HOSEA 5:15 - ALLAH NIHYET MEM TUNGWATU NYA

¹⁵ Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

HOSEA 5:15 ပူးပေါင်းရင်းမြစ်များ

YESAYA 26:16

tuhan e, akes hukum ei nyeni dip lo, tirigi nitug hon ningkiemti lene nikiek hanyen ndam Nani ba, ningat nadi biNa.

MAZMUR 78:34

Bikwop mpe di Allah yai nimai bak ibou poi lene nindigsi nya inso yonti tut bingkwei hanyen ndam Noni.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

LUKAS 13:25

Ig niceu mikiju binggam mbou leu api je di jiya igbit nisai mijipuk-puk nyen dimbou bijahara ‘Andigpoi e, akau dimbou leu nye o!’ Noro noni mibuhup ‘Dikan tut jikwei leusi bi.’

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

YEHEZKIEL 36:31

Jingon muhukti tut jiyai munti di kinei bibor nya kin mun di jiyai tunggwei di nipou nya leu api jikoi jihwap tut jide sisar kin jiyai kepti di kinei bibor nya.

YEHEZKIEL 6:9

ibong ei ingkiaisi. Tirigi igwam ei ingkiaisi lene yoni migyok ngon kep Da bingon huk niti bipia dikes hukum ei yok dip ba, dibinim kep yok cem drek dip gi ingon gom tut Dani bi ba, iba inghim biDa lene iba kwar di ikuk yok bak nya biluei Da cem. Leu api ingon him wei sut yonti njem hanyen tut mun nyeng hagom di kinei bibor kin gi suwok bibor di ibon tu nya.

YESAYA 26:9

Diyok dingon mem Nani mem mpia mmun. Dingonti joi sut Nani mem mpia tekti. Tirigi agwam nok nikei mem timiei dihyeisi dini lene yoni mikan igbit tut nikei nikos tutti di sren kei nya.

MIKHA 1:3

Noni juk kwei leu nigwam kepti di kwes kei leu api mbut-mbut nyen ei nungug dip nya ei dihyeisi dini.

HOSEA 5:6

Yoni iba ide domba nya kin sapi nya di indig ei nimbar hum dokti binggok tuhan noro hagom dem mem bi. Lewo Noni kes yok ei su. Bit bon igya um Noni kan bi.

YEHEZKIEL 20:43

Mijibisrip tut jide nibon munti di igyai kou ningat nya ei sirima hagom di bindei di map kui jeti nya. Apino jide nibisrip tut nibon munti gi nipou dima mibiyai ningon him wei sut bije drek dip.

YEHEZKIEL 11:23

Leu api nipigati dima kes minu ndig Yerusalem leu lene pri ug ei nungug him ei minu ndig dima nite bei mpia nipriti.

YEHEZKIEL 10:4

Nipigati di piga mpia kei di bindo tut tuhan di ningat rin ei mpia dima piga mpia ei kerub dima yok igyati bipri ug ei dimbou hui di ibicoi tuhan De Ig. Apino nipigati dima piga mpia kei ei mpia di jo bas hak ei tuhan De Ig.

YEHEZKIEL 8:6

Allah pai bida “Na di tungwatu di ayaijo kikau bi e, angat mindei di pek kep dima i? Angig ayai kep nibon munti di kinei bibor di bindei ba, diyai ttin di mben Israel igyai kep nya. Mun di igyai dima boom Da ei minu ting leu Ditde Ig tu. Noro akwei ba, midindo mun di kinei bibor bu hi kin bu bina.”

YESAYA 26:21

tuhan mijuk kwei leu Nide gumihyep di gwam niti ei gwamti bikes hukum ei timiei dihyeisi nya dip drek dip ide sisar. Noni mimbot kep ide niyai nimai bak tungwatu niku di jo nding leu tungwatu igyai him apino mijo ei nibreisi. Dihyei miyon kep tungwatu di igyai nimai biyok tu nya bu bi.

MAZMUR 132:14

Noni pai “Midibong ser mpia dini bijo ninno bijo kikau. Dani dijoi sut minu dini binok nibousi mem Ditde ninyeng tak kep limwa nya.

MAZMUR 83:16

Aba Ade hou sigau buhuk yok. Aba hou di nimig ten bihwen yok bingwes mba ug e.

AYUB 33:27

No dima mipai ei yo di yahagom yoho bei ‘Dikan bigya gi kinei ne gi kei rin apino ditde sisar nindig. Mbro nok gima lo, Allah kes hukum ei da dip bi.’

NIBOHON MBEN ISRAEL GI NICAN 7:14

gino Ditde limwa di ikrau kep dinyeng dima ittin ser ibon munti di kinei bibor leu api yoom yonti ba, ingat nadi biDa lene ingkwei hanyen ndam Da lene midingig ditingou mem ide nadi di ingat biDani ei gwamti. Lene midikos ser ide sisar di ibon nya leu api dibindei ba, ide minu mpung tut nibong kei nigwam keisi hanyen bu.

NIPINGOK NINGONTI 8:17

Dingon ngakei yo di ingon ngakei da. Yo di inggok ser da mingat da bou igyai him.

NIJAM NIKEI NYA 4:3

Yabin nyeng tut kroba pran di iba ngkimom nitu bibon ningat sratus muhwindatai. Noni ba nimbuk bico kep mben Israel kikau mem ari bingwam ningot can tu. Leu gima rino mben Israel yahara tuhan kwei mpu yok.

NITRITI 42:21

Leu api isimbot kep biyam bipai “Itug ndei hukum dini drek dip mun po ibon tunggwei sut ikinjoi kieti pima ri. Mbro nok gino mun di kinei bibor cut igkep noni ba, noni kon ninda ser nye lo, nyeni ingkek ndok tut. Gima rino itug ndei hukum di buhun ei njap di ammani.”

MBEN ISRAEL IMBUT-MBUT NYEN 21:7

Lene ikwei ngat Musa bipai jit bipia Nibon sisar tirigi nisrep tut tuhan kin nani. Ma angat nadi leu binhyepo tuhan mijji wou piet dini yok leu nyeni nikieti. Gima rino Musa ngat nadi tindei yok.

YESAYA 18:4

tuhan pai bida “Midicap leu dibongti di jo anai ug ei bijehei mu bidicap brei bou diyai him nyahan kin gi kwes noyam kin nggou di cut nding mem mmun di hou dut kui mem nijam nikos ningat kui ig gudanti. Diba diyai di kwes-kwau bicap bidem mpia di com nimig kwes kei mem mpia ngket.

YEREMIA 3:14

tuhan pai “Je di limwa di jingon gom bi e, ma jingkwei hanyen ndam Da. Jeni ne Ditde nya ri. Midimbus tungwatu nya leu bikwop jide minu ndig nya hagom. Ba, dimbus ibou can-can leu bikwop jide keret nya hagom cem. Lene midibuwak je hanyen ug ei Nungug Sion.

MAZMUR 107:6

Tirigi ingon buhun bibor lene ingat nadi bak tuhan leu api Noni teu yok bingwes ngun leu mun di buhun tak yok.

MAZMUR 107:13

Tirigi ingon buhun bibor ne ingat nadi bak tuhan leu api Noni teu yok bingwes ngun leu mun di buhun tak yok.

MAZMUR 107:19

Tirigi ingon buhun bibor ne ingat nadi bak tuhan leu api Noni teu yok bingwes ngun leu mun di buhun tak yok.

MAZMUR 107:28

Tirigi ingon buhun bibor ne ingat nadi bak tuhan leu api Noni teu yok bingwes ngun leu mun di buhun tak yok.

NIBWOS-BWOS NYENTI 3:40

Jikwei ba, imbus nyenti ingonti bingat igyai munti nya leu ba, ittin ser ide sisar di ibon tut tuhan Allah ei gwamti.