HOSEA 7:11 - ALLAH NIHYET MEM TUNGWATU NYA

¹¹ Mben Israel di imig dia idem kep hakimoi mbrei di ningon mbum. Nipou yo ne limwa di ide nya yahara mben Mesir kwei bimpu yok. Leu api inang ndam mben Asyur bu!

HOSEA 7:11 ပူးပေါင်းရင်းမြစ်များ

NIBOU NDIG NYA GI NICAN 15:19

Tirigi Pul di nok nibou ndig mem mben Asyur ya tut nide tentara ba, injei bihwen mben Israel lene Menahem kiju bimbus perak di nibuhunti kilo sribu ningot ningai bitai biyai bak. Tug hon nisinati dima ne Menahem bindei sindem nide ninyeng tak kep mben Israelti.

NIBOU NDIG NYA GI NICAN 16:7

Lene Ahas sok nihyet ei tungwatu nya dip bak Tiglat-Pileser di nok nibou ndig mem mben Asyur bipai bak “Dahara na di Andigpoi leu binhyepo akwei mpu da ba, ateu da bidingwes ngun leu nibou ndig mben Siria kin nibou ndig mben Israel di sindi ikon pran bit da dini inda nsi ug e. Lewo dani ne ade awak di ningon gom ri.”

NIPINGOK NINGONTI 15:32

No di kou sut nipingok ningonti bimangkrei nonti niyaisi. No di joi sut nisok kep noti ne bikum ei ningon kiti.

NIPINGOK NINGONTI 17:16

No di ningon mbum tri mitiei bingwig ei nipek ningon kiti mikui-kausi lewo nibou ngwakti kwes bi.

NIPINGOK NINGONTI 6:32

Noro notou mem no di yem njita tut hiter nitnem i? No dima bibon nonti ninyeng kinei! Ningon mbum bibor!

YEREMIA 2:18

Nggon rino jibisau ug ei minu Mesir i? Mijidut Minyei Nil ningei e? Nggon rino jibisau ug ei minu Asyur i? Mijidut Minyei Efrat ningei e?

YEREMIA 2:36

Jidor haninyai ndam ngkiai nya ide kwar nya ba, jahara yok leu binhyepo impu je! Noro mben Mesir mibindei ba, jingon ngkwei leu yok dem kep nok gi jingon ngkwei leu mben Asyur.

HOSEA 11:11

Yoni mikwei didiyam leu minu Mesir noyam kin ha di dimba ba, ikwei leu minu Asyur noyam kin nimpung hakimoi mbrei. Leu api midibuwak yok hanyen ug ei ide ig bei nya. Da di tuhan disimbot dat tu.”

HOSEA 12:1

tuhan pai “Mben Israel iba nisuglai kin niris mun biyon ttai Da. Mben Yehuda ihwen bit Da di Allah Di Kwes di dingon gom bijo kikau.

HOSEA 12:2

Mun nyeng hagom di mben Israel ibon leu mpia tekti kikau ug bipek mmun bon ninyeng bi ba, mun nyeng hagom di bon ninyeng bi dima niyai munti mibindei sar yok bidem kep hou mpia priti. Ide niris munti kin ide nisibutti kum eisi ei ikieti. Ipreu mun ei bit minu Asyur lene ipwoi mini biyuug sut ug ei minu Mesir leu binhyepo ibijem isut bit yam.”

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

HOSEA 4:11

tuhan pai “Ditde limwa jen, ba anggur nitimiei kin nijep bindei ba, nisindemti mem jikan-kan nyenti di kei pren leu je.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

HOSEA 5:13

Mpe dino jo nibreisi mem mben Israel kin mben Yehuda bipia isindem bi lo, mun di buhun cut igkep yok ne mben Israel yuug hara nibou ndig di ninyeng jei ei minu Asyur leu binhyepo noni kwei mpu yok. Noro bit bon nibou ndig dima mpu yok biteu yok leu mun di micut igkep yok kan bi.

HOSEA 5:4

Mun di mbuk di mben Israel igyai dima bindei ba, bit bon ingkwei hanyen ndam ide Allah kan bi. Gi ikuk yok bak kwar nya dima kat yok bingkiem ba, ijoi sut Da bikuk yok biDa cem bi.

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

HOSEA 9:6

Mpe dino mun di buhun tau kep je bibindei ba, jintek gimahap ug ei jingkiai ne mben Mesir mimbus jide tungwatu niken-ken di igwam nya keyam leu api migyai nimai biyok ba, ibitig ingut ei minu ndig Memfis! Mintu-minta kin ndia nggwen mehei ba, dwim kep igkumti jide nya kin jide ndigban perak di nibok kak nya di jo ei mpia dima.

OBAJA 1:7

Yo di jijem jisut bit yok iris mun bije ba, ijji je leu jide minu tu. Jisut bat nya ihwen je bijicut biyok ba, yo di igyem njita bit je cem isrou je. Ihig yam nyen ser je bipai ‘Ide ningon kiti nya no jo hantousi i?’

MATIUS 10:16

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.