Ingat Njap Nigwam Kep Ninghuisi tug hon nisinati di bindei ba, diyai ttin. Mem yoni ne midut di ibon nya hagom noyam. Ibon midut nindig sapi nikre noyam kin midut nindig tungwatu ba, ibon midut nindig domba pmot noyam kin ibon midut nidahat nsien nikimam ba, ibon midut nindig gandum ngan noyam kin midut nindig na ninggrom ba, ibon midut nindig biei nggrai di ui-gwang kei noyam kin ibon midut nikuk no bak kwar nya. Midut dima yok ter leu yam bou igyai him bi.

YEREMIA 16:7

Tungwa hi dima migwam ser yo di ingon ngguk pima ingon ba, ngei njita mem yok cem bi. Tungwa hi miningon ngguk bit yo di icig kin ipmem imai leu yok cem bi.

YEREMIA 6:20

Ide biei nggrai di igyai kwei leu minu Syeba kin biei ngat di ui-gwang kei di igyai kwei leu minu nindigsi nya cem bon ninyeng mem Da bi. Dijoi sut ide midut nya kin ide mindhe di indig ei nimbar hum dokti bi.

YEHEZKIEL 24:17

Ma asindui sut ba, hi miap tut annei di kui-juk nyen cem au. Ma ayai bram yo di yuum ningon nggukti igyai munti au. Aba minghas binggai kep abou ba, aba amig ngwak bimbut-mbut nyen au. Ma anggai kep aimaisi ba, ayem roti ningon nggukti cem au.”

YEHEZKIEL 24:22

Leu api mijiyai bram diyai kepti dino jinggai ser jiimaisi bijiyem roti ningon nggukti cem bi ba, gima noyam kin diyai kepti pima.

DANIEL 1:8

Daniel ningon nddong bikos tut bipia noni mibindei ba, map kui noniti tug hon gi yem njita kin gi dut ba anggur ngei di nibou ndig de ig bei nsi nya igyem kep bikwop njap bi. Gima rino noni bidip huk Aspenas tut njita hiter.

HOSEA 3:4

Nok gima cem tut mben Israel. Suar ibet ingon wer ninno mem nijam di ibon ide nibou ndig kin no di bie tut yok ba, ibindei mbut ide midut nya cem bi. Ide cou tig di mindur nya kin ide kwar nya kin ide nung nya di imbot kep mimun tut nidipti bu biyok jo biyok bu bi cem.

HOSEA 7:16

Idor bit kwar di ikuk yok bak di mbun nisindemti hi bi sren dima yok bijo kikau nok. Idem kep hampiap di drot-drau ba, dem mem gima hi ba ningon com yok bi. Nibou di ide nya iba ingon di jei bimbrap. Gima rino yoni mitug ndei nimai tug hon singau simeda apino mben Mesir ipa ndip yok.”

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.

YOEL 1:9

Gandum ningat kin ba anggur ngei ngwig leu midut nya di ibon ei tuhan De Ig tu. Gima rino imam nya di iba ingon gom bibon midut nya bak tuhan yahagom ingon ngguk tut.

YOEL 2:14

Mpaba tuhan di nok jide Allah miluei ningonti lene bindei ba, jide beisi nya hagom minnum kei hanyen e? Gi nok ne mijikwas jide ba anggur ngei kin jide gandum ngat ndrim hi tut Noni.

IMAM NYA IDE MIDYAI 17:11

Bikwop mindhe di ninnei tau nuhwap nsi hagom ninnei no jo ei ninggromti. Gima rino tuhan cuk mben Israel leu binhyepo iba mindhe-ndhe ninggrom hagom biprok nimbar hum dok nidip leu binhyepo bidip tut Nide limwa nya ide sisar hagom. Ninggrom ne ninnei rin ba, ciu ser sisar.

IMAM NYA IDE MIDYAI 21:17

bak Harun, “Harin dima ade nintun him di bram yam nya di bon ningut nimbumbati gom kinei nyohou dimig nibon midut njita nibipai sigyo bak Allahti bou diyai him a. Nicukti dima bijo ninno bijo kikau.

IMAM NYA IDE MIDYAI 21:21

Harin dima no di ntun Harun him di bon ningut nimbumbati gom kinei dima nyohou dimig nibon midut njita nibipai sigyo bak Allahti bou diyai him a.

IMAM NYA IDE MIDYAI 21:6

Dinyeng tak kep noni pijum ba, harin dima noni bibon dinyeng kinei a. Noni nyohou dimig nibon midut njita nibipai sigyo bak Allahti bou diyai him. Gima rino suar ningon kwes.

IMAM NYA IDE MIDYAI 21:8

Suar mben Israel igyok ngon kep bipia dinyeng tak kep imam pijum lewo noni nyohou dimig nibon midut njita nibipai sigyo bak Allahti bou diyai him. Dani ne tuhan ri. Dani dingon kwes ba, dibindei Ditde limwa nya cem ingon kwes.

AMOS 5:22

Tirigi jibon midut nindig mindhe kep hum kin midut nibipai sigyo biDa lene midirok je tut. Midirok jide mindhe-ndhe di pap-nap kei di jibet ei mem jibikuk je biDa cem ei ditta.

MALEAKHI 2:13

Lene jiyai kepti di kinei gom kin bu no jo. Jibindei ba, jide niyai nggwei di kibor silip tuhan de nimbar hum dokti. Jipim nggruet lewo tuhan kou sut jide mun di jibikuk je bak Noni lene cigit je tut bi.

MBEN ISRAEL IMBUT-MBUT NYEN 19:11

Tungwa tou rino ngget nimai ngut lene map kui no kikau mem njap muhwindacan.

MBEN ISRAEL IMBUT-MBUT NYEN 28:2

bipai bak mben Israel bipia suar ikwas munkwas tut tuhan mem nibon midut njita nibipai sigyo bak Allahti dem igbit nituti di Noni ndo ei su leu binhyepo ibiyai ningon kei. Lene suar igyok ngon kep nicukti dini mungkun kei.

MBEN ISRAEL IMBUT-MBUT NYEN 4:7

Suar yoni ingig minyahas nidri kep meja roti nitin ei mem tuhan dip. Lene ikes den di igyem njita eisi kin srier di indig biei nggrai di ui-gwang kei eisi kin srier mem munkwas kin dibijig di mem ba anggur ngei di ikwas ei dip. Noro ma roti di ipigig sut ei mem tuhan jo kikau ei meja dima dip.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

NINDAT KEP TUHAN NICUKTI NYA 26:14

Niyem njita dima ndrim hi tirigi ningon ngguk tut nimai bi. Lene nikon hi ba, nuug sut ug ei nisai tirigi nyeni nipuig kinei bi. Lene nikwas ndrim hi nok mun di ipigig ser mem ibigo nimai bi. tuhan e, nibit Ade nicuk nyeti nya tut njita gom leu ningot gom, gom leu ningot gom lene nok bidem tu.