HOSEA 6:6 - ALLAH NIHYET MEM TUNGWATU NYA

⁶ Diyok dingon mem gima jingon jo kep Da kin gi jingon ngakei Da ba, mun nyeng can dini bon ninyeng nindig bibor dor njiriek nindig mindhe-ndhe ei nimbar hum dokti bak Dati.

HOSEA 6:6 ပူးပေါင်းရင်းမြစ်များ

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

MAZMUR 50:8

Dipai kep jeni drek dip midut nikwas mun nyeng hi biDa kin midut nindig mindhe titut ei nimbar hum dokti di jibon bikwop njap ei Doho bei bi.

NIPINGOK NINGONTI 21:3

Ayai munti nya di igbit ba, sren kei cem kei bibor ei tuhan niyai him dor njiriek midut di abon ei nimbar hum dokti bak Noni.

NIBA NINGON SRIP HUKTI 5:1

Ma akan-kan nyen tut ambrapti nipou ug e leu api ambrap. Ma aba angon priti bipreu ei mem Allah au. Allah Ningat rima ei gwamti lo, nani angat rin ei dihyeisi dini. Gima rino ma akan-kan nyen tut ade nipreu ei mem Noti nipou ug e.

YESAYA 1:11

Lewo Noni pai “Jikan bipia dijoi sut midut di jibon biDani ei nimbar hum dokti ninno tu nya e? Noro domba di jindig kep hum ei nimbar hum dokti nya kin ninggwo di jidigo leu sapi mien nya hagom nos Da. Jide sapi nikre kin domba kin kambir nya inggrom cem nos Da.

YESAYA 58:6

Noro niyem njita bi mem nituti poi di dingon llei sut rinok gini. Ma jico kep tungwatu nya ba, jipai kep yok ei nikei noho bei bu au. Lewo gima dem kep nok lante di biteu ikimam kin mun di buhun tak yok. Ma jikes yo di isima hukum mikuisi nya ba, imbut hak.

YEREMIA 7:22

Tirigi po dibuwak jidigup bat-jidigai bat nya kwei leu minu Mesir pima lene dipai sut nidimig sutti tut nibon midut nindig mindhe titut kep humti kin nibon midut hiter bak yoni bi.

DANIEL 4:27

Gima rino na di Andigpoi e, ma ace tut ba, abit dipingok nati. Abon sisar bu au. Noro ma aba angon di kwes biyai mun di kei-kau ba, angondut yo di yuhui mbum nya cem. Mpaba tug hon nisinati dima ne mporo ma abong kei agwam kei bijo ninno.”

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

HOSEA 2:20

Midiwak na bit leu nok gi dipreu ei mem na tu. Mporo ma apai jit bipia Dangkom he rino ade tuhan.

HOSEA 4:1

tuhan pai kep yo di ibong ei minu dini drek dip ide mun di srou yok. Je di mben Israel e, ma jimiap kep nihyet di pai bije “Tungwatu nya bidem minu dini nisurti-nipekti ingon gom tut yam bi ba, ingondut yam bi lene ijoi sut Da bikuk yok biDa cem bi.

HOSEA 8:13

Ijoi sut ibon midut nindig mindhe ei nimbar hum dokti bibikuk yok biDa leu binhyepo igyem mindhe di ibui dima ninghui. Lo, Da di tuhan dingon kei sut ide midut di ibon biDa dima bi. Nogindini diyok ngon kep ide sisar ba, midikes hukum ei yok dip drek dip. Midipinak yok hanyen ug ei minu Mesir!

AMOS 5:21

tuhan pai “Dingon mpo tut jide njap ndig nya lewo midut di jibon bou diyai him bindei ba, dingon him wei!

MIKHA 6:6

Tirigi ikuk nye bak tuhan di ninyeng tak kep gwamti ne suar ipwoi mindei kwei bigyai biNoni i? Suar ijem sapi nehen pap di kei bibor kei nya di indig kep hum ei nimbar hum dokti tirigi ibikuk nye biNoni e?

MIKHA 6:8

Nok bi! Lewo tuhan ndo brei binye tut mun di kei di Noni joi sut tu. Noni yok ningon mem gima igyai munti nya hagom sren kei kin gi ibrim ingkek mem ningondut yamti bingon ngakei Noni cem buug hon nohonti bi lene igyaijo nok gom bit ide Allah ba, iba ibou coi mem Noni cem.

MATIUS 12:7

Allah Nihyet pai Allah joi sut gima tungwatu nya ingondut yam leu gi ikos mindhe tut ninggrom he. Gino jikan igbit tut ningginausi dima ne mijipai kep yo di ingon ngun nya bi.

MATIUS 5:7

Bikwop yo di ingondut yo di hiter nya ingon nggei-hi-nggei lewo Allah mingondut yoni cem bu!

MATIUS 9:13

Je juug ba, jihig yam ser ningginausi tut Allah nihyet di pai binye ‘Dijoi sut ningondut yamti nindig bibor dor njiriek nikos mindhe tut ninggromti’. Lewo dikwei mem gima dinduk yo di ikan bipia ikei-kau nya bi noro mem gima dinduk yo dino hiter irok yok ei itta.”

MARKUS 12:33

Suar tungwatu nya iba ingonti titut yam kin ingon kanti titut yam kin ide nisindemti titut yam ba, ibingon ngakei Allah. Suar ingon ngakei hiter bit leu nok ingon ngakei yonti. Ba, nicukti ninyeng can dima bon ninyeng dor njiriek midut nibui mindhe-ndhe nya bindig ei nimbar hum dokti kin mun nindigsi di ikwas tut Allah cem.”

YOSUA 5:5

Mbro nok gino pinai di ingwes ngun leu minu Mesir yahagom igyai nibon midut sunat tu lo, imam nya ibon midut sunat hi mem munggwom pinai ningwoi-ngwoi nya tirigi mben Israel imbut-mbut nyen ei iggum ndigsi niabiati ingwes ngun leu minu Mesir pima bi.

YOHANES GI NIGOM 2:3

Gino igyai igbit Allah nicuk nyeti nya ne gini bindo bipia ingon dorti tut Noni mungkun tu.

YOHANES GI NIGOM 3:6

Gima rino yo di igyaijo nok gom kin Kristus yahagom ibon sisar ninyen bi. Noro yo di ibon sisar ninyen ikan huk Kristus ba, ingon dorti tut Noni bi sren.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.