HOSEA 9:1 - ALLAH NIHYET MEM TUNGWATU NYA

¹ Mben Israel e, ma jibon midut kep jide njap nindig nya noyam kin ngkiai nya au. Jikes jide Allah ei ba, jingon gom tut Noni bi kikau tu. Bikwop mpia di jico kep gandum eisi ne jitri jenti bijinok nikrar jut cig nya mem kwar Baal. Jingon kei sut gi jitug ndei gandum di jikan bipia Baal yai nok jimuhup bije!

HOSEA 9:1 ပူးပေါင်းရင်းမြစ်များ

MAZMUR 73:27

Jo nibreisi bipia yo di ikes Na ei mitug midut. Mporo abindei sar yo di ingon gom tut Na bi nya.

YESAYA 17:11

Mbro nok gino njita kioi di ata dima hei hak ba, nitou ngwam niti hak mem njap di ata dima lo, ningat migwam niti bi. Gi jo mem na rino mun di buhun kin ninggwen di cut leu na kan bi he.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

NIBWOS-BWOS NYENTI 4:21

Je di mben Edom kin mben Us e, tirigi bon nituti mem je lene ma jingon llei bibor hak ug o! Mun di buhun micut igkep jeni cem lewo jibou ngwak sibui sut mun di pu je ba, mun dima biyai ningat nguti bijenti rin o!

YEHEZKIEL 16:15

Noro aba ade nuubbuti kin anyeng di jei dima bibon mun tunggwei tirigi ajou pinai di icem kep na nya yahagom.

YEHEZKIEL 16:30

tuhan Di Ninyeng Jei pai “Abon munti dima yok hagom dem kep sop sundal di bit bon kan tut nimmai sut nonti kan bi.

YEHEZKIEL 20:32

Jibindei jenti ba, jinoyam kin ngkiai nya kin timiei minu hiter nya di ikuk yok bak biei kin tig. Noro jingon kanti dima mipek kep mem je bi sren.’ ”

YEHEZKIEL 21:10

Isien binggwen-gwau leu binhyepo bindei mai ba, idip bidia-diau leu binhyepo njeng-jau nok kigyei di ninjeng srei. Ningon nggei-hi-nggeisi hi jo mem Ditde limwa nya bu bi. Lewo iba ingha bak nisok kepti nya kin hukum di itug ndei tu.

HOSEA 10:5

Timiei minu ndig Samaria nya ittin. Yoni kin imam di ide nya di igyai midyai mem kwar sapi di iba mas bibon ei Betel ingon ngguk bipim. Lewo ide kwar di ikuk yok bak ninyeng jeisi sar yon tu.

HOSEA 2:12

Midibindei ba, nide ba anggur kin biei ara di pinai di icut tut noni igyai binoni bibigo nicut tut yamti pima hagom sar bingwig. Midibindei ba, ba anggur nghousi kin biei ara nghousi nide wer bohousi leu api mindhe-ndhe di iten pos nya minggek hagom bingwig.

HOSEA 4:12

Jahara biei ttou kin tom leu binhyepo indo puig di kei bije. Bon tom buhup bipingok jingonti e? Jahagom jinok sop wak cam di krar igkei. Jikes Da ei leu api jikes jenti ei nung nya indati.

HOSEA 5:4

Mun di mbuk di mben Israel igyai dima bindei ba, bit bon ingkwei hanyen ndam ide Allah kan bi. Gi ikuk yok bak kwar nya dima kat yok bingkiem ba, ijoi sut Da bikuk yok biDa cem bi.

HOSEA 5:7

Yoni ingon gom tut tuhan ba, imunggwom bat nya inok tuhan nimunggwom bat nya bi. Gima rino jei bi lene Noni bindei sar yahagom bitut ide minu hagom bitimek bingwig.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

AMOS 4:5

Nnaba jikwas roti nok mun di jibikuk je biDa tirigi jipai sigyo hanyen tut Da hak ug. Nnaba jinsi bbet tut gi jipai mijikum ei mun di jibikuk je biDati hak ug. Jo nibreisi bipia jingon llei sut jide midyai dima!

AMOS 6:13

Jirai pri tut bipia minu ndig Lodebar cut bije. Jinsi bbet tut gi jipai “Nisindem mem gima nikon pran bit minu ndig Karnaim.”

AMOS 8:10

Midibindei ba, pesta di jibon kep jide njap nindig minoyam kin njap di jingon ngguk tut nimai ba, doia di jiba jingon di llei bipai minoyam kin yo di ipim kep nimai ighyet. Mijikak jibou bijijuk sinsun kron di bindo tut jingon di ngguk bijinok andigpoi kin nitnem di ingon ngguk bram ipmot di nimig gom ngat. Mun di cut igkep je mem njap dima hagom mibindei ba, jingon ngguk bibor.”

YAKOBUS 4:16

Noro jingon jei bijirai pri tut jenti jingon kanti. Gino jirai pri tut jenti jingon kanti nok gima ne jibon mun tunggwei.

YAKOBUS 5:1

Disut bat je di jinyeng bibor e, ma jingig jitingou mem ditde nipingok jeti ug e. Ma jiyai nggwei kibor ba, jipim nggruet cem tut mun di buhun bibor di micut igkep je hak ei nidipti bu!