HOSEA 5:1 - ALLAH NIHYET MEM TUNGWATU NYA

¹ tuhan pai “Je di imam nya e, ma jingig jitingou mem dihyet! Je di mben Israel e, ma jiyok ngon kep dihyet! Je dino jintun nibou ndig him e, ma jimiap kep dihyet! Dikes hukum ei je dip lewo ningat ne suar jigwam nok nikei di nikos tutti nya kwes kei noro jiyai nok gima bi! Jinoyam kin bon di indin ei minu ndig Mizpa lene jinoyam kin kau di icom ei Nungug Tabor,

HOSEA 5:1 ပူးပေါင်းရင်းမြစ်များ

YEREMIA 11:7

Mpe dino dibuwak idigup bat-idigai bat nya kwei leu minu Mesir lene disok kep yok bingkiem leu binhyepo ibit dihyet. No disok kep yok tut mun nyeng dima kikau kwei bipek ammani kep.

YEREMIA 13:18

tuhan pai bida “Acuk nibou ndig kin nitnem ba, ijuk kwei leu ide nibou ndig de banggo mbrei lewo ide topi nibou ndig di kei bibor cut leu ibou nggramhim tu.

YEREMIA 46:18

Dani ne Allah di niyaijo. Dani ne nibou ndig ba, tuhan Di Sindem Bibor ri. No di mikwei hwen na nide nisindemti dem kep Nungug Tabor di jo anai ei nungug nya ikieti ba, dem kep Nungug Karmel di jo anai leu muk ngwa dip.

HOSEA 10:15

Timiei minu ndig Betel e, mun di buhun dima micut igkep je drek dip mun di kinei nindig bibor di jibon nya. Tirigi ikon pran bit yam mem mpia nipriti rino jide nibou ndig mitug ndei nimai.”

HOSEA 13:8

Midittem je noyam kin beruang niwek di nimien nya sindi ipror leu noni leu api dibriug-briug nyen je. Midaham je bijingwig ei jiyati dem kep nok singa di ham mun di yem ba, noyam kin mindhe bigbehei di ttem-ttem nyen je ba, jibitun-ta.

HOSEA 4:1

tuhan pai kep yo di ibong ei minu dini drek dip ide mun di srou yok. Je di mben Israel e, ma jimiap kep nihyet di pai bije “Tungwatu nya bidem minu dini nisurti-nipekti ingon gom tut yam bi ba, ingondut yam bi lene ijoi sut Da bikuk yok biDa cem bi.

HOSEA 6:9

Imam nya di ibong ei hanjop dima idem kep nimpung nipos kep ndigban cig di ikkin ser tungwatu di injiriek yok nya. Igyai nimai bak tungwatu nya ei puig di ikak ug ei minu ndig niya coi Sikhem cem! Ibisinggre ba, ibon mun di kinei dima yok hagom.

HOSEA 9:8

Allah pinak da kwei nok nabi mem gima disok kep Nide limwa di jeni. Noro jibingon mem gima jisrou da bidem dimbutti nya nok tungwatu nya isrou ha nya. Limwa nya iba nitok bak nye di nabi nya ei minu di Allah ninyeng tak kep dini.

YOEL 1:2

Je di andigpoi nya e, ma jingon ya mem dihyet. Je di timiei minu Yehuda jahagom e, ma jiyok ngon kep. Mun di cut igkep je dini cut igkep je nipou su e, he cut igkep jidigup bat-jidigai bat nya nipou su e?

AMOS 3:1

Je di mben Israel e, ma jingig jitingou mem tuhan nisok kep jeti dino Noni sok kep mben nitindur gom di buwak kwei leu Mesir! Noni pai,

AMOS 7:9

Midibindei sar gumihyep di Ishak de nintun him yamti di bram yam nya ingkwei-ngkwei nyen kep mem gima ibon midut eisi nya. Mben Israel ide gumihyep di kwes-kwau nya mitti bingwig. Midicok tut yo di intun nibou ndig Yerobeam him yahagom.”

MIKHA 3:1

Je di nibou mben Israel e, ma jimiap kep dihyet! Suar ma jikan bidem tut nikos tutti di sren kei nya,

MIKHA 3:9

Je di nibou mben Israel di jingon mpo tut nisren-srausi bijikiek nijit-jausi binok mun di nitrowai cem e, ma jimiap kep dihyet!

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

MALEAKHI 1:6

tuhan Di Sindem Bibor pai bak imam nya “Nipmot kuk no bak nicig lene awak kuk no bak niceu. Dani ne jicig ri. Nggon rino jikuk je biDa bi i? Dani ne jiceu ri. Nggon rino jittin tut Da bi i? Jingwes pri gau Da noro jihig ser Da ‘Notou ningwes pri gau Na i?’

MALEAKHI 2:1

tuhan Di Sindem Bibor pai bak imam nya “Gini ne Ditde nicuk jeti ri.

NIJAM NIKEI NYA 4:12

Tirigi Barak nya ikui ug ei Nungug Tabor tu lene ninghapti tibim ei Sisera nitingou nsi.

NIJAM NIKEI NYA 4:6

Mpe di gom ne Debora sok nihyet bak Barak di Abinoam nipmot di bong ei Kedes ei keret Naftali de hanjop bikwei ngat noni. Lene Debora pai binoni “tuhan di nok mben Israel ide Allah sok nihyet kwei ei da dip bak nani bipai ‘Ma adimig pinjoi ndig nya leu keret Naftali kin Zebulon ibou sribu simnai leu api abie tut yok ug ei Nungug Tabor.

SAMUEL GI NIGOM 7:16

Noni mbut-mbut nyen ug ei minu ndig Betel kin Gilgal kin Mizpa bikwop ari bingwam hagom sindam bigwam nok nikei leu binhyepo mbus tungwatu nya di iba ighyet dahat yam ingonti.

SAMUEL GI NIGOM 7:5

Lene Samuel nduk mben Israel yahagom kwei ei Mizpa bipreu ei mem yok bipai “Midingat nadi mem je ei mpia dima.”

SAMUEL GI NIGOM 7:6

Gima rino yahagom induk yam kwei ei Mizpa ba, ibon midut nitau nisiber minyei ei Allah Noho bei. Leu api igyem njita bi ei ninsi njap nitindur gom dima. Yahagom ice tut yam bipai “Nibon sisar tut Allah tu.” (Ei minu Mizpa ne Samuel sindi gwam nok nikei ba, mbus mben Israel di iba ighyet dahat yam ingonti.)