HOSEA 8:13 - ALLAH NIHYET MEM TUNGWATU NYA

¹³ Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

HOSEA 8:13 ပူးပေါင်းရင်းမြစ်များ

NEHEI LEUSI 20:3

Harin dima jikuk je bak nung nya a. Noro ma jikuk je biDangkom.

NEHEI LEUSI 32:34

Suar aug ba, abuwak mben Israel ug ei minu po dipreu ei mem yok tu. Ditde malaikati mibie tut je. Noro ei nidipti bu lene tto bou midem mem gima dikes hukum ei mben Israel dip drek dip ide sisar.”

NIPINGOK NINGONTI 21:27

tuhan ningon mpo tut midut di yo di isibut nya ibon bak Noni lo, ningon mpo bibor tut yok gino iba ingon kanti di kinei bibon midut dima.

YESAYA 1:11

Lewo Noni pai “Jikan bipia dijoi sut midut di jibon biDani ei nimbar hum dokti ninno tu nya e? Noro domba di jindig kep hum ei nimbar hum dokti nya kin ninggwo di jidigo leu sapi mien nya hagom nos Da. Jide sapi nikre kin domba kin kambir nya inggrom cem nos Da.

YEREMIA 14:10

tuhan pai sut mben dini “Diwok yok lewo inang leu Da ba, yoom kep ingon kan bi. Midingon prion ser ide mun di igyai tunggwei nya bi. Dikes hukum ei yok dip drek dip ide sisar.”

YEREMIA 6:20

Ide biei nggrai di igyai kwei leu minu Syeba kin biei ngat di ui-gwang kei di igyai kwei leu minu nindigsi nya cem bon ninyeng mem Da bi. Dijoi sut ide midut nya kin ide mindhe di indig ei nimbar hum dokti bi.

YEHEZKIEL 29:16

Mben Israel yahara jeni mem gima jimpu yok bu bi. Mben Mesir e, mun di cut igkep je dima mibipingok mben Israel ingonti bipia ikiowi bibor tut gi iba ingon com je di mben Mesir. Leu api mben Israel mikan tut bipia Dani ne tuhan Di Dinyeng Jei Bibor ri.”

HOSEA 11:5

Noro mben Israel ikou sut gima ingkwei hanyen ndam Da. Gima rino suar ingkwei hanyen ug ei minu Mesir ba, mben Asyur inyeng tak kep yok.

HOSEA 12:11

Dimbrap bit nabi nya ba, diyai ningat-hi-ngat mang bibor biyok. Ditri tut dingon kanti di ditin ei mem je di jinok Ditde limwa nya tug hon nabi dima yok.

HOSEA 4:9

Hukum di micut igkep jide limwa nya micut igkep jeni cem! Midikes hukum ei jeni dip bit leu nok jiyai munti di kinei nya nimangti.

HOSEA 5:6

Yoni iba ide domba nya kin sapi nya di indig ei nimbar hum dokti binggok tuhan noro hagom dem mem bi. Lewo Noni kes yok ei su. Bit bon igya um Noni kan bi.

HOSEA 6:6

Diyok dingon mem gima jingon jo kep Da kin gi jingon ngakei Da ba, mun nyeng can dini bon ninyeng nindig bibor dor njiriek nindig mindhe-ndhe ei nimbar hum dokti bak Dati.

HOSEA 7:11

Mben Israel di imig dia idem kep hakimoi mbrei di ningon mbum. Nipou yo ne limwa di ide nya yahara mben Mesir kwei bimpu yok. Leu api inang ndam mben Asyur bu!

HOSEA 7:16

Idor bit kwar di ikuk yok bak di mbun nisindemti hi bi sren dima yok bijo kikau nok. Idem kep hampiap di drot-drau ba, dem mem gima hi ba ningon com yok bi. Nibou di ide nya iba ingon di jei bimbrap. Gima rino yoni mitug ndei nimai tug hon singau simeda apino mben Mesir ipa ndip yok.”

HOSEA 7:2

Wer ingon dorti tut bipia diyok ngon kep mun di kinei bibor di ibon dima yok hagom cem bi sren. Noro ide sisar ngot di ibon nya kieng kep yok apino dingat hagom mungkun kei bou diyai him.”

HOSEA 9:6

Mpe dino mun di buhun tau kep je bibindei ba, jintek gimahap ug ei jingkiai ne mben Mesir mimbus jide tungwatu niken-ken di igwam nya keyam leu api migyai nimai biyok ba, ibitig ingut ei minu ndig Memfis! Mintu-minta kin ndia nggwen mehei ba, dwim kep igkumti jide nya kin jide ndigban perak di nibok kak nya di jo ei mpia dima.

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

HOSEA 9:9

Jibon munti nya kinei bibor bidem gi jibon ei minu ndig Gibea. Allah miyok ngon kep jitunggweisi bikes hukum ei je dip drek dip jide sisar.

AMOS 3:2

“Jeni ne mben ningat-ngat di didimig ei bidinyohou cem dor njiriek ngkiai nya yahagom ri. Gima rino jide sisar buhun bibor ba, suar dikes hukum ei je dip drek dip.”

AMOS 5:22

Tirigi jibon midut nindig mindhe kep hum kin midut nibipai sigyo biDa lene midirok je tut. Midirok jide mindhe-ndhe di pap-nap kei di jibet ei mem jibikuk je biDa cem ei ditta.

AMOS 8:7

tuhan di mben Israel ide Allah pai tug hon neheng “Dingon prion ser igyai munti di mbuk bibor dima bi sren.

LUKAS 12:2

Ninjeng gom mipiga digai mun nyeng hagom di jo nding hanyen. Nihyet gom mitibim tut mimun hagom ei nibreisi hanyen.

KORINTUS GI NIGOM 11:20

Mbro nok gino jikan bipia jidem yam mem jiki roti nibiyok ngon kep Tuhan lo, niki roti dima igbit bi.

KORINTUS GI NIGOM 11:29

Leu gino tungwagom yem roti bidut ei gi mokti lo, yok ngon kep bipia midut dima ket ei Tuhan ningutti bi ne roti kin gi mokti di noni yem bidut dima bindei ba, Allah kes hukum ei noni dip.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

NINDAT KEP TUHAN NICUKTI NYA 28:68

Mbro nok gino tuhan pai bipia ma jingkwei hanyen ug ei minu Mesir au lo, Noni miba kibar minyei bipinak je hanyen ug ei minu dima. Mijitri jenti nok awak mem jide siceu nya ei sirima noro hi di pek jeni bi.”

NINGAT-HI-NGAT NYA 16:19

Minu nindig bibor dima kki ningaisi ba, minu ndig nindigsi nya bidem dihyei nisurti-nipekti hagom lus bingwig. Allah kan kep minu ndig Babel lene bindei ba, dut ba anggur ngei leu Nide mok ba, ningei dima ne Allah nigga biborti ri.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.