HOSEA 8:12 - ALLAH NIHYET MEM TUNGWATU NYA

¹² Dipas kep nipingokti mang bibor mem yok noro irok gima yok hagom lewo ikan bipia gima bitut yoni bi sren.

HOSEA 8:12 ပူးပေါင်းရင်းမြစ်များ

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

MAZMUR 119:18

Ada diyai bidingat Ade ningginausi di tug hon Ade nikos tutti nya ba, bibon ninggap leusi.

MAZMUR 50:17

Lewo jikou sut Ditde nisok kep jeti ba, jibirok Ditde nicukti nya ei jitta cem.

NIPINGOK NINGONTI 22:20

Dipas kep yo di ingon ki nya ide nipingokti ningot ningai mem na. Bon nipingokti dini biyai angon ba, angon ki ba, antin kimbo cem,

YESAYA 30:9

Yoni ne mben di yaham imbuk kep Allah. Ingon mang ba, ikou sut gi imiap kep nipingok yokti cem kikau ri.

YEHEZKIEL 20:11

Lene diyai Ditde nicukti nya biyok ba, dingginau yok tut Ditde niggai serti nya di suar ice tut bibit lewo yo di ice tut bibit nya migyaijo ba, ide njap jei.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

ROMA 3:1

Gi nok ne nintun mben Yahudi himti dima bindei tungwatu nya itug ndei mun di kei mindei i? Midut sunat dima bindei dino yoni itug ndei mun di mimpu yok e?

ROMA 7:12

Puig Yahudi niggai serti dima ntun Allah him ne niggai ser dati nya hagom kwei leu Noni ba, sren bibor kin kei bibor cem.