HOSEA 4:1 - ALLAH NIHYET MEM TUNGWATU NYA

¹ tuhan pai kep yo di ibong ei minu dini drek dip ide mun di srou yok. Je di mben Israel e, ma jimiap kep nihyet di pai bije “Tungwatu nya bidem minu dini nisurti-nipekti ingon gom tut yam bi ba, ingondut yam bi lene ijoi sut Da bikuk yok biDa cem bi.

HOSEA 4:1 ပူးပေါင်းရင်းမြစ်များ

NIBOU NDIG NYA GI NIGOM 22:19

Lene Mikha binut bu bipai “Ma angig atingou mem Allah nihyet! Dingat Allah tirigi Noni gwam Nide banggo mbrei dip ei gwamti lene Nide malaikati nya yahagom igya kui Noni.

MAZMUR 81:9

Ditde limwa jen e, ma jingig jitingou mem disok kep jeti. Israel e, jimiap kep dihyet!

YESAYA 1:10

Je di mben Yerusalem e, jide nibou nya kin jide limwa nya jahagom jinok mben Sodom kin Gomora. Ma jimiap mun di tibim ei nyeni ide Allah nuhui him. Ma jingig jitingou mem nipingok jeti.

YESAYA 1:18

tuhan pai “Jikwei ba, ikwam minggwen bit yam ser munhyet dini. Mbro nok gino jide sisar bindei ba, jingwoi kei noyam kin ban ngwoi lo, mididip tut jingonti bidibindei ba, tiei kei noyam kin bungguma. Mbro nok gino jide sisar mang bibor buhun tak je lo, midikos ser hagom bingwig leu je.

YESAYA 28:14

Je di jillei-lau di jinyeng tak kep timiei minu ndig Yerusalem nya e, ma jimiap kep tuhan nihyet.

YESAYA 34:1

Mben ngkiai jen e, ma jikwei bijidem yam ei leu api jingig jitingou a. Nna ba minu dini titut yam kin yo di igyaijo ei niti nya yahagom ikwei dem yam bimiap kep.

YESAYA 34:8

Gima mipek kep mem yok ei njap di tuhan kon pran gau Sion bibuhup Nide siceu ide nibon munti nya hanyen biyok.

YESAYA 5:3

Gima rino disut pai “He je di timiei minu ndig Yerusalem kin Yehuda nya e, ma jigwam nok nikei ba, jikos tut mem dani kin ditde miai ba anggur dima.

YESAYA 59:4

Jittei jide munhyet bijiya ei nikei noho bei lene jibipai kep hiter mikui-kausi. Nisren-srausi tti kin je bi. Jisuglai mun ba, jiba jingon com mun di ugwai-gwai he. Jitin ei jingon kanti mem gima jipai kep hiter ba, jibibon mun di kinei.

YESAYA 59:8

Jibrim jingkek mem ningon gomti bi. Jibon munti nya hagom igbit bi. Jimbutti nya ngot yam-pa yam nyen apino yo di ibit je ingwes ngun bi.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

YEREMIA 11:7

Mpe dino dibuwak idigup bat-idigai bat nya kwei leu minu Mesir lene disok kep yok bingkiem leu binhyepo ibit dihyet. No disok kep yok tut mun nyeng dima kikau kwei bipek ammani kep.

YEREMIA 19:3

Noni sok nihyet ei da dip leu api ditri tut biyok “Je di nibou ndig minu Yehuda kin je di timiei minu ndig Yerusalem e, ma jingig jitingou mem mun di tuhan Di Sindem Bibor di jide Allah cem pai bije. Midibindei ba, mun di buhun bibor cut igkep mpia dini apino yo di imiap tut nya ingon ttin bibor.

YEREMIA 2:4

Je di jintun Yakub him bijinok keret Israel nya jahagom e, ma jingig jitingou mem tuhan nicuk jeti!

YEREMIA 2:9

tuhan pai “Nogindini midiba mbrap bit Ditde limwa nya ba, dibuwak yo di intun yok him nya cem ug ei nikei noho bei.

YEREMIA 25:31

Nihyet dima bong mpiati ninno ug bipek kin dihyei nisurti-nipekti. tuhan bon munhyet bit ngkiai nya. Noni mimbus yahagom ingonti leu api kes hukum ei yo di isibut bibor nya dip.’ ”

YEREMIA 34:4

Ma angig atingou mem dihyet di bitut na di Zedekia dini! Mporo atug ndei nimai tug hon pran bi.

YEREMIA 4:22

tuhan pai “Ditde limwa nya ingon mbum bibor ba, igikan igbit tut Da bi. Idem kep munggwom di ingon huk niti tut mun nyeng hi haninyai bi. Ingon guhuk niti poi mien cem bi hak ug. Tut mun di kinei ne ibon kep igkei noro itunggwei sut nibon mun di keisi nya.”

YEREMIA 4:28

Dihyeisi dini migwam ningon di nggukti ba, mpia-bbed him dindi-kai. tuhan mbrap tu ba, luei ningon kanti tut bi. Noni kos tut ei su ba, misujou nimig ceti gom cem bi.

YEREMIA 5:4

Di kan “Nok ug e. Yo dini ne limwa di ibon inyeng ba, ikan tut mun nyeng hi bi nya ri. Iba ingon mbum bibon mun lewo ikan tut tuhan Allah ningon kanti mem yok kin Nide niyok ningon mem yokti cem bi.

YEREMIA 51:5

Mbro nok gino mben Israel ibon sisar tut Da tu lo, Da di tuhan Di Disindem Bibor cem Di Kwes Bibor bidinok mben Israel ide Allah cem midikes mben Israel kin timiei Yehuda nya ei bi.

YEREMIA 6:13

Ndigpoi nya kin munggwom nya yahagom iba ingon di sren bi biris mitiei leu yam ba, nabi nya kin imam nya cem iris mun bak ide limwa nya.

YEREMIA 7:28

Gima rino apai kep yok bipia inok mben di ingkek ndok igkei. Dani ne tuhan rin bidinok ide Allah noro ibit dihyet bi. Hukum di dikes ei yok dip tot ingonti bi. Ide niba ningon com Dati pren hak leu yok ba, isimbot kep biyam tut cem bu bi.”

YEREMIA 9:20

Lene dipai “Je di sop nya jahagom e, ma jimiap kep tuhan nihyet. Ma jingginau jipmisop bat nya leu binhyepo ipim ba, ibikiek nimai igkei. Ma jipingok jisut bat nya ingonti leu binhyepo ingon ngguk bibor ba, ipim bibikiek nimai igkei.

YEREMIA 9:3

Itindei kep nituti mem gima iris mun bijo kikau. Mun di nijit ninyeng tak kep minu titut yam bi. Noro ningon sren bisi kieng kep minu nisurti-nipekti. tuhan pai “Ditde limwa nya ibon mun di kinei bibor bijo-jo yam dip. Ikon Dani bidinok ide Allah cem bi.”

YEREMIA 9:7

Gima rino tuhan Di Sindem Bibor pai “Midibingon Ditde limwa nya dem kep nok tukan di kwen ngkimom nitu leu binhyepo idem kep ngkimom nitu di pimbai kei. Mindei bu rima dibon bak Ditde limwa di ibon mun di kinei bibor dinok gima i?

YEHEZKIEL 16:35

Na di sop sundal minu ndig Yerusalem e, angig atingou mem mun di tuhan Di Ninyeng Jei Bibor simbot dat a.

HOSEA 12:2

Mun nyeng hagom di mben Israel ibon leu mpia tekti kikau ug bipek mmun bon ninyeng bi ba, mun nyeng hagom di bon ninyeng bi dima niyai munti mibindei sar yok bidem kep hou mpia priti. Ide niris munti kin ide nisibutti kum eisi ei ikieti. Ipreu mun ei bit minu Asyur lene ipwoi mini biyuug sut ug ei minu Mesir leu binhyepo ibijem isut bit yam.”

HOSEA 12:3

tuhan pai kep mben Yehuda drek dip ide munhyet. Noni mikes hukum ei Israel dip drek dip igyai munti nya ba, buhup biyok bit leu ide nibon munti di ibon nya.

HOSEA 5:1

tuhan pai “Je di imam nya e, ma jingig jitingou mem dihyet! Je di mben Israel e, ma jiyok ngon kep dihyet! Je dino jintun nibou ndig him e, ma jimiap kep dihyet! Dikes hukum ei je dip lewo ningat ne suar jigwam nok nikei di nikos tutti nya kwes kei noro jiyai nok gima bi! Jinoyam kin bon di indin ei minu ndig Mizpa lene jinoyam kin kau di icom ei Nungug Tabor,

HOSEA 5:4

Mun di mbuk di mben Israel igyai dima bindei ba, bit bon ingkwei hanyen ndam ide Allah kan bi. Gi ikuk yok bak kwar nya dima kat yok bingkiem ba, ijoi sut Da bikuk yok biDa cem bi.

YOEL 1:2

Je di andigpoi nya e, ma jingon ya mem dihyet. Je di timiei minu Yehuda jahagom e, ma jiyok ngon kep. Mun di cut igkep je dini cut igkep je nipou su e, he cut igkep jidigup bat-jidigai bat nya nipou su e?

AMOS 3:1

Je di mben Israel e, ma jingig jitingou mem tuhan nisok kep jeti dino Noni sok kep mben nitindur gom di buwak kwei leu Mesir! Noni pai,

AMOS 7:16

Gima rino ma angig atingou mem nihyet di tuhan pai bina. Apai bipia suar di kes hon biditri tut dihyet ba, dibinggek mben Israel au.

MIKHA 6:2

Mbigdip nya kin dihyeisi dini nikiou nya e, ma jingig jitingou mem tuhan nihyet di pai kep mben Israelti! Lewo Noni mipai kep mben Israel ei nikei noho bei biwit huk yok drek dip.

YOHANES 8:55

jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet.

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

KORINTUS GI NIGOM 15:34

Joom jingon ba, ma jibon kep sisar bu au. Ma jimmai sut jenti lewo ibou poi di isrig jikieti ingon kwes kin Allah bi.

NINGAT-HI-NGAT NYA 2:11

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Bikwop yo di ibindei cut sisar nisindemti migyai ninghuisi wei tug hon nimai gi nican bi sren.”

NINGAT-HI-NGAT NYA 2:29

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya!”