HOSEA 6:8 - ALLAH NIHYET MEM TUNGWATU NYA

⁸ Gilead ne hanjop di mpung tut yo di ibon mun di kinei bibor kin yo di igyai nimai bak tungwatu nya ri.

HOSEA 6:8 ပူးပေါင်းရင်းမြစ်များ

SAMUEL GI NICAN 20:8

Tirigi yuug krau tig nindig di jo ei Gibeon lene Amasa kwei um yoni ei sirima. Mpe dima Yoab juk sinsun pran tut simeda di jo nahamti di bikri kin nintig bou. Tirigi noni son ndam Amasa lene simeda dima naham pas bicut ei bei ninda prak.

SAMUEL GI NICAN 3:27

Abner ngkwei hanyen bikwei krau Hebron tu lene Yoab bipbur bipai bak noni bipia yahacem igya ter dideu dimbou pmem leu binhyepo mbot kep mimun bak. Leu api Yoab dat Abner ninghopti kros ba, tti bimai hak. Yoab ningon nggrom kep Abner biyai nimai bak drek dip nikinjoi Asael po Abner yai nimai bak pima ri.

NIBOU NDIG NYA GI NIGOM 2:5

Lene dipai dingon kanti gom kin bu. Ayok ngon kep bipia Yoab bon mun tunggwei sut da tirigi noni hwen mben Israel ide nibou pran ibou can di Abner di Ner nipmot kin Amasa di Yeter nipmot pima. Mbro nok gino mben Israel ikon pran mem nijam dima bi ba, Abner kin Amasa ingon ngun lo, Yoab ba ningon nggrom bihwen yok drek dip tungwatu nya di yoni ihwen mem nijam di nyeni ikon pran nipou su. Nogindini dibiang nide niyai munti dima nibuhunti ba, ditug ndei ninghuisi wei drek dip.

MAZMUR 10:8

Ba, ku no nyahan ei nindingti bidem minu mien nya mem gima yai nimai bak yo di ingon ngun nya. Noni yok nitta kep yo di inghuisi jet nya ba,

MAZMUR 141:4

Ambres da ei minu ting leu yo di ingon pri tut nibon munti di kinei nya. Asindui sut ba, dibicom yam bit yo di ipigau ahyet ba, diyem njita bit yok ei ide pestati au.

MAZMUR 59:2

Ditde Allah e, ateu da bidingwes ngun leu ditde siceu nya inda nsi. Anyohou da leu yo di ikwei hwen da nya.

YEREMIA 11:19

Didem kep domba di ijem nyahan ug ei mpia di ikos kep domba nya eisi. Ikos tut ingon kanti di kinei dima mem dani lo, digikan tut bi. Yuhum yam nsi “Jikwei ba, iwim biei di ngat ningat kei dini. Icok tut noni hak ug leu binhyepo tungwatu ingon prion ser ninyeng hak ug.”

HOSEA 12:11

Dimbrap bit nabi nya ba, diyai ningat-hi-ngat mang bibor biyok. Ditri tut dingon kanti di ditin ei mem je di jinok Ditde limwa nya tug hon nabi dima yok.

HOSEA 12:12

Mbro nok gima lo, bihi no ikuk yok bak kwar nya ei hanjop Gilead noro yoni mitug ndei nimai. Bihi ibon midut nindig sapi nikre ei nimbar hum dokti ei minu ndig Gilgal cem noro siceu nya minggek nimbar hum dok ngot di jo ei minu dima binok tig di jo-jo yam dip ei ngoi dumti.”

HOSEA 4:2

Yeheng biyam noro iluei ingonti tut hanyen ba, iris mun cem. Ihwen yam binggimang ba, icut tut yam cem. Nimbuk tut yamti bikum eisi bu ba, sisar nihwen yamti kieng kep ide minu dini hagom.

HOSEA 5:1

tuhan pai “Je di imam nya e, ma jingig jitingou mem dihyet! Je di mben Israel e, ma jiyok ngon kep dihyet! Je dino jintun nibou ndig him e, ma jimiap kep dihyet! Dikes hukum ei je dip lewo ningat ne suar jigwam nok nikei di nikos tutti nya kwes kei noro jiyai nok gima bi! Jinoyam kin bon di indin ei minu ndig Mizpa lene jinoyam kin kau di icom ei Nungug Tabor,

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

KISAH 25:3

noni ngondut yok bisok nihyet bak nide limwa nya bibuwak Paulus hanyen kwei ei minu ndig Yerusalem. Yahara Festus nok lewo ide limwa nya igyok ingon gom mem Paulus ba, itin ei mem ihwen noni hapuig.