HOSEA 8:7 - ALLAH NIHYET MEM TUNGWATU NYA

⁷ Tirigi Ditde limwa nya igimahap ningan hou he ne yoni mipuk ningat hou sigau ri! Ide miai gandum len bi. Ba, gima bindei ba, igyai tepun mem ide njita cem bi. Noro tirigi miai dima len leu api ngkiai nya mikwei yem tepun dima bingwig leu yok.

HOSEA 8:7 ပူးပေါင်းရင်းမြစ်များ

NITRITI 41:23

Lene gandum nibou di ngoi-nga di mpia wam bikinei ningat muhwindacan di ntun him bu ba, hagom mbris.

NIBOU NDIG NYA GI NICAN 15:19

Tirigi Pul di nok nibou ndig mem mben Asyur ya tut nide tentara ba, injei bihwen mben Israel lene Menahem kiju bimbus perak di nibuhunti kilo sribu ningot ningai bitai biyai bak. Tug hon nisinati dima ne Menahem bindei sindem nide ninyeng tak kep mben Israelti.

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

AYUB 4:8

Dingat bou diyai him bipia yo di ikkin dihyei ei miai sisarti kin yo di yahap mun di sibut bibor di noyam kin njita ngan ei dihyei suti yahagom igyai ningat di kinei kin ningat di suwok cem!

NIPINGOK NINGONTI 22:8

No di ndim ningan di bindei ba, niris kep tungwatu nyati hei ei hiter ningonti mitug ndei mun di buhun di cut igkep noni lene gima bindei ba, nisindemti mem gima ndim ningan pima pror hak leu noni drek dip.

NIBA NINGON SRIP HUKTI 5:16

Nijam di igyaisi jo yo lene itibap-tibap nyen ei nidinditi ba, ingon buhun cem ingon bos-bos nyen cem ingwak njui cem ingon sibui cem.

YESAYA 17:11

Mbro nok gino njita kioi di ata dima hei hak ba, nitou ngwam niti hak mem njap di ata dima lo, ningat migwam niti bi. Gi jo mem na rino mun di buhun kin ninggwen di cut leu na kan bi he.

YESAYA 55:2

Nggon rino jiba jide mitiei bipek mun di jijoi sut bi i? Nggon rino jita jibou ei jide midyai di bindei ba, jingon kei bi nyati i? Ma jibit dicuk jeti nya apino mijiyem njita di kei bibor kei dor njiriek njita nindigsi nya hagom.

YESAYA 66:15

Ningat ne tuhan mikwei sut hum a. Noni mikui Nide kroba pran di dem kep hou di nimig ten bibor lene bindei hei nigga biborti bikon nihyet kep yok bibor.

YEREMIA 12:13

Ditde limwa nya indim gandum ngan ei miaisi leu api ipi bikos gandum ningat kwei noro ikos mintu-minta he kwei. Icom yahanggwap noro ingat ningat hi bi. Ditde nigga biborti bindei ba, ide gandum ngat ningat hi bi.”

NIBWOS-BWOS NYENTI 5:2

Nyende ndigban ninda rom cut ug ei yo di hiter indati ba, ngkiai nya ibong ser nyende ig nya cem o!

HOSEA 2:9

Gima rino tirigi bed dem mem ike gandum kwei ei ig gudanti ne midipos gandum kin ba anggur ngei kin sinsun wol kin sinsun linen di diyai binoni pima hanyen bingwig leu noni.

HOSEA 7:9

Ingon guhuk niti tut ide nisindemti di cut leu yok drek dip ide niyok ningon mem ngkiai di ibong ttai yok dima bi sren. Apino ide niyaijo ningwig honti dideu su lo, igikan tut bi sren.

HOSEA 9:16

Midikes hukum ei mben Israel dip. Yoni midem kep biei kioi di ita di ngat ningat bi kin nigau di mui bingwig leu ba, imbun imunggwom bi. Mbro nok gino imbun munggwom lo, midiyai nimai bak imunggwom bat di ingon ngakei yok dima.”

NAHUM 1:3

Ningat ne tuhan gga haninyai bi. Noro Noni sindem bibor apino bindei ba, bit bon no di bon mun tunggwei ningwes ngun leu hukum kan bi. Hou di nimig ten bibor cut ei mpia di tuhan mbut eisi. Dihyei ndung wer bumbuhui ei mpia di nimig co eisi.

HAGAI 1:6

Jindim ningan mang ei miaisi lo, ningat di jiyai poi mien he. Jide njita no rinaha lo, dem mem gima ndei jinggumti bi. Jide ba anggur ngei no rinaha lo, dem mem gima bicut jinggobiausi bi. Jide sinsun no rinaha bijijuk ser jingkek lo, dem mem gima jijuk ser hou di kui jeti bi. Yo di igyai midyai ba, ibiyai imuhup itug ndei imuhup di dem mem gima ibinyohou ide niyaijoti nut bu bi.

GALATIA 6:7

Ma jikrau tunggwei jingonti au. Bit bon hi ris mun bak Allah kan bi. Jibiang njita kwei leu beisi bit leu ningan di jindim ei beisi.

GALATIA 6:8

Gino tungwagom ndim ningan bit leu ningut kanti di ntun dihyeisi dini him lene noni mitug ndei nimai drek dip niyai munti dima ri. Ne gino noni ndim ningan bit leu Allah Ninnei nibie tut noti lene noni miyai niyaijo nijep di jo kikau leu Allah Ninnei ri.

NINDAT KEP TUHAN NICUKTI NYA 28:33

Ngkiai nya mikwei mbrai jide njita ngat di jicom jahanggwap tut bibor nya lene jenti mijitug ndei mun nyeng hi bi. Gi jitug ndei rino nico kep je ninghig-niker kin niba nisibut biyai je cem.