HOSEA 4:12 - ALLAH NIHYET MEM TUNGWATU NYA

¹² Jahara biei ttou kin tom leu binhyepo indo puig di kei bije. Bon tom buhup bipingok jingonti e? Jahagom jinok sop wak cam di krar igkei. Jikes Da ei leu api jikes jenti ei nung nya indati.

HOSEA 4:12 ပူးပေါင်းရင်းမြစ်များ

NIBOU NDIG NYA GI NICAN 17:7

Minu ndig Samaria cut drek dip gi mben Israel ibon sisar tut ide tuhan Allah di teu yok bingwes ngun leu nibou ndig mem mben Mesir ninda nsi bibuwak yok ba, yehei leu minu dima. Mben Israel ikuk yok bak nung nya cem ba,

NIBOHON MBEN ISRAEL GI NICAN 21:13

Noro Na Di Andigpoi ayai bram nibou ndig mben Israel igyaisi. Lene abindei ba, timiei Yehuda kin timiei Yerusalem nya iba ingon di gom bibit Allah bi. Na Di Andigpoi abon munti noyam kin Nibou Ndig Ahab kin nibou di igya luei nohoti nya ibon munti nya. Lene gima he bi lewo mbro nok gino akinjoi bat ningat pima yok igyai munti nya kei dor njiriek Na Di Andigpoi ayai munti nya lo, ayai nimai bak yahagom hak.

MAZMUR 106:39

Ibon munti dima yok bindei ba, map kui yoti. Ingon gom tut Allah bi.

MAZMUR 73:27

Jo nibreisi bipia yo di ikes Na ei mitug midut. Mporo abindei sar yo di ingon gom tut Na bi nya.

YEREMIA 10:8

Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

YEREMIA 23:13

Dingat lo, nabi nya ei minu Samaria ibon sisar. Yoni iba Baal ninyeng bimbrap bibindei ba, Ditde limwa nya israwir.

YEHEZKIEL 20:32

Jibindei jenti ba, jinoyam kin ngkiai nya kin timiei minu hiter nya di ikuk yok bak biei kin tig. Noro jingon kanti dima mipek kep mem je bi sren.’ ”

YEHEZKIEL 21:21

Nibou ndig minu Babel kwei ya dideu biei sra di bindo puig cin dima leu binhyepo kan tut puig dima noni mbut kak a. Noni hara bak nide kwar di kuk no bak bindo igbit binoni lene bikrau nide tibor nya bikit-kit nyen cem ba, yok niyai kep mindhe di sindi ibui bibikuk yok bak ide nung nya nisingau a.

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

HOSEA 5:4

Mun di mbuk di mben Israel igyai dima bindei ba, bit bon ingkwei hanyen ndam ide Allah kan bi. Gi ikuk yok bak kwar nya dima kat yok bingkiem ba, ijoi sut Da bikuk yok biDa cem bi.

HOSEA 6:10

Dingat mun nyeng gom di bibon ningon ttinti ei minu Israel. Ditde limwa nya ibindei ba, map kui yokti tug hon nikuk no bak kwarti nya.

HOSEA 9:1

Mben Israel e, ma jibon midut kep jide njap nindig nya noyam kin ngkiai nya au. Jikes jide Allah ei ba, jingon gom tut Noni bi kikau tu. Bikwop mpia di jico kep gandum eisi ne jitri jenti bijinok nikrar jut cig nya mem kwar Baal. Jingon kei sut gi jitug ndei gandum di jikan bipia Baal yai nok jimuhup bije!

IMAM NYA IDE MIDYAI 17:7

Suar mben Israel igyai ingon gom bak tuhan kikau lene ma ibui mindhe-ndhe ei ngoi dumti nya mem ibikuk yok bak nung di isibut nya au. Suar ibit nicukti dima bijo ninno bijo kikau.

IMAM NYA IDE MIDYAI 20:5

lene Danti midikes hukum nimai ei noni dip bitut nide ig bei nsi nya kin yo di itti kin noni yahagom di iba inghim bak Dani leu ba, ikuk yok bak kwar Molokh. Midibibon yoni nok yo di inggre kin Ditde limwa nya bu bi.

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

HABAKUK 2:19

Jitug ndei nisigion jeti tu! Lewo jipai bak biei ttou gom “Ada ayai ba, akiju!” Lene jipai bak tig nindig nindak gom “Akiju ba, aya!” Kwar dima sindem mem gima mbot kep tut mun nyeng gom bijeni e? Mbro nok gino jiba perak kin mas binggai kep kwar dima lo, ninnei joti bi.

MBEN ISRAEL IMBUT-MBUT NYEN 15:39

Sinsun bou mbu dima ne mun nibiyok ngon kep ri. Bikwop mpe di jingat gima yok lene ma jiyok ngon kep dicuk jeti nya hagom ba, jiyai igbit. Tug hon nisinati dima mijibbwe ser Dani leu ba, jibit jenti jingon kanti kin jingon pri kepti nya bi.

NINDAT KEP TUHAN NICUKTI NYA 31:16

Lene Noni pai bak Musa “Jei bi lene ayaijo ngwig hon ug ri. Niabiati amai leu mben Israel tu lene yoni ingon gom tut Da bu bi leu api ikrau kep mun po dipreu ei mem yok pima bu bi ri. Yoni mikes Da ei leu api mikuk yok bak nung nya di ingat rin ei minu di sindi icoi bibong kep dima ug ri.

NIJAM NIKEI NYA 18:5

Leu api ipai binoni “Ginok lene ma ampu nye ba, ahig ser Allah tut nyeni nimbutti dini. Ningon kanti di nimbut tut dini mipek kep mem nye e? he bi e?”