HOSEA 7:4 - ALLAH NIHYET MEM TUNGWATU NYA

⁴ Yahagom yuhum yam nsi mem yok lene ingon gom tut yok cem bi. Ide ningon di kinei sut hiterti dem kep hum di nikang roti cig miep binjeng bigyo bibou kioi roti bidwoi mem gima non ei niti ug e ba, gi jo ne hum priot di mbom he.

HOSEA 7:4 ပူးပေါင်းရင်းမြစ်များ

YEREMIA 23:10

Minu dini mpung tut yo di ingon gom tut tuhan bi. Igyai munti nya kinei bibor ba, ibimangkrei ide nisindemti cem. tuhan sigion abris nghousi di mindhe-ndhe nya igyem apino minu dini noyam kin no di ningon ngguk tut nimai.

YEREMIA 9:1

Gino dibou midem kep minyei bousi di mpung tut minyei ba, diyai midem kep kon di bindei srek minyei lene midipim nggruet mmun jei njap jei tut mben de di siceu nya igyai nimai bi yok nya!

YEREMIA 9:2

Handei kon ba, midingat mpia ttou nsi gom di yo di imbut puig sinon ibong kep inghuisi eisi ei iggum ndigsi mem gima dibongti lene midikes mben de nya leu ba, dinang ug ei mpia dima bidibong minu ting leu yok! Yahagom yaham imbuk kep Allah tu. Inok nimpung nibicom yam di ingon gom tut Allah bi.

HOSEA 4:10

Mbro nok gino jiyem mikwau di jiyai leu mindhe-ndhe di jindig ei nimbar hum dokti lo, jinggum kikau. Mbro nok gino jikuk je bak kwar di jikan bipia bindei ba, jitnem bat nya inghop lo, yoni ipijet. Gima hagom nok lewo jikiek joho leu Da ba, jiba joho rok nung nya.”

HOSEA 4:12

Jahara biei ttou kin tom leu binhyepo indo puig di kei bije. Bon tom buhup bipingok jingonti e? Jahagom jinok sop wak cam di krar igkei. Jikes Da ei leu api jikes jenti ei nung nya indati.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

KORINTUS GI NIGOM 5:6

Dem tut gima jingon jei sut jenti bi. Jikan tut nihyet nibiti ninda “Roti ninjep di bigbibor bindei ba, tepun hagom dwoi bibor binindig.”

YAKOBUS 4:4

Mei! Jingon gom tut Allah bi. Jikan tut bipia yo di inggre kin mun di pror yon ei dihyeisi dini iba nitok bak Allah bi e? Tungwa tou rino nggre kin mun di pror yon ei dihyeisi dini lene noni ba nitok bak Allah.