HOSEA 7:14 - ALLAH NIHYET MEM TUNGWATU NYA

¹⁴ Ingat nadi mungkun kei biDa bi. Tirigi ingat nadi ne injei yonti ug ei bilen di ibongti ba, iba nipim kui jeisi bingat nadi noyam kin yo di iba ingon com Da bi nya ibon kikepti. Tirigi yahara gandum kin ba anggur ngei ne ibindei yonti bibok noyam kin yo di ikuk yok bak kwar nya ibon kikepti. Ihwen bit Da nijit-jau a!

HOSEA 7:14 ပူးပေါင်းရင်းမြစ်များ

NEHEI LEUSI 32:6

Njap di hyep lene mben Israel ijem ide mindhe-ndhe ningut poi kwei ba, indig bihi kep hum lene ibam bihi di bindo bipia ingon kwes kin Allah ei nimbar hum dokti. Lene yahagom ikuk yok bigyem njita ba, idut mun di pu yok bindei yok leu api ikiju kui bigya ba, igyai nillei cem.

YESAYA 29:13

tuhan pai “Yo dima ikuk yok biDani ei yuhui him he noro ingonti ne jo minu ting leu Da. Ide mun di ikuk yok bak ne tungwatu ide nikos tutti di ipwoi ei ibou ngwakti he ri.

YESAYA 52:5

Tini bu ne dimbrap tut mindei ei sirini i? Mben Babel ikat je lo, iba mitiei bipek je leu jiceu bi. Yo di ico kep je inggei sut yonti ba, ighyet wer mpiahi tut Da.

YESAYA 65:14

Ningat ne yoni miba ingon di nggei-hi-nggei bimbos-hi-mbos nyen noro jiba jingon di ngguk bibor bipim.

YEREMIA 12:2

Ata yoni nok ata njita kioi leu api igau com dihyei. Yehei ba, ingat ningat. Ighyet di itri tut Nani tereu nok nihyet di kei bikwop noro ningat ne igiyok ingon mem Nani bi.

YEREMIA 3:10

Tirigi ibon mun dima yok hagom leu su lene timiei Yehuda nya di ingon gom tut Da bi pima iba ingon can bingkwei hanyen ndam Da. Lewo ingon sren hak bi. Da di tuhan disimbot dat tu.”

NIBWOS-BWOS NYENTI 2:18

Ngug tig ei minu ndig Yerusalem e, ma jahara bak tuhan o! Jipim ba, jiyai nggwei kibor bibiam bidem minyei di biam mem mmun-njap o! Ma jikes jihyet au. Jipim kikau bibou jinghuisi mbris tut ug e o!

HOSEA 13:6

Noro tirigi jicoi ug ei minu di nnum kei bijiyem njita bidem njita nyeng hagom bijibong kei jigwam kei bijei bi lene jingon jei ba, jingon prion ser Da cem.

HOSEA 13:9

Je di mben Israel e, midibindei ba, jitimek bijingwig! Lene tou rikwei mpu je i?

HOSEA 3:1

tuhan pai bida “Ma aug hanyen ba, angon ngakei sop di nikrar jut gom di cut tut pinai ariwace. Ma angon ngakei noni noyam kin gi dingon ngakei mben Israel. Mbro nok gino ikes Da ei leu bikuk yok bak nung nya ba, ikwas roti di kismis srigsi tut yok lo, dingon ngakei yok kikau.”

HOSEA 8:2

Mbro nok gino ijem Da nok ide Allah ba, ipai bipia yoni ne Ditde limwa di ikan tut Da lo,

AMOS 2:8

Tungwatu nya ibong tut sinsun di ipos leu yo di yuhui mbum nya bidem ig mbusyameisi nya nok mun di bindo bipia yo dima mirop ide ningwam biyok bidem ig. Lene idut ba anggur ngei di ipos leu yo di ikum ide ningwam biyok bigyo nya ei Allah De Ig cem.

AMOS 8:3

Nipou ne tungwatu nya ipai doia ei nibou ndig de ig di kei bibor kei noro tirigi tto bou dima dem ne yahagom ipim bibikiek nimai. Tungwatu nya yoom yo nyahan tut nimai ngut nya bicom-com wai ei nisai bikui sur mpia.”

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

ZAKHARIA 7:5

Noni pai “Ma atri tut bak timiei minu dini kin imam nya yahagom bipia mpe di jiyem njita mem nituti poi bi ba, jipim bijibwos-bwos nyen mem bed nimuhwi kin bed nimuwindacan mem nijam ari bingwam ningot muhwindacan pima ne jibikon dinyeng bi.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

FILIPI 3:19

Yoni mitug ndei hukum ug ei hum njengti lewo ikuk yok bak ide ningut pri kepti nya. Suar immai sut igyai kepti nya di biyai ingon jei lewo ikan-kan nyenti sror ndam mun di ntun dihyeisi dini him he.

YAKOBUS 4:3

Gino jahara Noni lene jiyai mun nyeng hi leu Noni bi lewo jingon kanti sren bi ba, jahara mem mun di jingat jingwes eisi he.

YAKOBUS 5:1

Disut bat je di jinyeng bibor e, ma jingig jitingou mem ditde nipingok jeti ug e. Ma jiyai nggwei kibor ba, jipim nggruet cem tut mun di buhun bibor di micut igkep je hak ei nidipti bu!

NIJAM NIKEI NYA 9:27

Lene yahagom yuug puk ba anggur ngat ei ba anggur nghousi nya lene ibipot ba anggur ngei cem mem idut ba, ibibon pesta. Yoni igyem njita bidut ba anggur ngei cem ei mpia di ikuk yok bak ide kwar nya eisi ba, jei bi lene imbriom Abimelekh.