HOSEA 9:2 - ALLAH NIHYET MEM TUNGWATU NYA

² Noro jei bi ne jide gandum kin mini zaitun midem mem je bi. Ba anggur ngei cem mingwig leu je.

HOSEA 9:2 ပူးပေါင်းရင်းမြစ်များ

NITRITI 50:10

Tirigi ikwei krau gumihyep di tungwatu nya ibui gandum ngan eisi ei Goren-Haatad ei Yordan nyai nite dima ug lene ipim kui jei sut nimai. Lene Yusuf bon midut ningon ngguk ei mpia dima kikau mem mmun-njap muhwindacan.

HOSEA 2:11

Midibindei ba, nide njap ndig nya hagom kes hon hak ug. Bitut pesta di noni bon bikwop ari bingwam kin bed kin Njap Nigwam Kep Ninghuisi nya di ijem ninyeng bipia njap nibon midutti nya.

HOSEA 2:12

Midibindei ba, nide ba anggur kin biei ara di pinai di icut tut noni igyai binoni bibigo nicut tut yamti pima hagom sar bingwig. Midibindei ba, ba anggur nghousi kin biei ara nghousi nide wer bohousi leu api mindhe-ndhe di iten pos nya minggek hagom bingwig.

HOSEA 2:9

Gima rino tirigi bed dem mem ike gandum kwei ei ig gudanti ne midipos gandum kin ba anggur ngei kin sinsun wol kin sinsun linen di diyai binoni pima hanyen bingwig leu noni.

AMOS 5:11

Jico kep nuhui mbum nya bijipos ide gandum ngan cem leu yok. Gima rino mijibong ser ig di kei bibor kei di jingot mem jenti bijidut ba anggur ngei leu miai ba anggur nghousi nya di jita mem jenti cem bi sren.

HAGAI 1:9

Jingon ya mem gi jiyai ningat di mpung bipias hagau ei beisi lo, ningat di jiyai rino poi mien bibor he leu api tirigi jittei gi ndima kwei lo, dihi dinnei eisi bidibindei ba, hou di dimiep bindei ba, njita ngwig hak leu je. Nggon rino diyai nok gima i? Diyai nok gima drek dip Ditde Ig di wer igkum kroi lo, bikwop tungwagom-gom ta nibou ei nide ig di ngotti.

HAGAI 2:16

Mpe dima lene jipi bijuug yok jiyai kep gandum nitu di jinju keyam lene jikan bipia mijiket gandum nitu kilo sratus can lo, gi jiket ne kilo sratus gom hak ri. Jipi bijuug tau ba anggur ngei liter sratus gom leu tong ba anggur ngeisi lo, gi jitau kwei ne liter ningot bitai he ri.