Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




HOSEA 8:1 - ALLAH NIHYET MEM TUNGWATU NYA

1 tuhan pai “Ma jibindei bimbi pun mbrei tut mun di buhun a! Siceu injei bicoi Ditde minu mem gima ihwen ba, ihwenti dima noyam kin hacam di cut di sus mun di yem a! Ditde limwa nya itunggwei Ditde nipreu ei bit yokti bisrep tut Ditde ningginausi nya cem tu.

အခန်းကိုကြည့်ပါ။ ကော်ပီ




HOSEA 8:1
34 ပူးပေါင်းရင်းမြစ်များ  

Lene nibou buhup “Jikan bipia nibou ndig mben Asyur sok nihyet kwei bak jeni kin jide nibou ndig jengkom e? E bi! Ditri tut dihyet dini bak jide limwa nya di igwam ngug tig dip dima cem. Jei bi lene suar yo dima yahagom igyem yonti yooi kep inggum bidut yonti imbon kep inggobiausi cem.”


Mei! Je di jibong ei dihyeisi dini jahagom e, ma jiyok jiyai kep kendera nya di siceu itas bidem nungug dip nya! Ma jingig jitingou mem pun mbrei di imiep a!


Nirom mikui dihyeisi dini tug hon timiei nya di itunggwei Allah nicukti nya di iba Nide nidimig sutti nya bikek ba, ingkek ndok tut Nide nipreu ei mem yokti nya cem bijo ninno bijo kikau.


tuhan pai “Ma ambrua Ditde limwa nya tignam ba, ando ide sisar brei biyok!


Gi preu nijep dima noyam kin gi preu nitimiei di dipreu ei mem idigup bat-idigai bat nya tirigi dinyohou cen yok kwei leu minu Mesir bi. Mbro nok gino dibon Danti bidinok ijjep lo, ikou sut mun di dipreu ei mem yok.


Nibou di inyeng tak kep minu Yehuda kin minu ndig Yerusalem bitut yo di igya kui yok kin imam nya kin yo di igyai kep midyai nya nok mindor dihyei nya yahagom ibon nipreu ei mem Dati tut ide awak nya tug hon midut nipreu eisi. Ibui sapi ningut gom leu api israt hacan binok can leu api imbut ei nisra cin dima nikieti tu. Noro je di timiei minu ndig Yerusalem jiluei jingonti tut nipreu eisi dima kin nipreu eisi di mben Israel ipreu ei bit Da. Gima rino midibibon jeni noyam kin gi jibibon sapi dima.


Jingat i, siceu itau kwei ba, idem kep bumbuhui di tap a. Kroba pran di ide nya dem kep hou sigau di cut a. Kuda di ide nya idor sindem dor njiriek ha krubri cem. Ayo! Buhun bibor mem nyeni o! Nyeni yahagom isar ug rin o!


Ma jimiep pun mbrei bidem minu dini! Ma jiba nihyet di tibim kin nihyet di nindig bijem ug! Ma jicuk timiei minu Yehuda kin minu ndig Yerusalem inang bicoi ug ei minu ndig di bon tentara nibousi di igya coi nya.


tuhan pai “Mben ngkiai gom mikwei bisus minu Moab noyam kin ha krubrig di cut bikieng ninyehei bisus mun di yem.


Siceu micut kwei bisus minu ndig Bozra noyam kin ha krubri di kieng ninyehei bicut bisus mun di yem a. Ei njap dima ne mben Edom mittin bibor bidem kep sop di ninghim dut di gwam tut munggwom a.”


Je di nibou ndig leu nite bei mpia nijjai e, jiyai bindo di bitto mem gima jicoi bijihwen! Jimiep pun mbrei leu binhyepo ngkiai nya yahagom imiap! Jinjei sut ngkiai nya bijikon pran bit mben Babel! Jicuk nibou ndig Ararat kin Mini kin Askenas bitut ide limwa nya ba, icoi bihwen. Jikon nibou pran gom mem gima bie tut nimpung tentara nya di icoi di ihwen dima. Jinjei sut kuda di nimangti dem nimpung hai nya.


Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.


Gima rino na di tungwatu di ayaijo kikau bi e, ma atri tut Ditde nisok nihyetti tut hukum di micut igkep yoni biyok.”


tuhan Di Ninyeng Jei Bibor pai “Midibibon na bit leu ade nibon munti nya. Lewo aba angha bak ade nehengti ba, abitunggwei Ditde nipreu ei mem nati cem.


di Da di tuhan Di Dinyeng Jei Bibor dipai mem yok tut ha krubri di nindig bibor ningut gom di bon ninta kei-kau-kei ba, ninyehei nyan ba, sindem cem. Ha dima kon ninyehei bidimba ug ei nungug him ei minu Libanon bikot biei buom gom ninggrupti,


Pun mbrei nibimbiti mibong lene yahagom itin ei. Noro hi dima ug bikon pran bi. Lewo Allah de nigga biborti cut igkep yahagom ser tu.


Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.


Ma jimiep pun mbrei ei minu ndig Gibea! Ma jibui brem-brem ei minu ndig Rama ba, jibijem nikon pran cig nya kwei! Ma jihyet sra tut pran ei minu ndig Betel! Je di tentara Benyamin e, ma jinjei siceu a!


Noro noyam kin mun di pek kep ei minu mien Adam ba, jinjiriek nipreu di jipreu ei bit Da.


tuhan pai “Ikinyon ei ide nibon mun di kinei biborti ei minu ndig Gilgal. Dingon mpo tut yok ei sirigima drek dip ide nibon munti di kinei bibor ba, midijji yok leu Ditde minu dini bidingondut yok bu bi. Nibou di ide nya yahagom ihwen bit Da.


Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.


Ma jimiep pun mbrei ei Nide Nungug Sion. Jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei.


Gino pun mbrei di sok kep timiei minu hi tut pran nitausi tibim ne gima bindei ba, tungwatu nya idigit tut bi e? Gino tuhan kes mun di buhun ei minu ndig gom dip bi lene mun di buhun dima micut igkep yok e?


Nipou ne tungwatu nya ipai doia ei nibou ndig de ig di kei bibor kei noro tirigi tto bou dima dem ne yahagom ipim bibikiek nimai. Tungwatu nya yoom yo nyahan tut nimai ngut nya bicom-com wai ei nisai bikui sur mpia.”


Dingat lo, tuhan ya kui nimbar hum dok bipai “Ma abui Ditde Ig nidihim ninggrupti nya tignam bibor ba, abindei nikiou ugwa-kwei. Abindei ba, nidihim nya ttek bicut ug ei dihyeisi mu bitot tungwatu nya ibou nggram him. Midibindei ba, tungwatu nindigsi di imai bi nya itug ndei nimai tug hon pran di cut igkep yok. Bit bon hi nang leu biningwes ngun kan bi.


Ide kuda pran mbut sindem dor njiriek macan tutul ba, iten-pos dor njiriek serigala di nggum bibor. Tentara Babel nibri kuda cig dima yok ikwei leu ting bibor ba, ide kuda nya injou mbrap bit dihyei. Ba, ikweisi noyam kin hacam krubri di dwop-dwop nyen di cut bisus mun di yem.


Njap jei dima ne pun mbrei nibimbiti tibim kin tentara ngot di ighyet sra tut pran binjei ndam minu ndig di bon ngug tig kin tentara nibousi di igya coi nya di ihwen ri.


Hanjop Libanon e, ma akau ade dimbou pmem nya leu binhyepo hum yem ade buom di jei nya!


tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.


Lewo ha di nindig krop di yem kep mun di mpiei nya ingat rin ei nimbiam nijoti.”


Mun dini mitimon nye kros noyam kin niyai mpau di bingmai mbigom he tirigi pun mbrei ningwigsi nugwei bong. Tirigi pun mbrei nugwei bong rino yo di imai su nya mikiju hanyen biyuum ingut di jo gingga di bit bon kroi hanyen kan bi. Leu api Allah miluei yahagom itta.


tuhan mijem mben gom di jingon hukti tut ighyet bi nya kwei leu minu nohon keti mem gima ihwen jeni. Yoni midwop kwei bikam jeni noyam kin ha krubrigya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ