HOSEA 7:1 - ALLAH NIHYET MEM TUNGWATU NYA

¹ tuhan pai bu “Bikwop nituti di ditin ei mem dibindei ba, Ditde limwa Israel ingon kwes hanyen bidiyai nibong kei nigwam keisi hanyen biyok cem lene dingat ide mun di kinei bibor kin ide sisar di ibon nya he. Iris yam bipos ndigban leu tungwatu ei ide ig kin yo di igya-ya nyen kak simpak mem gima ipos ndiyok cem.

HOSEA 7:1 ပူးပေါင်းရင်းမြစ်များ

YESAYA 28:1

Mun di buhun bibor micut igkep timiei minu Israel di pes pu yok di inggei-nggwang tut ide minu ndig! Ide nikei-kau-keisi pimber hanyen dem kep nok topi di iba mitou binghau bikes ei ibou nggram him lo, mui su. Mun di buhun bibor micut igkep minu ndig di bon ninyeng jei ei mbang briep di nnum kei. Yo di pes pu yok bibor inggei sut minu ndig dima.

YESAYA 59:12

Ningat ne nibon mun di kinei mang bibor tut Na tu. Nyende sisar nya pai kep nye ba, ninok yo di igyai mun tunggwei ninyen. Ningon huk niti tut nyende nibon mun kineisi nok nijit binikan tut nyende sisar nya tu.

YESAYA 59:13

Nikon Nani nok nyende tuhan bi ba, naham nimbuk kep Na binikou sut Na cem lene nikou sut gi nibit nyende Allah tu. Nico kep yo di hiter ba, nico tunggwei puig di nijit cem tu. Nikan-kan nyenti srawir ba, nisuglai munti hei leu nuhui him.

YESAYA 59:14

Nibison Ade nikos tutti nya ug ei puig nghas ba, nibindei ningon srenti jo ting leu su. Nikiek ningha bak nikei nikos tutti di igbit ba, nison nijit-jausi ug ei puig nghas tu.

YEREMIA 51:9

Ngkiai nya di ibong ei sirima ipai biyam “Igyai ibou tut gima impu mben Babel tu lo, nituti njiriek tu! Gi kei mem ipri hak leu minu dini bingkwei hanyen ug ei itimieisi hak ug. tuhan ba Nide nisindemti bikes hukum ei mben Babel dip ba, bindei timek yok bitimek krebou tu.”

YEHEZKIEL 16:46

Akindig rino minu ndig Samaria ei nite bei mpia nijjai bitut nide minu mien nya. Akinjoi rino minu ndig Sodom ei nite bei mpia nibiho bitut nide minu mien nya.

YEHEZKIEL 23:4

Gi mighumbou ninyeng rino Ohola di bindo tut Samaria. Nikinjoi ninyeng rino Oholiba di bindo tut minu ndig Yerusalem. Diwak yahacem lene isrek tut munggwom biDa.

YEHEZKIEL 24:13

Minu ndig Yerusalem e, ade niyai munti di kinei bibor nya bindei ba, map kui nati. Mbro nok gino dibingon mem gima dibindei pwoi na lo, dem tut bi. Lewo map kui nati bijo kikau. Apwoi kei hanyen bi bibou dikes Ditde niggati ei na dip ug e.

HOSEA 10:5

Timiei minu ndig Samaria nya ittin. Yoni kin imam di ide nya di igyai midyai mem kwar sapi di iba mas bibon ei Betel ingon ngguk bipim. Lewo ide kwar di ikuk yok bak ninyeng jeisi sar yon tu.

HOSEA 11:8

tuhan pai “Je di mben Israel e, bit bon disindui sut je bidikes je ei kan bi. Mbro nok gino dibindei ba, mben Adma isar bingwig ba, dibibon mben Zeboim kinei lo, gino dibibon je nok gima ne gima dem dingon bi lewo dingondut je nindig bibor!

HOSEA 12:1

tuhan pai “Mben Israel iba nisuglai kin niris mun biyon ttai Da. Mben Yehuda ihwen bit Da di Allah Di Kwes di dingon gom bijo kikau.

HOSEA 12:2

Mun nyeng hagom di mben Israel ibon leu mpia tekti kikau ug bipek mmun bon ninyeng bi ba, mun nyeng hagom di bon ninyeng bi dima niyai munti mibindei sar yok bidem kep hou mpia priti. Ide niris munti kin ide nisibutti kum eisi ei ikieti. Ipreu mun ei bit minu Asyur lene ipwoi mini biyuug sut ug ei minu Mesir leu binhyepo ibijem isut bit yam.”

HOSEA 4:17

Mben Israel iba yoho rok kwar nya ba, gima brim ingona. Jisindui sut yok ba, igyai igbit yonti ingon kanti.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

HOSEA 5:1

tuhan pai “Je di imam nya e, ma jingig jitingou mem dihyet! Je di mben Israel e, ma jiyok ngon kep dihyet! Je dino jintun nibou ndig him e, ma jimiap kep dihyet! Dikes hukum ei je dip lewo ningat ne suar jigwam nok nikei di nikos tutti nya kwes kei noro jiyai nok gima bi! Jinoyam kin bon di indin ei minu ndig Mizpa lene jinoyam kin kau di icom ei Nungug Tabor,

HOSEA 6:4

Noro tuhan pai “Je di mben Israel kin Yehuda nya e, dinggon ndei je i? Jingon di ngakei Da pren-pren nyen haninyai noyam kin bumbuhui kin nggou di pren mem njap tekti.

HOSEA 7:13

Buhun bibor mem yok lewo yaham mbuk kep Da tu! Yoni mitimek bingwig lewo ihwen bit Da. Dipi biditeu yok bingwes ngun lo, ide nikuk no biDati nya hagom nitrowai he.

HOSEA 8:5

Dingon mpo tut kwar sapi nikre di timiei minu ndig Samaria iba mas bibon di ikuk yok bak a. Digga yoni bibor. Ibindei ba, map kui yokti kikau tug hon kwar dima ug bipek apig bu i?

HOSEA 8:9

Mben Israel ibit yonti ingon kanti noyam kin keledai nehek di bit nonti ningon kanti. Yoni yuug hara mben Asyur mem gima ikwei mpu yok. Lene iba mitiei bipek nijem nisut bit mben hi ter nya.

AMOS 3:10

tuhan pai “Timiei minu ndig Samaria iba mun di igyai tunggwei sut yam bipos ndigban nindig bibor leu tungwatu nya binju hagom ei ig nibou ndig nya ide. Bit bon iba ingon gom biyai mun nyeng gom kan bi.

AMOS 3:9

Ma jitri tut nihyet di disok ei jeni dip bak yo di ibong ser ig nibou ndig nya ide ei minu Mesir kin minu ndig Asdod bijipai biyok “Ma jinduk yam kwei ei nungug tou nya di jo ttai minu ndig Samaria leu binhyepo jicap timiei minu ndig dima ide nimbuk tut yamti kin mun di ibon tunggwei sut yamti bou jiyai him.”

AMOS 8:14

Yo di yeheng bitug hon mben Samaria ide kwar nya bipai ‘Deheng bitug hon keret Dan ide kwar’ e he ipai ‘Deheng bitug hon mben Bersyeba ide kwar’ e yahagom micut bihigom bikiju hanyen bi sren.”

MIKHA 6:16

Mun dini yok hagom micut igkep je drek dip gi jiyai bram Nibou Ndig Omri kin nipmot Nibou Ndig Ahab igyai munti di mbuk bibor nya. Jiyai bram igyai kepti di kinei dima yok kikau. Gima rino midibindei ba, jitimek bijingwig apino tungwatu dihyeisi dini hagom ighyet wer mpiahi tut je. Mbro nok gino jinok Ditde limwa nya lo, yahagom ingwes om je.”

MATIUS 23:37

“Ayo! Je di timiei minu ndig Yerusalem nya e, jikimukep nabi nya ba, jiba tig bihwen yo di Allah cuk yok kwei ndam je cem. Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

LUKAS 13:34

Ayo! Je di mben Yerusalem e, jikimukep nabi nya! Jiba tig bihwen yo di Allah cuk yok kwei ndam je! Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

LUKAS 19:42

bipai “Ndina! Gi kei rino njap di ammani jingon hukti tut mun di biyai jingon di kwes kin Allah! Noro nogindini mun dima jo nding leu jiyai him!