HOSEA 7:13 - ALLAH NIHYET MEM TUNGWATU NYA

¹³ Buhun bibor mem yok lewo yaham mbuk kep Da tu! Yoni mitimek bingwig lewo ihwen bit Da. Dipi biditeu yok bingwes ngun lo, ide nikuk no biDati nya hagom nitrowai he.

HOSEA 7:13 ပူးပေါင်းရင်းမြစ်များ

NEHEMIA 1:10

tuhan e, nyeni ne Ade awak kin Ade limwa nya ri. Nipou ne ateu nye biningwes ngun tug hon Ade nisindemti di nindig bibor di nok mindur bibor cem.

AYUB 22:17

Yo dima rino ibrim ingkek di irok No Di Sindem Bibor ba, ikan bigya bit bon Noni bon mun-mun hi tut yoni kan bi.

MAZMUR 106:10

Tug hon nisinati dima lene Noni teu yok bingwes ngun leu yo di ihwen bit yok inda nsi. Noni kwek yok leu siceu inda nsi.

YESAYA 30:1

tuhan pai “Mun di buhun bibor micut igkep yo di inyeng tak kep timiei Yehuda nya lewo yaham imbuk kep Da. Ibit ingon kanti nya di noyam kin dingon kanti mem yok bi. Yoni kin ngkiai nya ipreu kep yam njiriek dingon kanti mem yok. Tug hon nisinati dima ne ikum ei ide sisar nimangti.

YESAYA 30:2

Yoni yuug ei minu Mesir nipou tirigi ihig ser Da tut dikos tutti mem yok bigyo. Inang coi minu Mesir leu binhyepo nibou ndig dima ya srak ko hagau yok ba, iba ingon com nibou ndig Mesir.

YESAYA 31:1

Yo di iba ingon com mben Mesir mem gima impu yok mitimek bingwig! Iba ingon com mben Mesir ide tentara nitu kin ide tentara di ibri kuda pran kin ide kuda pran di isindem kin ide kroba pran di sindem bibor. Noro iba ingon com tuhan di nok mben Israel ide Allah di kwes-kwau ba, yahara Noni mem gima mpu yok bi.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 43:1

Je di mben Israel e, tuhan di pai tes je pai “Ma jittin au lewo miditeu je bijingwes ngun! Dihig je ba, dibindat tungwagom-gom ninyeng lewo dinyeng tak kep je.

YESAYA 59:13

Nikon Nani nok nyende tuhan bi ba, naham nimbuk kep Na binikou sut Na cem lene nikou sut gi nibit nyende Allah tu. Nico kep yo di hiter ba, nico tunggwei puig di nijit cem tu. Nikan-kan nyenti srawir ba, nisuglai munti hei leu nuhui him.

YESAYA 63:8

tuhan pai “Jit, yo dini ne Ditde limwa nya ba, munggwom di ibindei di dingon pus tut yok bi ri.” Gima rino Noni teu yok bingwes ngun,

YEREMIA 14:10

tuhan pai sut mben dini “Diwok yok lewo inang leu Da ba, yoom kep ingon kan bi. Midingon prion ser ide mun di igyai tunggwei nya bi. Dikes hukum ei yok dip drek dip ide sisar.”

YEREMIA 42:20

bipia jibon mun tunggwei nindig tu. Jahara da leu binhyepo dingat nadi bak ide tuhan Allah mem jeni. Lene jipreu ei mem gima jibit mun nyeng hagom di tuhan pai bije.

YEREMIA 51:9

Ngkiai nya di ibong ei sirima ipai biyam “Igyai ibou tut gima impu mben Babel tu lo, nituti njiriek tu! Gi kei mem ipri hak leu minu dini bingkwei hanyen ug ei itimieisi hak ug. tuhan ba Nide nisindemti bikes hukum ei mben Babel dip ba, bindei timek yok bitimek krebou tu.”

YEREMIA 7:15

Midijji jeni ug ei minu ting leu Doho bei dem kep nok dijji jide bat mben Israel nya nipou su. Da di tuhan disimbot dat tu.”

NIBWOS-BWOS NYENTI 5:16

Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

YEHEZKIEL 16:23

tuhan Di Ninyeng Jei Bibor pai “Buhun bibor mem nani! Buhun bibor jit! Abon mun di kinei dima yok hagom,

YEHEZKIEL 18:2

“Nggon rino tungwatu nya ei minu Israel indat-ndat nyen nihyet nibiti ninda dini i? ‘Andigpoi nya igyem ba anggur ngat di hyenha di bindei ba, imunggwom bat nya ikwai hyenha.’

YEHEZKIEL 18:25

Mpaba hi pai ‘tuhan niyai munti dima igbit bi.’ Je di mben Israel e, ma jimiap kep dihyet. Jikan bipia diyai munti nya igbit bi e? Noro jiyai munti nya rino igbit bi a.

YEHEZKIEL 34:6

Gima rino Ditde domba nya imbut-mbut wai apino israwir bidem nungug him kin mbigdip di jei bibor nya. Intek gimahap bidem dihyei nisurti-nipekti lewo gembala hi hek tut yok ba, nggok bram yok cem bi.

HOSEA 11:2

Noro tirigi dihig kikep yok ninyen lene ibimbut ninna leu Da leu api imbres yonti leu Da bikum eisi bu. Ditde limwa nya indig mindhe-ndhe ei nimbar hum dokti bak Baal bindig biei nggrai di ui-gwang kei bak kwar nya.

HOSEA 5:7

Yoni ingon gom tut tuhan ba, imunggwom bat nya inok tuhan nimunggwom bat nya bi. Gima rino jei bi lene Noni bindei sar yahagom bitut ide minu hagom bitimek bingwig.

HOSEA 7:1

tuhan pai bu “Bikwop nituti di ditin ei mem dibindei ba, Ditde limwa Israel ingon kwes hanyen bidiyai nibong kei nigwam keisi hanyen biyok cem lene dingat ide mun di kinei bibor kin ide sisar di ibon nya he. Iris yam bipos ndigban leu tungwatu ei ide ig kin yo di igya-ya nyen kak simpak mem gima ipos ndiyok cem.

HOSEA 7:3

tuhan pai “Limwa nya iba ide niris mun igkeisi kin ide nibon mun di kinei biborti biris ei nibou ndig kin yo di igya kui noniti.

HOSEA 9:12

Mbro nok gino isrek tut munggwom nya ba, inyohou yok bindig lo, midikat yok ba, disindui sut munggwom gom ngat biniyaijo cem bi. Je di mben Israel e, tirigi diba dinghim bak je ne buhun bibor mem je!”

HOSEA 9:17

Allah di diyai midyai mem mirok Nide limwa nya ei drek dip gi ikou sut ingig itingou mem nihyet. Yoni mimbut bibong-bong wai bidem dihyeisi dini bisrig ngkiai nya ikieti.

YUNUS 1:10

Lene binut bu bipai “Dinang ug ei ting bibor leu tuhan niyai him.” Imiap tu lene timiei kibar nsi nya ingon ttin bibor ba, ipai binoni bu “Abon mun dini ba, atunggwei sut tuhan nicuk nati!”

YUNUS 1:3

Noro Yunus kiju binang leu tuhan nicuk noti buug ei minu ndig Yopa. Noni ug krau hammi tirigi kibar minyei gom tin ei mem gima mbut bitot minyei ug ei minu Spanyol. Gima rino noni bipbur ba, go gau nonti bak kiten kibar leu api bri bit timiei kibar nsi nya dima biyuug ei minu Spanyol leu binhyepo bong ting bibor leu tuhan niyai him.

MIKHA 6:12

Timiei di inyeng bibor nya ei jide minu ndig ico kep yo di yuhui mbum nya. Jahagom jinok niris mun cig nya.

MIKHA 6:4

Dibuwak je kwei leu minu Mesir biditeu je bijingwes ngun leu gi yuubon je nok awak. Dicuk Musa kin Harun kin Miryam leu binhyepo ibie tut je.

MATIUS 23:37

“Ayo! Je di timiei minu ndig Yerusalem nya e, jikimukep nabi nya ba, jiba tig bihwen yo di Allah cuk yok kwei ndam je cem. Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

NINDAT KEP TUHAN NICUKTI NYA 15:15

Ma jiyok ngon kep bipia nipou yo lene jeni cem jinok awak ei minu Mesir leu api jide tuhan Allah kwek je. Gima rino diyai nicukti dini bije.

YOHANES GI NIGOM 1:10

Gino ipai sut nyenti bipia ibon sisar hi bi ne gima dem kep nok ipai kep Allah bipia Noni ne No di ris rin ba, ipwoi nihyet ei nyeni ingonti bi.

NINGAT-HI-NGAT NYA 8:13

Leu api dingat lo, hacam krubri hi ko-ko nyen anai bibor ei mpia-bbed him bidimiap noni ba nihyet nindig bibor bahara “Ayo! Ayo! Notou mem tungwatu dihyeisi dini tirigi ariman malaikati ibou ningai bu imiep ide pun mbrei nya i?”