HOSEA 4:5 - ALLAH NIHYET MEM TUNGWATU NYA

⁵ Jeni kin jide nabi nya cem jiyai munti nya kinei bikwop mmun-njap. Gima rino midibindei timek jipmem di Israel.

HOSEA 4:5 ပူးပေါင်းရင်းမြစ်များ

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YEREMIA 15:8

Jide minu dima mpung tut kibom nya ba, imangti dor njiriek iggum di jo muk nipimat nimangti. Diyai nimai bak jide pinai pilei nya bimai hanyen ei ipilei yo apino ipmem bat nya ingon ngguk tut yok. Dibindei ba, nihwen mun cig gom hwen yok mem mpia njap apino ittin ba, ingon digit bibor.

YEREMIA 23:9

Ditri tut nihyet tut nabi nya. Dingon buhun bibor ba, didigit nindig bibor. tuhan ba nihyet di kwes-kwau bindei ba, dinok no di dut ba anggur ngei nindig bibor di pu no ba, dingon him wei.

YEREMIA 50:12

Noro mijinok mben di ibon inyeng bi bibor ei mben nindigsi nya ikieti ri. Yo dima ighyet kinei sut jide minu ndig ba, ibiyai nimmai cem bije. Jide minu dem kep iggum ndigsi di ngoi-nga bingak cai ri.

YEHEZKIEL 14:3

“Na di tungwatu di ayaijo kikau bi e, yo dini ikuk yonti bak kwar nya apino icut ei sisarti tu. Leu api nggon rima ihig ser Da i?

HOSEA 2:2

tuhan pai “He dimunggwom bat jen e, jipmem nok ditnem bu bi lene Dani dinok nijjep bu bi. Gima rino ma jipai kep noni ei nikei noho bei leu binhyepo noni mikes hon ba, cut tut pinai nya ariwace ba, nikrar jut bu au.

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

HOSEA 5:5

Ingon di jei bibor jo nibreisi bou diyai him nok mun di bindo tut igyai munti di kinei bibor nya. Ide sisar bindei ba, icut leu api mben Yehuda icut bram yok bu cem.

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

GALATIA 4:26

Noro minu ndig Yerusalem di nimbier kim gwamti ne minu ndig di niyati kwes binok ipmem ri.