HOSEA 6:9 - ALLAH NIHYET MEM TUNGWATU NYA

⁹ Imam nya di ibong ei hanjop dima idem kep nimpung nipos kep ndigban cig di ikkin ser tungwatu di injiriek yok nya. Igyai nimai bak tungwatu nya ei puig di ikak ug ei minu ndig niya coi Sikhem cem! Ibisinggre ba, ibon mun di kinei dima yok hagom.

HOSEA 6:9 ပူးပေါင်းရင်းမြစ်များ

NITRITI 12:6

Abram ya bidem minu dima ba, ngig niyai kep minu dima buug krau biei pigig triti di ninyeng More di timiei minu Sikhem nya ipigig ser mem ide kwar di ikuk yok bak nya. (Mpe dima lene mben Kanaan igya bidem minu dima hagom.)

NIBOU NDIG NYA GI NIGOM 12:25

Niabiati ita Yerobeam nok nibou ndig mem mben Israel lene noni bindei ba, minu ndig Sikhem di jo ei nungug him hanjop Efraim bon tentara nibousi di igya coi nya apino noni bong ei minu ndig dima mem nituti poi. Lene noni ug bu bibong ei minu ndig Pnuel lene bindei ba, minu ndig dima cem bon tentara nibousi di igya coi.

EZRA 8:31

Nikiju binimbut leu Minyei Ahawa nipimat ba, nuug ndam Yerusalem ei njap gi nisimnaibrimigcan mem bed gi nigom. Nyende Allah nyohou nye leu yo di imbuk di micut igkep nye bigyon ser nye cem kak puig sinon.

YEREMIA 11:9

Leu api tuhan pai bida bu “Timiei Yehuda kin timiei minu ndig Yerusalem nya igyok ingon gom mem gima yaham imbuk kep Da tu.

YEHEZKIEL 22:25

Nibou mben Israel idem kep singa di ttem mun di yem leu api yau nyen a. Igyai nimai bak limwa nya ba, ipos ndigban kin mun di inyeng tut nya cem leu yok lene ibindei ba, sop imang bibor iwer kibom cem.

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

YEHEZKIEL 22:9

Ade limwa nya bihi iris mun ei hiterti leu binhyepo ibindei ba, itug ndei nimai hak ug. Lene bihi ijoi sut igyem mikwau di ibui di ibikuk yok bak kwar nya ba, bihi bu ibrim ingkek tut nikrar kep sopti nya.

YEHEZKIEL 23:27

Tug hon nisinati dima midibindei ba, akes hon ade nikrar kepti kin ade nicut tut pinaisi nya di abon habiei mpe di po angat rin ei minu Mesir pima hagom. Aba angon com kwar di tungwatu nya ikuk yok bak ba, ayok ngon kep minu Mesir cem bu bi.”

HOSEA 2:10

Midibindei ba, ningat ngu bou pinai di icut tut noni igyai him leu api bit bon pinai dima hi teu noni biningwes ngun leu Ditde nisindemti kan bi.

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

HOSEA 5:1

tuhan pai “Je di imam nya e, ma jingig jitingou mem dihyet! Je di mben Israel e, ma jiyok ngon kep dihyet! Je dino jintun nibou ndig him e, ma jimiap kep dihyet! Dikes hukum ei je dip lewo ningat ne suar jigwam nok nikei di nikos tutti nya kwes kei noro jiyai nok gima bi! Jinoyam kin bon di indin ei minu ndig Mizpa lene jinoyam kin kau di icom ei Nungug Tabor,

HOSEA 5:2

lene jinoyam kin ndep jui di jut bibor di itig ei minu ndig Sitim cem. Gima rino midikes hukum ei jahagom dip!

HOSEA 7:1

tuhan pai bu “Bikwop nituti di ditin ei mem dibindei ba, Ditde limwa Israel ingon kwes hanyen bidiyai nibong kei nigwam keisi hanyen biyok cem lene dingat ide mun di kinei bibor kin ide sisar di ibon nya he. Iris yam bipos ndigban leu tungwatu ei ide ig kin yo di igya-ya nyen kak simpak mem gima ipos ndiyok cem.

MIKHA 3:9

Je di nibou mben Israel di jingon mpo tut nisren-srausi bijikiek nijit-jausi binok mun di nitrowai cem e, ma jimiap kep dihyet!

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

ZEFANYA 3:3

Nibou di inyeng jei ei minu ndig dima idem kep singa di yau-yau nyen. Nikei nya idem kep serigala di nggum. Iduhwen bibor apino igibet ndia njum gom bijo ei mem njap di hyep cem bi.

MARKUS 14:1

Mpe dima lene jo njap can bu nipou tirigi tto bou dem mem ibon pesta kep Njap Ndig Paskah kin Njap Nindig Roti Dwoi Bi bigyo lene imam nindig nya kin guru Puig Yahudi nicukti nya imem kep ser nikwesti mem gima ikat Yesus niku leu binhyepo igyai nimai bak.

YOHANES 11:47

Gima rino Farisi nya kin imam nindig nya induk yam bit Nikei Puig Yahudi nindigsi nya ba, ihig yam ser “Nyeni inggon ndei i? No dima bibon mindur mang bibor tu!

KISAH 4:24

Tirigi isut bat nya imiap mun di ipui sut dima lene iba ingon gom bingat nadi bak Allah bipai “Na di Tuhan apai tes mpia-bbed him kin dihyeisi dini kin muk ngeisi tut mun di joti nya hagom.