HOSEA 6:5 - ALLAH NIHYET MEM TUNGWATU NYA

⁵ Gima rino dicuk Ditde nabi nya hwou ndam je leu binhyepo itri tut dikos datti nya bije bidipai bipia jei bi ne mijitug ndei hukum bijitimek bijingwig. Diyok dingon mem mun nyeng can di kwei leu jeni ba, hacem jo nibreisi.

HOSEA 6:5 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

NIBOU NDIG NYA GI NIGOM 14:6

Noro tirigi Nabi Ahia miap nimig di mbrap bit mpia ei dimbou heisi lene pai hak “Dikan tut nani ne Yerobeam nitnem rin ba, acoi kwei. Abisinggre ba, aluei atta nok hiter au. Nihyet di buhun no jo mem nani.

NIBOU NDIG NYA GI NIGOM 17:1

Mpe di gom lene nabi Elia leu Tisbe ei hanjop Gilead ug pai bak Nibou Ndig Ahab “Andigpoi e, dinok awak mem mben Israel ide tuhan Allah di niyaijo. Dipai tug hon Nonti ninyeng bipia hon kep ammani kui lene mpia ngei ndung ba, nggou mipren leu dihyei ninjek dip kikau mem ari bingwam can ningai dini kui bibo danti dipai sut hanyen ug e.”

NIBOU NDIG NYA GI NIGOM 18:17

Tirigi Ahab tau kep noni lene pai bak “Na di abindei minu Israel hagom kinei bibor akwei su e?”

NIBOU NDIG NYA GI NIGOM 19:17

Tungwa tou rino ningwes ngun leu Hazael de simeda mitug midut tug hon Yehu de simeda. Lene tungwa tou rino ningwes ngun leu Yehu de simeda mitug midut tug hon Elisa de simeda.

NIBOU NDIG NYA GI NICAN 1:16

bipai bak “tuhan pai ‘Acuk tungwatu nya biyuug hig ser kwar Baal-Zebub ei minu ndig Ekron tut abokti di buhun tereu nok akan bipia Allah hi ningat rin ei minu Israel dini mem gima ahig ser tut bi. Gima rino nani ma akei hanyen bu bi noro amai drek dip ug ri.’ ”

NIBOHON MBEN ISRAEL GI NICAN 21:12

Leu api Yehoram yai srat gom di Nabi Elia pas tirigi niyaisi jo yo. Srat dima nibimbiti pai “tuhan Allah di Daud kuk no bak kes hukum ei Na Di Andigpoi dip lewo agiyai bram acig kin agnyon igyaisi bi.

AYUB 15:30

Miningwes ngun leu nidinditi di dindi-kai bi. Hum miyem nide njita kioi bingwig. Noni misar tug hon ninnei di hei kwei leu Allah ninsi.

AYUB 34:10

Je di jingon ki e, ma jingig jitingou mem dihyet a. Mpaba Allah Di Sindem Bibor mibon mun tunggwei e? E bi!

MAZMUR 119:120

Didigit lewo dittin tut Nani ba, didigit tut Ade nikos tutti nya.

MAZMUR 37:6

Noni mindo bindo tut jingon ngunti ei nibreisi lene mimbrap gau je bindo jingon srenti dem kep nok mpia nuhuk pijumti.

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YEREMIA 1:10

Njap di ammani dipinak na leu binhyepo aba ahyet buhun bisok kep mben dihyeisi dini kin ninyeng tak kep limwa nyati hagom. Aba ahyet buhun dima bisrep tut nibou ndig nya ba, abinggek tut inyeng di tak kep ide limwa nya bingwig cem. Abindei sar yok cem leu api awin minu jep ba, ayai miai cem.”

YEREMIA 1:18

Amiap e! Timiei minu dini bitut nibou ndig nya kin yo di igya kui noni kin imam nya kin ide limwa nya mite tut nani. Noro njap di ammani dibindei ba, anok minu ndig di bon tentara nibousi kin cou nipmem ngkimom nitu kin ngug ngkimom-tembaga. Bit bon ibindei cut nani kan bi lewo midingat rin bit na bidiya srak ko hagau na cem. Da di tuhan disimbot dat tu.”

YEREMIA 13:13

Ma apai biyok bipia miduhug ba anggur ngei ei yo di ibong ei minu dini bitut nibou ndig di intun Daud him nya kin imam nya kin nabi nya kin timiei minu ndig Yerusalem yahagom poi ba, ibou ngwak sibui sut ri.

YEREMIA 23:29

Dihyet noyam kin hum kin apak di ki tig biki kukiau cem!

YEREMIA 5:14

Leu api tuhan Di Sindem Bibor pai bida “Yeremia e, yo dima mitug ndei mun di buhun bibor drek dip ipaisi dima ri. Midibindei ba, dihyet dem kep hum di sror kwei leu ahui him. Mben dini midem kep biei nindig di irop ei su lene Ditde hum miyem yok bingwig.”

YEHEZKIEL 11:4

Gima rino na di tungwatu di ayaijo kikau bi e, ma atri tut Ditde nisok nihyetti tut hukum di micut igkep yoni biyok.”

YEHEZKIEL 3:9

Midibindei ba, angon nddong kei noyam kin tig ba, anggwes bibor noyam kin tig permata intan cem. Ma adigit tut yo di yaham imbuk kep Da dima au.”

YEHEZKIEL 32:18

“Na di tungwatu di ayaijo kikau bi e, ma angon ngguk tut limwa minu Mesir nya ug. Apinak yok ug ei minu nimai nya ide bit minu di isindem nindigsi nya.

YEHEZKIEL 43:3

Ningat-hi-ngat dima noyam kin gi hi di dingat mpe di Allah kwei mem gima bindei timek minu ndig Yerusalem ba, noyam kin gi dingat ei Minyei Kebar nyai pima cem. Leu api ditti ug ei dihyeisi bidiba dingwak bikik dihyei bidikuk da bak.

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

KISAH 7:31

Nok rino Musa nga leu sut nindig bibor buug ndam biei mon dima bibimian huk. Lene noni miap Allah nihyet di tibim kwei bipai,

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

EFESUS 6:17

Ma jiyai niteu leu sisar kin niyaijo nijep kin je nok topi pran. Ma jiyai Allah nihyet di Ninnei su bije kin je nok singau simeda.

IBRANI 4:12

Lewo Allah nihyet ne nihyet di niyaijo ba, sindem bibor ba, nggwen bibor dor njiriek singau simeda di bon ninggwenti bei ninghim-noho cem. Nihyet dima tot kikau ug ei ingwes kin innei nijoti cem kikau ug ei injum tuti kin inggus nipek yamti cem ba, sindem mem gima hit mimun di jo ei ingonti kin ibou ngwakti.

NINGAT-HI-NGAT NYA 1:16

Noni krau ham mpia-bbed him ningat muhwindacan ei ninda comti kin singau simeda nipup gom di bon ninggwenti bei ninghim noho ntun nuhui him. Niimaisi piga kei dem kep mpia njap di com mem mpia huk pijum.

NINGAT-HI-NGAT NYA 2:16

Gima rino suar jittin ser jide sisar bijikiek ndam Allah. Gi bi lene jei bi midihwou ba singau simeda di ntun duhui him bikon pran bit yo dima.

NINGAT-HI-NGAT NYA 9:15

Leu api noni kes malaikati ibou bitai di itin ei mem jam kin njap kin bed kin ari bingwam dima leu binhyepo ihwen tungwagom leu ibou ningai tungwagom leu ibou ningai lene bikwop nok ei dihyeisi dini.

NINGAT-HI-NGAT NYA 9:21

Yo dini ittin ser ide sisar nihwen mun cem ninda dut cem nicut tut yam cem inok ninggimang kep mun cig cem leu ba, ikiek ndam Allah bi.

SAMUEL GI NIGOM 13:13

Lene Samuel buhup “Andigpoi e, mun di ayai dima ne aba angon mbum biyai yo. Abit tuhan Allah nicuk nati bi. Gino abit nicuk nati pima nok igbit lene Noni misindui sut ade nintun him yamti di bram yam nya ba, igya luei ahoti binok nibou ndig mem mben Israel bijo ninno bijo kikau.

SAMUEL GI NIGOM 15:22

Lene Samuel hig ser noni “Allah joi sut mindei ngan i? Noni joi sut yo di ibit nihyet e, he joi sut nibon midut he e? Mun di bon ninyeng ei Noni niyai him rino ibit nihyet leu gino ibon midut nindig domba di kei bibor kei kep humti bak Noni.

SAMUEL GI NIGOM 15:32

Lene Samuel cuk tentara nya bipia ikat Agag kwei ya ei noho bei. Lene Agag ba ninghuisi di mpig sut bikwei ya ei Samuel noho bei bikan “Misingwes ngun leu hukum ug ri.”

SAMUEL GI NIGOM 15:33

Lene Samuel pai binoni “Bit leu nok gi po ade simeda bindei ba, sop imang bibor ide munggwom nya isar bingwig leu yok lene nok gima cem simeda gom mibindei ba, apmem nipmot gom misar hak leu noni.” Lene noni kkin Agag kukiau hak ei bei nimbar hum dok nuhui ei Gilgal.