HOSEA 8:4 - ALLAH NIHYET MEM TUNGWATU NYA

⁴ Ditde limwa nya intu kep Da tut dingon kanti mem yok bi leu api ita ide nibou ndig. Ikon ide nibou nya igbit yonti ingon kanti njiriek dingon kanti mem yok. Igyai ide mas kin perak ba, ibibon kwar di ikuk yok bak. Nibon kwarti ribindei timek yonti hanyen a.

HOSEA 8:4 ပူးပေါင်းရင်းမြစ်များ

NIBOU NDIG NYA GI NIGOM 12:28

Niabiati noni kan-kan nyen tut tu lene noni ba mas bibon nung di nok sapi nikre ningut can lene pai bak nide limwa nya “Je di mben Israel e, jingkwei-ngkwei nyen ug ei minu ndig Yerusalem mem gima jikuk je bak tuhan ei mpia dima wer ninno tu. Tini bu ne ma jikwei ngat jide nung di ibuwak je kwei leu minu Mesir pima rini.”

NIBOU NDIG NYA GI NIGOM 13:34

Nibon munti di kinei-kinau dima bindei ba, yo di intun noni him itug ndei hukum di buhun bibor ba, ibisar bihigom.

NIBOU NDIG NYA GI NIGOM 16:31

Noni bon sisar noyam kin Nibou Ndig Yerobeam nide sisar he bi noro kum eisi bu tirigi noni wak Izebel di Nibou Ndig Etbaal leu Sidon nipmisop ba, kuk no bak kwar Baal cem.

YEREMIA 16:20

Bon tungwatu hi heu kwar di nonti kuk no bak e? Nok gima bi sren! Ningat ne mun di bon dima ne Allah nijit rin bi.”

YEHEZKIEL 18:31

Ma jimbres jenti leu jiyai munti di mbuk bibor di jita jibou eisi nya leu api jisindui sut ba, jingonti kin jikan-kan nyenti nok nijep bu. Nggon rino jingon llei sut gi jiyai nimai i?

DANIEL 3:1

Jei bi lene Nibou Ndig Nebukadnezar cuk tungwatu nya biba mas bibon kwar di nindig krop di nijeisi dem meter ningot can ba, muhwindacan. Lene ninyanti dem meter ningai leu api cuk yok ba, itas kwar dima biya pijum kei ei briep bousi Dura ei minu Babel.

HOSEA 13:1

Nipou yo ne keret hi ter nya ibou cut bak keret Efraim. Gino keret dima kes nihyet di buhun kwei ne keret Israel nindigsi nya ittin. Noro keret Efraim ibon sisar tug hon gi ikuk yok bak kwar Baal. Gima rino yoni mipror bingwig hak.

HOSEA 13:11

Diba dingon di sibui bindo jide nibou ndig nya leu api diba Ditde nigga biborti bipos yok bingwig hanyen leu je.”

HOSEA 13:2

Keret Efraim dima no ibon sisar kikau kwei bipek ammani kep. Iba perak bibon kwar nya bikuk yok bak. Kwar dima yok intun tungwatu nya ide nikan-kan nyenti him leu api tungwatu ibon bou inda him. Itri tut “Ma jibon midut nindig mindhe ei nimbar hum dokti ba, jibikuk je bak kwar dini yok!” Mbenjen! Yo dima imei kwar sapi pmot cem!

HOSEA 2:8

Atnem pai jit bipia Dani rino diyai gandum kin ba anggur ngei kin mini zaitun kin mas kin perak binoni di bikuk no bak Baal bi sren.

HOSEA 8:3

ikou sut mun di kei a. Gima rino ide nitok nya yuhuk-huk nyen yok.

MATIUS 25:12

Noro noni buhup ‘E bi! Dikan tut je bi!’ ”

LUKAS 13:25

Ig niceu mikiju binggam mbou leu api je di jiya igbit nisai mijipuk-puk nyen dimbou bijahara ‘Andigpoi e, akau dimbou leu nye o!’ Noro noni mibuhup ‘Dikan tut jikwei leusi bi.’

LUKAS 13:27

Noro noni mibuhup ‘Dikan tut jikwei leusi bi ba, juug bihigom leu Da lewo jisibut bibor!’

YOHANES 10:14

Dani ne gembala di ningon gom tut domba nya rin ba, dingat igbit Ditde domba nya. Nok gima cem Ditde domba nya ingat igbit Da.

GALATIA 4:9

Noro tini bu ne jikan tut Allah lo, gi nijit ne Allah kan tut jeni. Nggon rino jingkwei hanyen kep ninnei nya di tungwatu nya ikuk yok bak di isindem bibon inyeng bi pima i? Nggon rino jisindui sut ba, ninnei dima yok yuubon je tereu nok awak nya hanyen bu i?