HOSEA 9:17 - ALLAH NIHYET MEM TUNGWATU NYA

¹⁷ Allah di diyai midyai mem mirok Nide limwa nya ei drek dip gi ikou sut ingig itingou mem nihyet. Yoni mimbut bibong-bong wai bidem dihyeisi dini bisrig ngkiai nya ikieti.

HOSEA 9:17 ပူးပေါင်းရင်းမြစ်များ

NIBOHON MBEN ISRAEL GI NICAN 18:13

Noro Mikha buhup “Diba neheng bipai mun brei tug hon tuhan ninyeng bipia midipai sut Allah nicuk dati nya he!”

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

NEHEMIA 5:19

Allah e, handei kon ba, ayok ngon kep mun di dibon mem limwa dini yok ba, anjei mun di kei bida drek dip.

MAZMUR 31:14

Mun di bindei ba, dingon nde yon ttai da lene ditde siceu nya ide nahamuisi tibim tut hou ban bei. Igyok ingon gom mem da ba, yuhum yam nsi mem gima igyai nimai bida cem.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

YESAYA 48:18

Mijiyok ngon kep Ditde nicuk jeti nya ug ma jide nibong kei nigwam keisi midem kep minyei di pingge bi. Ba, jide ninggei-hi-nggeisi midem kep muk ngei di roi ei ningeisi di kes hon bi sren cem.

YESAYA 7:13

Lene Nabi Yesaya pai “Gi nok lene je di jintun Nibou Ndig Daud him e, ma jimiap kep dihyet! Gino jibingon tungwatu nya tut gima yoom ingon tut jeti bidem bigyo apino jibingon Allah cem tut gima om ningon tut je bu e?

YEREMIA 6:30

Hi mipai sut Ditde limwa nya bipia inok mumpiang perak nicom ei lewo Da di tuhan dicom yok tu.”

YEREMIA 7:13

Mbro nok gino dimbrap bit je kikau su lo, jikou sut dihyet bijibon bidem sisar ninyeng dini yok hagom tu. Tirigi dihig je lene jinghek Da ba, jibuhup dihyet bi.

YEREMIA 7:15

Midijji jeni ug ei minu ting leu Doho bei dem kep nok dijji jide bat mben Israel nya nipou su. Da di tuhan disimbot dat tu.”

HOSEA 4:10

Mbro nok gino jiyem mikwau di jiyai leu mindhe-ndhe di jindig ei nimbar hum dokti lo, jinggum kikau. Mbro nok gino jikuk je bak kwar di jikan bipia bindei ba, jitnem bat nya inghop lo, yoni ipijet. Gima hagom nok lewo jikiek joho leu Da ba, jiba joho rok nung nya.”

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

HOSEA 7:13

Buhun bibor mem yok lewo yaham mbuk kep Da tu! Yoni mitimek bingwig lewo ihwen bit Da. Dipi biditeu yok bingwes ngun lo, ide nikuk no biDati nya hagom nitrowai he.

AMOS 8:2

tuhan hig ser da “Amos e, angat mindei i?” Dibuhup “Dingat bansi gom di biei ngat di nggwop kei joti.” Noni pai bida “Tto bou dem mem Ditde limwa mben Israel tu. Diluei dingonti tut hukum di dikes ei yok dip bu bi.

AMOS 9:9

Midicuk siceu nya leu api icig je di mben Israel noyam kin no di ba kawanggai bicig gandum ngan. Lene mem gima dibicut mun di bon ninyeng bi nya hagom bingwig leu jikieti lene midimpu je ei ngkiai nya inggreti.

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

ZAKHARIA 1:4

Ma jiyai kep jidigup bat-jidigai bat di nipou nya igyai kepti nya au. Nipou yo ne nabi nya itri tut dihyet bak yoni leu binhyepo imbuk bibor bibon sisar bu au. Noro igimiap kep dihyet ba, ice tut bibit bi.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

YOHANES 7:35

Lene nibou mben Yahudi nya ihig yam ser “Noni tin ei mem gima mbut ug ei siritou apino ingat Noni bu bi i? Mpaba Noni muug bong bit mben Yahudi di ibong ei mben Yunani ikieti bingginau mben Yunani ei itimieisi e?

KISAH 3:23

Bikwop tungwa tou rino bit nabi dima nihyet bi lene no dima nggre kin Allah de limwa nya bu bi noro mitug ndei nimai.’

NINDAT KEP TUHAN NICUKTI NYA 32:26

Dibungwam mem gima dihwen yahagom bimai bingwig ser nhyema hiter igyok ngon kep yok bu bi.

NINDAT KEP TUHAN NICUKTI NYA 4:25

Tirigi jibong kei jigwam kei ei minu dima wer ninno ba, jibon jimunggwom bat nya kin jignyon bat-jidrot bat nya tu lene ma jibon sisar tug hon gima jibon kwar di jikuk je bak hi bou jinda him au. Mun dima ne sisar ei tuhan niyai him rin lene mibindei ba, ningon sibui sut je.

NINDAT KEP TUHAN NICUKTI NYA 4:27

Noni mibindei ntek je srig ngkiai nya ikieti leu api jibou poi he mijingwes ngun.

FILIPI 4:19

Allah di dikuk da bak di nyeng tut mun di binyohou je nindig bibor miyai mun di jisuar nya hagom bije tug hon Kristus Yesus.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.