HOSEA 2:18 - ALLAH NIHYET MEM TUNGWATU NYA

¹⁸ Mpe dima lene midipai tes mindhe-ndhe kin ha nya di bit bon tungwatu nya ipijuk kan bi nya leu binhyepo iwaisi Ditde mben bu bi. Ba, midipos minggwen pran nya hagom bingwig leu Ditde limwa nya leu binhyepo ikon pran ei ide minu dima bit yam bu bi. Leu api yahagom ingon mijo nyahan ba, ibong kei igwam kei.

HOSEA 2:18 ပူးပေါင်းရင်းမြစ်များ

AYUB 5:22

Gino tungwatu nya imbuk tut yam ba, ninggum hwen yok cem lene mporo angon mijo nyahan ba, apa ndip yok hak ug. Gino mindhe di niten-pos nya ittau kep na lene mporo attin tut yok bi.

AYUB 5:23

Gino akkin dihyei ei miaisi lene tig nya misigi ser midyai di ayai dima bi. Mindhe-ndhe bigbehei di niten-pos cem mittem na bi.

MAZMUR 148:10

kin mindhe-ndhe di tungwatu nya ipijuk kan kin mindhe-ndhe di niten-pos nya kin mun di srei ei dihyeisi kin ha nya hagom e, ma jinggei sut tuhan.

MAZMUR 23:2

Noni jem da ug ei abris nghousi di nnum kei bidibong kep dinghuisi. Noni jem da ug ei ugyou di niyaisi nddong kei bididut minyei kep dinggobiausi.

MAZMUR 46:9

Jikwei ba, imian ser tuhan niyai munti nya. Ma jitou kep mindur nya di Noni bibon ei dihyeisi dini.

YESAYA 2:11

Yo di inggei sut yonti inyeng micut leu api yo di ingon jei mikuk yok bak tuhan lewo suar tungwatu nya ikon Nongkom ninyenga.

YESAYA 2:17

Yo di inggei sut yonti inyeng micut ba, yo di ingon jei mikuk yok bak tuhan lewo suar tungwatu nya yahagom ikon Nongkom ninyenga.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YESAYA 26:1

Mpe dima kwei ne timiei Yehuda nya di ingat rin mipai doia dini. “Mei, ide minu ndig dini sindem bibor! Allah Nonti rino win tentara nibousi di igyai coi nya ba, ingwes ngun eisi.

YESAYA 32:18

Mun di buhun micut igkep Allah de limwa nya bu bi apino yoni mibong kei migwam kei.

YESAYA 54:5

Jide Nipai Tes Mun Cig mibon Nonti nok ajjep. Mben Israel ide Allah di kwes-kwau miteu na ba, angwes ngun. Ninyeng rino tuhan Di Sindem Bibor ba, ninyeng tak kep dihyeisi dini hagom.

YESAYA 65:25

Nsien mbrei di niten-pos nya mitai njita bit domba mien nya. Singa nya mitai njita noyam kin sapi nya lene wou nya yaham tungwatu bu bi. Mun di mbuk kin nirom ndokti mijo ei Ditde nungug di kwes-kwau dima nisurti-nipekti bu bi.”

YEREMIA 23:6

Mpe dino ninyeng tak kep ne timiei Yehuda kin mben Israel nya yahagom mibong kei migwam kei. No dima ninyeng rino ‘Ide tuhan Di Teu Nye Leu Sisar Biyai Niyaijo Nijep Binye.’

YEREMIA 30:10

Ditde limwa mben Israel e, ma jingon ttin bibor au! Ditde awak di intun Yakub him e, ma jidigit-digoi tut au. Miditeu jeni kin yo di intun jeni him nya bijingwes ngun leu jingkiaisi di ting bibor di jisima eisi. Jingkwei hanyen bijibong kei jigwam kei ei jitimieisi hanyen leu api mun nyeng hi bindei ba, jittin tut bi.

YEREMIA 33:16

Miditeu timiei Yehuda kin timiei minu ndig Yerusalem nya bingwes ngun. Dibindei mbut nibong kei nigwam keisi mem yok. Dijem minu ndig Yerusalem ninyeng ‘Ide tuhan Ne Niteu Kep Nye Cig Ri.’

YEHEZKIEL 34:25

Midipreu ei mem yok bipia ibong kei igwam kei. Dijji mindhe-ndhe di niten-pos nya bingwig leu ide dihyei nisurti-nipekti leu binhyepo Ditde domba nya iba ingon di jo nyahan biya-ya nyen ei abris nghousi bibong kep inghuisi ei bahamti cem.

YEHEZKIEL 39:1

tuhan Di Ninyeng Jei Bibor pai, “Na di tungwatu di ayaijo kikau bi e, ma apai kep nibou ndig Gog di ninyeng tak kep minu Mesekh kin Tubal nya. Apai bak bipia nide nitok rino Dani.

ZAKHARIA 14:4

Njap dima dem ne Noni miya ei Nungug Zaitun dip ei minu ndig Yerusalem ei nite bei mpia nipriti. Leu api Nungug Zaitun nonti miki hacan binok briep ndig di nyan bibor di jo leu bei mpia nipriti buug ninno bipek kin nite bei mpia nicutti. Nungug dima nite hi mison ei nite bei mpia nijjai ba, nite hi bu mison ei nite bei mpia nibiho.

ZAKHARIA 14:9

tuhan ne nibou ndig di ninyeng tak kep dihyei njek dip dini titut yam ri. Bikwop tungwagom-gom mikuk no bak binok nide Allah lene mikan tut Nonti ninyeng gom ngat.

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

ZAKHARIA 3:10

Tirigi njap dima dem lene tungwagom-gom minduk yo di ninttig-tta nya bikwei bingat ingwes ei nibong kei nigwam keiti ei jide miai ba anggur nghousi nya kin biei ara nghousi nya.”

ZAKHARIA 9:10

tuhan pai, “Midicom kroba pran bingwig leu Efraim leu api midibindei ba, kuda pran nya ipror bingwig leu minu ndig Yerusalem. Dibindei dahat hampiap hagom bingwig. Jide nibou ndig mikim mbrap tut keret dihyeisi dini bibindei ba, yahagom ingon kwes kin yam. Ninyeng tak kepti ninyanti ug bikep kin muk ngeisi ei nite hi kikau ug bipek kin muk ngeisi ei nite hi ba, bipek kin Minyei Efrat kikau ug bipek kin minu nohon keti.”