HOSEA 2:20 - ALLAH NIHYET MEM TUNGWATU NYA

²⁰ Midiwak na bit leu nok gi dipreu ei mem na tu. Mporo ma apai jit bipia Dangkom he rino ade tuhan.

HOSEA 2:20 ပူးပေါင်းရင်းမြစ်များ

NITRITI 9:10

Ba, dibon gi preu dini bit mun di hei leu kibar nsi bit nani nok ha nya kin mindhe-ndhe nya hagom.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YESAYA 62:4

Tungwatu nya mijem anyeng Minu Ndig Di Ikes Bijo Ei Bu Bi kin Minu Prenti bu bi. Noro mijem anyeng Minu Ndig Di Allah Ngondut kin Minu Niwak Cam. Gima hagom nok lewo tuhan joi sut na ba, Noni dem kep nijjep mem ade minu.

YEREMIA 24:7

Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 30:10

Ditde limwa mben Israel e, ma jingon ttin bibor au! Ditde awak di intun Yakub him e, ma jidigit-digoi tut au. Miditeu jeni kin yo di intun jeni him nya bijingwes ngun leu jingkiaisi di ting bibor di jisima eisi. Jingkwei hanyen bijibong kei jigwam kei ei jitimieisi hanyen leu api mun nyeng hi bindei ba, jittin tut bi.

YEREMIA 32:41

Dijoi sut nibon mun di kei bak yoni bidibindei ba, ibong ei minu dini bijo ninno bijo kikau.

YEREMIA 9:24

Tungwa tou rino llei sut mun nyeng hi lene suar llei sut gi noni kan tut Dani biningon dorti tut dingon kanti nya. Lewo dingon ngakeisi jo ninno bijo kikau ba, dita nikos tutti nya di mungkun kei kin ningon di sren tut yamti ei dihyeisi bingkiem-kiau. Dijoi sut mun dini yok hagom. Da di tuhan disimbot dat tu.”

YEHEZKIEL 16:62

Midibon gi preu nijep bit na apino akan tut bipia Dani ne tuhan ri.

YEHEZKIEL 16:8

Tirigi dimbut ei mpia dima bu lene dingat lo, ade njap dem mem gima apai pinai tu. Diba Ditde sinsun ndok di jei bijuk na ser ade ningat nguti dima. Dipreu ei bina tut Ditde ningon ngakei nati. Gima igbit rin ba, dibon nipreu sut niwak yamti bit na. Ba, Ditde nani tu. Da di tuhan Di Dinyeng Jei Bibor disimbot dat tu.

YEHEZKIEL 34:25

Midipreu ei mem yok bipia ibong kei igwam kei. Dijji mindhe-ndhe di niten-pos nya bingwig leu ide dihyei nisurti-nipekti leu binhyepo Ditde domba nya iba ingon di jo nyahan biya-ya nyen ei abris nghousi bibong kep inghuisi ei bahamti cem.

YEHEZKIEL 34:27

Ide biei kin beisi nya mingat ningat mang bibor leu api tungwatu nya yahagom mibong kei migwam kei bidem itimieisi. Tirigi dibindei ba, lante di ibiteu Ditde limwa nya hagom tun bingwig ba, diteu yok bingwes ngun leu yo di yuubon yok nok awak inda nsi lene mijo nibreisi mem yok bipia Dani ne tuhan ri.

YEHEZKIEL 38:23

Tug hon nisinati dima lene midindo brei bak ngkiai nya yahagom bipia dinyeng jei bidingon kwes-kwau cem. Apino yoni mikan tut bipia Dani ne tuhan ri.”

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

HOSEA 2:19

Na di Israel e, midiwak na ba, anok ditnem di ningat-ngat bijo ninno bijo kikau. Midingondut na bidingon ngakei na cem. Midiba ningon srenti kin ningon gomti bibon na.

HOSEA 6:6

Diyok dingon mem gima jingon jo kep Da kin gi jingon ngakei Da ba, mun nyeng can dini bon ninyeng nindig bibor dor njiriek nindig mindhe-ndhe ei nimbar hum dokti bak Dati.

IMAM NYA IDE MIDYAI 26:5

Njita ningat nindig bibor mintun him jide miaisi nya apino mpe di tto bou dem mem jipuk ba anggur ngat lo, no jike jide gandum nintam hagom kin yam yo. Ba, mpe di tto bou dem mem jigimahap gandum ngan lo, no jipuk kep ba anggur ngat yo. Jide njita midem mem jiyem kep jinggum dor njiriek ba, mijibong kei jigwam kei ei jide minu dima.

IMAM NYA IDE MIDYAI 26:6

Midibindei ba, mpia nimbu-brati mikieng kep jide minu dima apino mijibong mai lene jittin tut jide siceu nya hi bi. Midicok tut mindhe-ndhe di niten-pos nya leu minu dima ba, nikon pranti mikieng kep jide minu bu bi cem.

MIKHA 4:3

tuhan migwam nok nikei di kos tut mben dihyeisi dini kin ide ninyeng tak kepti di sindem bibor gi ibong dideu kin gi ibong ting bibor nya ide munhyet. Yoni mitug ide singau simeda bikinding nok ngkimom di sapi bitem dihyei biprin ide tigtug nya hagom bidem kep nok singau koi nya. Mpe dima lene mben dihyeisi dini hagom mikon pran bit yam binjei siceu bu bi sren.

ZAKHARIA 9:10

tuhan pai, “Midicom kroba pran bingwig leu Efraim leu api midibindei ba, kuda pran nya ipror bingwig leu minu ndig Yerusalem. Dibindei dahat hampiap hagom bingwig. Jide nibou ndig mikim mbrap tut keret dihyeisi dini bibindei ba, yahagom ingon kwes kin yam. Ninyeng tak kepti ninyanti ug bikep kin muk ngeisi ei nite hi kikau ug bipek kin muk ngeisi ei nite hi ba, bipek kin Minyei Efrat kikau ug bipek kin minu nohon keti.”

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 8:55

jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

IBRANI 8:11

Suar ingginau isut bat nya bitri tut bak ide bat nya cem bipia ‘Suar aba angon bisrip tut Allah’ nok bu bi Lewo bikwop yo di ibon inyeng bi nya bipek kin yo di inyeng jei nya yahagom iba ingon bisrip tut Da.

YOHANES GI NIGOM 4:6

Noro Allah ninyeng tak kep nyeni. No di ningon dorti tut Allah bit nyeni ighyet. No di Allah ninyeng tak kep bi bit nyeni ighyet bi. Tug hon nisinati di ibingat Ninnei di nijit kin ninnei di bindei ba, tungwatu nya israwir niter leu yamti.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.