HOSEA 9:3 - ALLAH NIHYET MEM TUNGWATU NYA

³ Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

HOSEA 9:3 ပူးပေါင်းရင်းမြစ်များ

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEREMIA 2:7

Dibuwak yok kwei ei minu di bon ninnumti leu api igyem njita beisi nya nindig bibor ba, ibong kei igwam kei. Noro ibindei ba, map kui Ditde minu dima ba, ibimangkrei hanjop nsi di dipek mem yok.

NIBWOS-BWOS NYENTI 5:6

Nuug hara ninggum ba, nibicuon niyaisi ei minu Mesir ninyen lene nuug hara njita ei minu Asyur o!

YEHEZKIEL 4:13

tuhan pai “Mpe dino dicom mben Israel ug ei ingkiaisi lene yoni migyem njita di Musa de nicukti ggai ser pima nok gima ug ri.”

DANIEL 1:8

Daniel ningon nddong bikos tut bipia noni mibindei ba, map kui noniti tug hon gi yem njita kin gi dut ba anggur ngei di nibou ndig de ig bei nsi nya igyem kep bikwop njap bi. Gima rino noni bidip huk Aspenas tut njita hiter.

HOSEA 11:11

Yoni mikwei didiyam leu minu Mesir noyam kin ha di dimba ba, ikwei leu minu Asyur noyam kin nimpung hakimoi mbrei. Leu api midibuwak yok hanyen ug ei ide ig bei nya. Da di tuhan disimbot dat tu.”

HOSEA 11:5

Noro mben Israel ikou sut gima ingkwei hanyen ndam Da. Gima rino suar ingkwei hanyen ug ei minu Mesir ba, mben Asyur inyeng tak kep yok.

HOSEA 7:11

Mben Israel di imig dia idem kep hakimoi mbrei di ningon mbum. Nipou yo ne limwa di ide nya yahara mben Mesir kwei bimpu yok. Leu api inang ndam mben Asyur bu!

HOSEA 7:16

Idor bit kwar di ikuk yok bak di mbun nisindemti hi bi sren dima yok bijo kikau nok. Idem kep hampiap di drot-drau ba, dem mem gima hi ba ningon com yok bi. Nibou di ide nya iba ingon di jei bimbrap. Gima rino yoni mitug ndei nimai tug hon singau simeda apino mben Mesir ipa ndip yok.”

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

HOSEA 9:6

Mpe dino mun di buhun tau kep je bibindei ba, jintek gimahap ug ei jingkiai ne mben Mesir mimbus jide tungwatu niken-ken di igwam nya keyam leu api migyai nimai biyok ba, ibitig ingut ei minu ndig Memfis! Mintu-minta kin ndia nggwen mehei ba, dwim kep igkumti jide nya kin jide ndigban perak di nibok kak nya di jo ei mpia dima.

IMAM NYA IDE MIDYAI 18:28

Gino jibindei map kui jide dihyei dimati lene tuhan mirok je bijji je leu jide dihyei cem noyam kin timiei minu Kanaan po rok yok bijji yok leu ide dihyei pima.

IMAM NYA IDE MIDYAI 20:22

Lene tuhan binut bu bipai “Ma jibit dicuk jeti nya hagom leu binhyepo timiei minu Kanaan nya mijji jeni leu ide minu di dibuwak je ug eisi dima bi.

IMAM NYA IDE MIDYAI 25:23

Harin dima jitri jide dihyei hanjop nsi nya bijibipek mitiei bihigom a. Lewo dihyei dima ne jide rin bi. Noro Allah nyeng tut dihyei dima. Jeni tereu nok ngkiai nya di timiei hi sindui sut ba, jiyai miai eisi he.

AMOS 7:17

Gima rino tuhan pai bina di Amazia atnem minok sop di nibou buwei di hwou-hwou nyen bidem simpak ei minu dini. Amunggwom bat nya mitug ndei nimai ei pranti ba, ade siceu nya mikwas ade minu dini tut yam. Mporo nanti ayaijoti ug hon nohonti ei angkiaisi. Leu api siceu nya mikat mben Israel bikri yok ug ei ingkiaisi ei ting bibor leu itimieisi.”

MIKHA 2:10

Ma jikiju ba, jimbut hak ug lewo mijibong kei jigwam kei ei minu ndig dini bu bi. Jide sisar bindei ba, mun di buhun bibor micut igkep mpia ttou nsi dini.

KISAH 10:14

Lene Petrus srep “Tuhan e, nok bi! Diyem kep mun di nipigig ser di ugwai-gwai ba, nirom kuisi cem hi bi sren.”

NINDAT KEP TUHAN NICUKTI NYA 28:63

tuhan mijoi sut bindei sar jeni bicok tut jeni ningwig noyam kin gi nipou po Noni joi sut yai nibong kei ningwam kei bak jeni bikum ei jimangtiti pima. Noni mitiba jeni hanyen leu minu di jei bi mijiyai bijiyati bijikieng kep dima.

NINDAT KEP TUHAN NICUKTI NYA 28:68

Mbro nok gino tuhan pai bipia ma jingkwei hanyen ug ei minu Mesir au lo, Noni miba kibar minyei bipinak je hanyen ug ei minu dima. Mijitri jenti nok awak mem jide siceu nya ei sirima noro hi di pek jeni bi.”

NINDAT KEP TUHAN NICUKTI NYA 4:26

Gino jibit dihyet bi lene mpia-bbed him kin dihyeisi dini mitou kep je nok tungwagom di mipai brei sut jiyai munti nya lene jei bi mijipror hak leu minu di jibong kei jigwam kei eisi ei Minyei Yordan nite dima ug ug ri. Mijibong ser minu dima mem nituti poi he leu api tuhan mibindei ba, jimai bijingwig.

YOSUA 23:15

Noro jo nibreisi bipia Noni mikes mun di nggruk bibor di Noni sok kep ser je tut nya hagom ei jeni dip noyam kin gi Noni yai mun di kei bije bipek kep Nide nipreu eisi nya pima hagom,