HOSEA 4:8 - ALLAH NIHYET MEM TUNGWATU NYA

⁸ Mun di jinyeng tut dima kum eisi bu tug hon Ditde limwa nya ide sisar di ibon nya. Gima rino gino ibon sisar kwop ne jijoi sut igyai munti dima.

HOSEA 4:8 ပူးပေါင်းရင်းမြစ်များ

NIBOU NDIG NYA GI NICAN 12:16

Noro imam nya icom mitiei di itug ndei leu nibon midut nibikum Allah de ningwam kin nibon midut nibiyai nikos ser sisarti cem ei brua pimati bi. Lewo imam nya yongkom itug ndei mitiei dima mem yonti.

MAZMUR 24:4

Yo dima ne yo di igyai munti nya kei-kau kin yo di ingon gom nya bitut niris kep mun cig nya di ikuk yok bak kwar nya bi he ri.

MAZMUR 25:1

Doia Daud. tuhan e, dibindei kui ditde nadi biNa.

YESAYA 56:11

Idem kep nsien di duhwen mun di yem he lo, gima gi ndei ninggumti bi. Nibou dima yok ingon huk niti cem bi ba, ibon mun bit leu yonti ingon kanti bibikwop nok ba, iba yoho rok ningat di kei mem yonti he.

YEHEZKIEL 14:3

“Na di tungwatu di ayaijo kikau bi e, yo dini ikuk yonti bak kwar nya apino icut ei sisarti tu. Leu api nggon rima ihig ser Da i?

YEHEZKIEL 14:7

Bikwop mpe dino mben Israel gom e, he ngkiai hi di bong timiei ei mben Israel ikieti gom mbres nonti minu ting leu Da bikuk no bak kwar nya leu api hara nabi hi mem gima pingok ningonti lene Danti midibuhup no dima nihyet.

HOSEA 10:13

Noro jibon mun di dor tunggwei gima bijibrim jingkek tut gi jiyai kep mun di kinei bibor apino jipuk ningat ningon srenti hi bi. Jiyem kep ningat di ntun him jide niris munti nya.” tuhan binut bu bipai “Mben Israel e, jiba jingon com jide kroba pran nya kin jide tentara nya di imang bibor dima,

HOSEA 12:8

tuhan pai bak mben Israel “Jidat mben Kanaanti lewo jingon sren bi. Nitri-nipek mun cig nya ingon ya mem gi iba ide nai di igbit bi biris yo di ipek mun leu yok nya.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

IMAM NYA IDE MIDYAI 6:22

Tirigi ita no di ntun Harun him nok Imam Nibou Ndig ei nidipti bu lene suar imam nya igyai kep nibon midut dini bijo ninno bijo kikau. Lene suar indig roti dini hagom ei nimbar hum dokti nok mun di yoni ipigig sut ei mem tuhan.

IMAM NYA IDE MIDYAI 6:26

Lene ma imam di bon midut dini yem kep mikwau leu mindhe dima ei mpia ttou nsi gom di kwes-kwau kui tuhan De Prak Meng nuhui.

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

MALEAKHI 1:10

tuhan Di Sindem Bibor pai “Dijoi sut gima jigom nggam mbou pmem ei Ditde Ig hak nhyema hi ndig hum ariwace ei Ditde nimbar hum dokti bu au. Dijoi sut je bi ba, dikou sut mun di jibikuk je biDa cem.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

TITUS 1:11

Suar asok kep yo dima ngkiem leu binhyepo ikimut yuhug hak ug. Lewo iba nihyet minyei binggek tut mbusyamei ninsi de nya imang bibor ba, ibipek mitiei nindig bibor leu yok. Igyaisi dima igbit bi!

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

SAMUEL GI NIGOM 2:29

Nggon rino jidrui bou ngwak tut mikwau tirigi jingat mindhe-ndhe nya di dicuk Ditde limwa nya ibui mem nibon midut nindig titut ei nimbar hum dokti i? Eli e, nggon rino asindui sut apmot bat cin tut ingon kanti lene angkek ndok tut Danti dingon kanti i? Lewo asindui sut yoni idigo mikwau ninghui ninggriet di kei bibor kei hagom mem yonti igyem tirigi Ditde limwa nya ibon midut nindig ide mindhe-ndhe nya ei nimbar hum dokti bit leu nok dicuk yokti tu.